ଅଷ୍ଟ୍ରେଲିଆ ପରେ ଏବେ ଫ୍ରାନ୍ସରେ ପିଲାଙ୍କ ଉପରେ ସୋସିଆଲ ମିଡିଆ କଟକଣା ଲାଗୁ । ଡିଜିଟାଲ୍ ଦୁନିଆର କ୍ଷତିକାରକ ପ୍ରଭାବରୁ ପିଲାମାନଙ୍କୁ ସୁରକ୍ଷା ଦେବା ପାଇଁ ଫ୍ରାନ୍ସ ସରକାର କଠୋର ପଦକ୍ଷେ ନେଇଛନ୍ତି । ଅର୍ଥାତ୍ ୧୫ ବର୍ଷରୁ କମ୍‌ ବୟସର ପିଲାମାନେ ଫେସବୁକ୍‌, ଟୁଇଟର,ହ୍ୱାଟସ୍‌ଆପ୍‌, ଇନଷ୍ଟାଗ୍ରାମ,ୟୁଟ୍ୟୁବ,ସ୍ନାପଚାଟ, ଟିକଟକ ଓ ଟେଲିଗ୍ରାମ ଭଳି ସୋସିଆଲ ମିଡିଆ ପ୍ଳାଟଫର୍ମ ଆଉ ବ୍ୟବହାର କରିପାରିବେ ନାହିଁ । ଏଥିପାଇଁ ଆଇନ ଆଣିବାକୁ ଯାଉଛନ୍ତି ସରକାର । ରାଷ୍ଟ୍ରପତି ଇମାନୁଏଲ ମାକ୍ରନ ଏ ସମ୍ପର୍କରେ ସୂଚନା ଦେଇଛନ୍ତି ।

୨୦୨୬ ସେପ୍ଟେମ୍ବର ମାସ ଠାରୁ ହାଇସ୍କୁଲଗୁଡ଼ିକରେ ମୋବାଇଲ୍ ଫୋନ୍ ଉପରେ ପ୍ରତିବନ୍ଧକ ଲଗାଇବାକୁ ଯୋଜନା କରାଯାଇଛି । ଏହି ପରି ହେବା ଦ୍ଵାରା ଅନଲାଇନ୍ ହିଂସା, ମାନସିକ ସ୍ୱାସ୍ଥ୍ୟ ସମସ୍ୟା ଏବଂ ନାବାଳକଙ୍କ ମଧ୍ୟରେ ଅତ୍ୟଧିକ ସ୍କ୍ରିନ୍ ସମୟ ବଢ଼ାଇବା ବିଷୟକୁ ନେଇ ଅଭିଭାବକ ଓ ଶିକ୍ଷକଙ୍କ ମଧ୍ୟରେ ଚିନ୍ତା ବଢ଼ାଇଛି ।

ରାଷ୍ଟ୍ରପତି ଇମାନୁଏଲ ମାକ୍ରନ କହିଛନ୍ତି ସୋସିଆଲ ମିଡ଼ିଆ ପିଲାମାନଙ୍କୁ ନଷ୍ଟ କରିଦେଉଛି । ସେମାନଙ୍କୁ ରକ୍ଷା କରିବା ଆମର ପ୍ରାଥମିକତା । ଦେଶର ୭୯ ପ୍ରତିଶତ ଲୋକ ପିଲାଙ୍କ ପାଇଁ ସୋସିଆଲ ମିଡ଼ିଆ ବ୍ୟାନ କରାଯିବା ଉପରେ ମତ ଦେଇଛନ୍ତି ।

ଏଥିସହ ପଢ଼ନ୍ତୁ: ବାଂଲାଦେଶରେ ପୁଣି ଜଣେ ହିନ୍ଦୁ ଯୁବକଙ୍କୁ ଆକ୍ରମଣ, ଛୁରୀରେ ମାରି ଲଗାଇ ଦେଲେ ନିଆଁ 

ସେଥିପାଇଁ ଚଳିତମାସରେ ହିଁ ସଂସଦରେ ବିଲ୍‌ ଅଣାଯିବ । ଏହା ଗୃହୀତ ହେଲେ ଆସନ୍ତା ସେପ୍ଟେମ୍ବର ମାସରୁ ତାହା କାର୍ଯ୍ୟକାରୀ କରାଯିବ । ସେହିଭଳି ବର୍ତ୍ତମାନ ପ୍ରାଥମିକ ଓ ମାଧ୍ୟମିକ ପିଲାଙ୍କ ଲାଗି ମୋବାଇଲ ଫୋନ୍‌ ବ୍ୟାନ କରାଯାଇଥିଲା ବେଳେ ଆଗକୁ ହାଇସ୍କୁଲ ପିଲାଙ୍କ ଲାଗି ମଧ୍ୟ ତାହା ନିଷିଦ୍ଧ କରାଯିବାର ଯୋଜନା ରହିଛି । ବିଶ୍ୱର ପ୍ରଥମ ରାଷ୍ଟ୍ର ଭାବେ ଅଷ୍ଟ୍ରେଲିଆ ପିଲାଙ୍କ ପାଇଁ ସୋସିଆଲ ମିଡିଆ ଉପରେ ବ୍ୟାନ ଲଗାଇଛି । ଦେଶରେ ୧୬ ବର୍ଷରୁ କମ୍‌ ସମୟର ପିଲାମାନେ ସୋସିଆଲ ମିଡିଆ ବ୍ୟବହାର କରିପାରିବେ ନାହିଁ ।

ଫ୍ରାନ୍ସ ପୂର୍ବରୁ ୨୦୨୩ ମସିହାରେ ଏକ ଆଇନ ପ୍ରଣୟନ କରିଥିଲା ​​ଯେଉଁଥିରେ ୧୫ ବର୍ଷରୁ କମ୍ ବୟସର ପିଲାମାନେ ସୋସିଆଲ ମିଡିଆ ଆକାଉଣ୍ଟ ତିଆରି କରିବା ପାଇଁ ପିତାମାତାଙ୍କ ସମ୍ମତି ଆବଶ୍ୟକ ପଡ଼ୁଥିଲା । ତଥାପି, ଏହି ପ୍ରତିବନ୍ଧକଗୁଡ଼ିକ ଠିକ୍ ଭାବରେ କାର୍ଯ୍ୟକାରୀ ହୋଇନଥିଲା, ଯାହା ଫଳରେ ସରକାରଙ୍କୁ ଏକ କଠୋର ନିଷ୍ପତି କରିବାକୁ ପଡ଼ିଛି ।

ଅଧିକ ପଢ଼ନ୍ତୁ ବିଦେଶ ଖବର...