ଅର୍ଗସ ବ୍ୟୁରୋ: ସିକିମ୍‌ରେ ପ୍ରକୃତିର କରାଳ ତାଣ୍ଡବ । ଉତ୍ତର-ପୂର୍ବ ସିକିମ୍‌ରେ ଫସିଛନ୍ତି ଓଡ଼ିଶାର ପର୍ଯ୍ୟଟକ । ସୁବର୍ଣ୍ଣପୁର ଜିଲ୍ଲାର ଗୋଟିଏ ପରିବାର ୪ ଜଣଙ୍କ ସମେତ ମୟୂରଭଞ୍ଜର ଜଣେ ପର୍ଯ୍ୟଟକ ୫ ଦିନ ହେବ ଫସି ରହିଛନ୍ତି । ସିକିମ୍‌ର ରାଜଧାନୀ ଗ୍ୟାଙ୍ଗଟକରୁ ଚାଇନା ସୀମା ମଧ୍ୟରେ ବିଭିନ୍ନ ସ୍ଥାନରେ ଗତ ୧୨ ତାରିଖରେ ଭୂସ୍ଖଳନ ହୋଇ ରାସ୍ତା ଓ ପୋଲ ଭାଙ୍ଗିଯାଇଛି । ଉଦ୍ଧାର ପାଇଁ ପର୍ଯ୍ୟଟକମାନେ ସରକାରଙ୍କ ସହାୟତା ଲୋଡ଼ିଛନ୍ତି । ସୁବର୍ଣ୍ଣପୁର ଉଲୁଣ୍ଡା ବ୍ଲକ ଭଜବଲପୁର ଗାଁର ରାମନାରାୟଣ ମିଶ୍ର ତାଙ୍କ ପରିବାର ସହ ଚାଇନା ସୀମାକୁ ଲାଗିଥିବା ଲାଚୁମ୍‌ ବୁଲିବାକୁ ଯାଇଥିଲେ ।

ଲାଚୁମ୍‌ରୁ ୧୩ ତାରିଖରେ ଗ୍ୟାଙ୍ଗଟକକୁ ଫେରିବାର କାର୍ଯ୍ୟକ୍ରମ ଥିଲା। ହେଲେ ୧୨ ତାରିଖ ରାତିରେ ପ୍ରବଳ ବର୍ଷା ଓ ପାଗ ଖରାପ ହେବାରୁ ବିଭିନ୍ନ ସ୍ଥାନରେ ଭୂସ୍ଖଳନ ହୋଇଥିଲା । ତେଣୁ ସେମାନେ ଫେରି ନପାରି ସେଠାରେ ଫସି ରହିଛନ୍ତି । ନେଟୱର୍କ ନଥିବାରୁ ସେମାନଙ୍କୁ ଯୋଗାଯୋଗ ମଧ୍ୟ କରି ହେଉନି ।

ଅଧିକ ପଢ଼ନ୍ତୁ ଦେଶ ଖବର: