ରୁଷ ସମର୍ଥନରେ ଖୋଲାଖୋଲି ବାହାରିଲା ଭାରତ । EUର ପ୍ରତିବନ୍ଧକ ଉପରେ MEA ରଖିଲା ଜବାବ । 'ଆମେ ଏପରି ଏକପାଖିଆ ପ୍ରତିବନ୍ଧକକୁ ବିରୋଧ କରୁଛୁ । ରୁଷ ଉପରେ EU କଟକଣା ଲାଗିବା ପରେ ଭାରତୀୟ ବୈଦେଶିକ ମନ୍ତ୍ରଣାଳୟ ସ୍ପଷ୍ଟ ଭାବରେ କହିଛି ଯେ ଆମେ ବଜାରରେ ଉପଲବ୍ଧ ବିକଳ୍ପ ଏବଂ ବର୍ତ୍ତମାନର ବିଶ୍ୱ ପରିସ୍ଥିତି ଅନୁସାରେ ପଦକ୍ଷେପ ନେଉଛୁ । ଭାରତ EU କଟକଣାକୁ ଦ୍ୱୈତ ମାନଦଣ୍ଡ ବୋଲି କହିଛି ।

ଭାରତୀୟ ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ ଟ୍ୱିଟ କରିଛନ୍ତି । "ଆମେ ୟୁରୋପୀୟ ସଂଘ ଦ୍ୱାରା ଲାଗୁ ହୋଇଥିବା ପ୍ରତିବନ୍ଧକକୁ ଲକ୍ଷ୍ୟ କରିଛୁ । ଭାରତ କୌଣସି ଏକପାଖିଆ ପ୍ରତିବନ୍ଧକକୁ ସମର୍ଥନ କରେ ନାହିଁ । ଆମେ ଏକ ଦାୟିତ୍ୱବାନ ରାଷ୍ଟ୍ର ଏବଂ ଆମର ଆଇନଗତ ଦାୟିତ୍ୱ ପ୍ରତି ସମ୍ପୂର୍ଣ୍ଣ ପ୍ରତିବଦ୍ଧତା ରହିଛି ।"

ଋଷ ଏବଂ ୟୁକ୍ରେନ୍‌ ମଧ୍ୟରେ ଯୁଦ୍ଧ ସ୍ଥିତି ଏବେ ବି ଲାଗି ରହିଛି । ଯୁଦ୍ଧବିରତି ସମ୍ପର୍କରେ ଋଷ ବଡ଼ ସର୍ତ୍ତ ରଖିଛି । ଋଷ ସ୍ପଷ୍ଠ ଭାବେ କହିଛି, ୟୁକ୍ରେନ୍ ସେହି ଅଞ୍ଚଳଗୁଡିକରୁ ସେନା ପ୍ରତ୍ୟାହାର କରୁ ଯେଉଁ ଅଞ୍ଚଳକୁ ସେପ୍ଟେମ୍ବର ୨୦୨୨ରେ ଋଷ ଦଖଲ କରିଥିଲା । ଏହା ସହିତ ଋଷ ଆଉ ଏକ ସର୍ତ୍ତ ମଧ୍ୟ ରଖିଛି । ଏଥିରେ କୁହାଯାଇଛି, ୟୁକ୍ରେନକୁ ତା'ର ମାଟିରେ କୌଣସି ତୃତୀୟ ଦେଶର ସାମରିକ ଉପସ୍ଥିତିକୁ ନିଷିଦ୍ଧ କରିବା ଉଚିତ ।

ଋଷିଆନ ଦଲିଲରେ ଆହୁରି ପ୍ରସ୍ତାବ ଦିଆଯାଇଛି, "ୟୁକ୍ରେନ ସାମରିକ ଆଇନ ସମାପ୍ତ କରିବା ଏବଂ ନିର୍ବାଚନ କରାଇବା ଉଚିତ, ଯାହା ପରେ ଦୁଇ ଦେଶ ଏକ ବ୍ୟାପକ ଶାନ୍ତି ଚୁକ୍ତିନାମା ସ୍ୱାକ୍ଷର କରିପାରିବେ । ୟୁକ୍ରେନ ନାଟୋରେ ଯୋଗଦାନ କରିବାର ପ୍ରୟାସ ବନ୍ଦ କରିବା ଉଚିତ । ୟୁକ୍ରେନିଆନ ସହିତ ସମକକ୍ଷ ଭାବରେ ଋଷିଆନ ଭାଷାକୁ ଦେଶର ସରକାରୀ ଭାଷା ଭାବରେ ମାନ୍ୟତା ଦେବ ।" ଋଷର ଏହି ଦାବି ପରେ କାହିଁ ଲାଗୁନି ଉଭୟ ଦେଶ ମଧ୍ୟରେ ଶୀଘ୍ର ଶାନ୍ତି ଫେରିବ ।