ବଢିଲା ଶୁଭାଂଶୁ ଶୁକ୍ଳାଙ୍କ ଘର ବାହୁଡା ଅବଧି

ଶୁଭାଂଶୁ ଶୁକ୍ଲାଙ୍କ ଘର ବାହୁଡ଼ା ଅବଧି ବୃଦ୍ଧି । ଜୁଲାଇ୧୪ରେ ପୃଥିବୀକୁ ଫେରିବ ଅନ୍ତର୍ଜାତୀୟ ମହାକାଶ କେନ୍ଦ୍ରକୁ ଯାଇଥିବା Axiom-4 ମିସନ । ଆଉ ୨ ଦିନ ପରେ ଶୁଭାଂଶୁ ଓ ତାଙ୍କ ସହକର୍ମୀ ଫେରିବା ସୂଚନା ମିଳିଛି । ଟେକ୍ସାସସ୍ଥିତ ମହାକାଶ କମ୍ପାନି ହ୍ୟୁଷ୍ଟନ୍ ସ୍ପେସ୍ ଦ୍ୱାରା ପରିଚାଳିତ ଏହି ଐତିହାସିକ ଅଭିଯାନରେ ଶୁକ୍ଳାଙ୍କ ସହ ଆମେରିକାର ବରିଷ୍ଠ ମହାକାଶଚାରୀ ପେଗି ହ୍ୱିଟ୍ସନ୍, ପୋଲାଣ୍ଡର ମିସନ ବିଶେଷଜ୍ଞ ସାଓସ୍‌ ଉଜନାସ୍କି ଓ ହଙ୍ଗେରୀର ଚତୁର୍ଥ ମିସନ ବିଶେଷଜ୍ଞ ଟିବୋର୍ କାପୁ ରହିଛନ୍ତି।

ସ୍ୱାସ୍ଥ୍ୟ, ପଦାର୍ଥ ବିଜ୍ଞାନ ଓ ମହାକାଶ ପ୍ରଯୁକ୍ତି ବିଦ୍ୟା ସମେତ ବିଭିନ୍ନ କ୍ଷେତ୍ରରେ ବୈଜ୍ଞାନିକ ପରୀକ୍ଷଣ କରିବା ପାଇଁ ଏହି ୪ ମହାକାଶଚାରୀଙ୍କୁ ଦାୟିତ୍ୱ ଦିଆଯାଇଛି । ଜୁଲାଇ ୧୪ରେ Axiom-4 ଅନ୍ ଡକିଂ ପାଇଁ ଯୋଜନା ଥିବା ସ୍ପଷ୍ଟ କଲା ନାସା ।

ଅନ୍ୟପଟେ ଶୁଭାଂଶୁଙ୍କ ପିତା -ମାତା ତାଙ୍କ ଫେରିବା ବାଟକୁ ଚାହିଁ ବସିଛନ୍ତି । ତାଙ୍କର ଆସିବା ତାରିଖ ଜାଣିବା ପରେ ତାଙ୍କ ମନରେ ଖୁସିର ଲହରି ଖେଳିଯାଇଛି । ବାଜା ବଜେଇ ବାଣ ଫୁଟାଇ ଆମେ ପୁଅକୁ ସ୍ୱାଗତ କରିବୁ ବୋଲି ସେମାନେ କହିଛନ୍ତି ।

ଗ୍ରୁପ୍ କ୍ୟାପ୍ଟେନ୍ ଶୁଭାଂଶୁ ଶୁକ୍ଳା ତିନୋଟି ପରୀକ୍ଷଣ କରିଥିଲେ । ପ୍ରଥମ ଥର ପାଇଁ, ସେ ସ୍ପ୍ରାଉଟ୍ସ ପ୍ରୋଜେକ୍ଟରେ କାର୍ଯ୍ୟ କରିଥିଲେ ଯାହା ଦ୍ୱାରା ଗଜା ଏବଂ ପ୍ରାରମ୍ଭିକ ଉଦ୍ଭିଦ ବିକାଶକୁ କିପରି ମାଇକ୍ରୋଗ୍ରାଭିଟି ପ୍ରଭାବିତ କରେ ତାହା ଅଧ୍ୟୟନ କରାଯାଇଥିଲା । ପୃଥିବୀକୁ ଫେରିବା ପରେ ସେହି ବିହନ ଗୁଡିକୁ ଅନେକ ପିଢି ପର୍ଯ୍ୟନ୍ତ ଚାଷ କରାଯିବ । ଏଥିରେ କଣ ଫରକ୍ ଦେଖିବାକୁ ମିଳୁଛି ତାହାକୁ ପରୀକ୍ଷଣ କରାଯିବ ।

ଅନ୍ୟ ଏକ ପରୀକ୍ଷଣରେ, ସେ ମାଇକ୍ରୋ ଶୈବାଳକୁ ବିନିଯୋଗ ଏବଂ ସଂରକ୍ଷଣ କରିଥିଲେ, ଯାହା ଖାଦ୍ୟ, ଅମ୍ଳଜାନ ଏବଂ ଜୈବ ଇନ୍ଧନ ଉତ୍ପାଦନ କରିବାର ସମ୍ଭାବନା ପାଇଁ ଅନୁସନ୍ଧାନ କରାଯାଉଛି ।