ପ୍ରଥମେ ଗଣଦୁଷ୍କର୍ମ , ପରେ ନିଜ ଦେଶକୁ ଚାଲିଯିବାକୁ ଦେଲେ ଧମକ । ବ୍ରିଟେନ ଓଲ୍ଡବରୀରେ ଏକ ଘଟଣା ଯାହା ଚାଞ୍ଚଲ୍ୟ ସୃଷ୍ଟି କରିଛି । ୨୦ ବର୍ଷର ଜଣେ ମହିଳାଙ୍କୁ ଦୁଷ୍କର୍ମ କରିଛନ୍ତି ୨ ଜଣ ପୁରୁଷ । ସକାଳ ୮.୩୦ ସମୟରେ ଘଟିଛି ଏହି ଅଭାବନୀୟ ଘଟଣା ।

ପୋଲିସର ସୂଚନା ମୁତାବକ ୨ ଜଣ ଇଂଲଣ୍ଡର ପଶ୍ଚିମ ମିଡଲ୍ୟାଣ୍ଡସ୍ ଅଞ୍ଚଳର ସାଣ୍ଡୱେଲ୍ ଅଞ୍ଚଳର ଓଲ୍ଡୱରୀ ଟେମ ରୋଡରେ ଯୁବତୀଙ୍କ ପ୍ରତି ଯୌନ ଆକ୍ରମଣ କରାଯାଇଛି। ୨ ଜଣ ଗୋରା ରଙ୍ଗର ଯୁବକ ମହିଳାଙ୍କ ସହ ଜୋର ଜବରଦସ୍ତ ଗଣଦୁଷ୍କର୍ମ କରିଥିଲେ । ସେମାନଙ୍କ ମଧ୍ୟରୁ ଜଣେ ଗାଢ ରଙ୍ଗର ସ୍ବେଟସାର୍ଟ ପିନ୍ଧିଥିବା ବେଳେ ଅନ୍ୟଜଣେ ଧୂସର ରଙ୍ଗର ଟୋପି ପିନ୍ଧିଥିଲେ । ସେମାନେ ସମ୍ପୂର୍ଣ୍ଣ ଭାବେ ଶିଖ୍‌ ଜାତିକୁ ଟାର୍ଗେଟ କରି ଆକ୍ରମଣ କରିଥିବା କହିଥିଲେ ମହିଳାଜଣକ । ତା ସହ ତାଙ୍କୁ ସେହି ଯୁବତୀଙ୍କୁ ଜାତିଭେଦପୂର୍ଣ୍ଣ ମନ୍ତବ୍ୟ ଦେଇ କହିଥିଲେ, ଯାଅ ନିଜ ଦେଶକୁ ଚାଲିଯାଅ ।

ତେବେ ଏହି ଘଟଣା ପରେ ବ୍ରିଟିଶ ସାଂସଦ ପ୍ରୀତ କୌର ଗିଲ ଏହି ଘଟଣାର ଘୋର ନିନ୍ଦା କରି କରିଛନ୍ତି । ସେ କହିଛନ୍ତି , ବର୍ତ୍ତମାନ ସମୟରେ ବଢୁଥିବା ଜାତିଭେଦ ମନ୍ତବ୍ୟ ଦେଶ ପାଇଁ ଅତ୍ୟନ୍ତ ଚିନ୍ତାଜନକ । ସେହିପରି ବର୍ମିହୋମ ଏଜବାଷ୍ଟନର ସାଂସଦ କହିଛନ୍ତି, ପ୍ରଥମେ ମହିଳାଙ୍କ ପ୍ରତି ଏମିତି ବ୍ୟବହାର ଚରମ ହିଂସାର କାର୍ଯ୍ୟ ଏହାସହ ସେମାନେ ଦେଇଥିବା ଜାତିଭେଦ ମନ୍ତବ୍ୟ ଆହୁରି ଦେଶ ପାଇଁ ଚିନ୍ତାଜନକ । ତାଙ୍କୁ କୁହାଯାଉଛି ଯେ , ତୁମେ ତୁମ ଦେଶକୁ ଚାଲିଯାଆ, ପ୍ରକୃତରେ ସେମାନେ ଏହି ଦେଶର । ଆମ ଦେଶରେ ପ୍ରତ୍ୟେକ ସମ୍ପ୍ରଦାୟଙ୍କର ସୁରକ୍ଷିତ ଏବଂ ସମ୍ମାନର ସହ ରହିବାର ଅଧିକାର ଅଛି । ତେଣୁ ଓଲ୍ଡୱରାରେ ଜାତିଭେଦ ଏବଂ ମହିଳାଙ୍କ ପ୍ରତି ଅତ୍ୟାଚାରର କୌଣସି ସ୍ଥାନ ନାହିଁ ।

ଇଲଫୋର୍ଡ ସାଉଥ୍‌ର ଅନ୍ୟ ଜଣେ ସାଂସଦ ଜସ୍ ଅଥୱାଲ୍ କହିଛନ୍ତି, ଏହି ଆକ୍ରମଣ ଆମ ଦେଶରେ ବଢ଼ୁଥିବା ଜାତିଗତ ଉତ୍ତେଜନାର ପରିଣାମ ।
ଗତ ୩ ମାସ ତଳେ ୱଲଭରହାମ୍ପଟନ୍ ରେଳ ଷ୍ଟେସନ୍ ବାହାରେ ତିନି ଜଣ ଯୁବକଙ୍କ ଦ୍ୱାରା ଦୁଇଜଣ ବୟସ୍କ ଶିଖ୍ ପୁରୁଷଙ୍କ ଉପରେ ଆକ୍ରମଣ କରାଯାଇଥିଲା । ଭିଡିଓରେ ଜଣେ ବାରମ୍ବାର ତାଙ୍କୁ ଲାତ ମାରୁଥିବାର ଅନ୍ୟ ଜଣେ ତାଙ୍କୁ ଟାଣିଟାଣି ନେବାର ଦେଖିବାକୁ ମିଳିଥିଲା । ବର୍ତ୍ତମାନ ପୋଲିସ ଟିମ ଗଠନ କରି ଆକ୍ରମଣକାରୀଙ୍କୁ ସନ୍ଧାନ କରିବାକୁ ଚେଷ୍ଟା କରୁଛି ।