ଗୋଟେ ପଟେ ପାକିସ୍ତାନ ଏସିଆ କପରେ ଦୟନୀୟ ପରାସ୍ତ ହେବାପରେ ନିଜର ବେଜ୍ଜତିକୁ ସାମ୍ନା କରୁଥିବା ବେଳେ ଅନ୍ୟପଟେ ପିଓକେର ଜୋରଦାର ବିକ୍ଷୋଭକୁ ସାମ୍ନା କରୁଛି ପାକିସ୍ତାନ । ଶେହବାଜ ସରିଫ୍‌ଙ୍କ ଶାସନରେ ଅଣନିଶ୍ଵାସୀ ହୋଇପଡିଛନ୍ତି ପାକିସ୍ତାନର ଲୋକେ । ଯାହାକୁ ନେଇ ପାକିସ୍ତାନର କବ୍‌ଜ୍ଜାରେ ଥିବା ପିଓକେରେ ହଜାର ହଜାର ଲୋକ ରାଜରାସ୍ତାକୁ ଓହ୍ଲାଇ ଆସି ବିକ୍ଷୋଭ କରିଛନ୍ତି । ଶେହବାଜଙ୍କ ବିରୋଧରେ ଜୋରଦାର କରୁଛନ୍ତି ବିକ୍ଷୋଭ ।

ଆୱାମୀ ଆକ୍ସନ କମିଟି ବା ଏଏସି(AAC)ଏହି ଆନ୍ଦୋଳନର ମୁଖ୍ୟ ଭୂମିକା ନେଇଛି । ଯାହାର ଆହ୍ଵାନରେ ମୀରପୁର, ରାୱଲକୋଟ, ନୀଲମ ଘାଟୀ , କେରନ ଏବଂ ଅନ୍ୟ ଜିଲ୍ଲାରେ ବ୍ୟାପକ ବିରୋଧ ପ୍ରଦର୍ଶନ କରାଯାଇଛି ।

ତେବେ ଏହାକୁ ନେଇ ପାକିସ୍ତାନ ସରକାରୀଙ୍କ ଅଧିକାରୀ ମାନେ ବିରୋଧକୁ ଚାପିବା ପାଇଁ ଇଣ୍ଟରନେଟ ସେବା ବନ୍ଦ କରିଛନ୍ତି । କିନ୍ତୁ ତଥାପି ମାନିବାକୁ ନାରାଜ ପାକିସ୍ତାନ ଲୋକେ । ଏକ ଭାଷଣରେ AACର ଜଣେ ନେତା ପାକିସ୍ତାନ ସରକାରଙ୍କୁ ନିଶାନା କରି କହିଛନ୍ତି , "ଏମାନେ କଥାରେ ନୁହେଁ , ଜୋତାରେ ମାନିବେ । "

ଅଧିକ ପଢନ୍ତୁ : ଚେକ୍ ଫୋପାଡ଼ିଦେଲେ ପାକ୍ କ୍ୟାପଟେନ୍‍

AACର ପ୍ରମୁଖ ନେତା ଶୌକତ ନୱାଜ କହିଛନ୍ତି, "ଆମର ପ୍ରଦର୍ଶନ କୌଣସି ସଂସ୍ଥା ବିରୋଧରେ ନୁହେଁ, ବରଂ ମୌଳିକ ଅଧିକାର ପାଇଁ ଅଟେ । ଆମ ଲୋକଙ୍କୁ ୭୦ ବର୍ଷରୁ ନ୍ୟାୟ ମିଳିପାରିନାହିଁ । କିନ୍ତୁ ଏବେ ବହୁତ ହେଇଗଲା, ଯଦି ସକ୍ଷମ ଅଛି ତାହେଲେ ଆମକୁ ଆମର ଅଧିକାର ଦିଅ, ନହେଲେ ଆମ ରାଗର ଶିକାର ହୁଅ ।"

ପିଓକେରେ ସାମଗ୍ରୀ ଅଧିକ ମହଙ୍ଗା ହେବାକୁ ନେଇ ଲୋକେ ଅନେକ ସମସ୍ୟା ଭୋଗୁଥିଲେ । ଅଟାରୁ ନେଇ ବିଜୁଳି ଯାଏଁ ପ୍ରତିଦିନର ସାମଗ୍ରୀ ଗୁଡିକ ଅତ୍ୟଧିକ ମହଙ୍ଗା ହେବାରେ ଲାଗିଥିଲା ।ଯାହାକୁ ନେଇ ୨ ଦିନ ହେବ ଜୋରଦାର ବିକ୍ଷୋଭ ଲାଗି ରହିଛି । ଏହି ବିକ୍ଷୋଭକୁ ଦବାଇବା ପାଇଁ ପାକିସ୍ତାନ ସରକାର ଚାରିଆଡେ ପୋଲିସ ସୁରକ୍ଷା ମୁତୟନ କରିଛନ୍ତି । ବିରୋଧୀମାନଙ୍କୁ ରାଜରାସ୍ତାରୁ ହଟାଇବାକୁ ଚେଷ୍ଟା କରାଯାଇଛି ।

ଅଧିକ ପଢନ୍ତୁ : ମ୍ୟାନ ଅଫ୍ ଦ ମ୍ୟାଚ୍ ହେବା ପରେ ତିଲକ କ’ଣ ନେଲେ ?

କିନ୍ତୁ ତଥାପି ଅନେକ ସ୍ଥାନରେ ପାକିସ୍ତାନର ଜବରଦଖଲରୁ ମୁକ୍ତି ପାଇଁ ଆନ୍ଦୋଳନ ଚାଲିଛି । ଯାହାକୁ ନେଇ ଏଏସି ନେତା କହିଛନ୍ତି, ଏହି ଆନ୍ଦୋଳନ ଶାନ୍ତିପୂର୍ଣ୍ଣ ରହିବ । ସେମାନେ ଇସଲାମାବାଦକୁ ଚେତାବନୀ ଦେଇଥିଲେ ଯେ ସେମାନେ ସେମାନଙ୍କର ମୌଳିକ ଦାବି ସହିତ କୌଣସି ପ୍ରକାରର ସାଲିସ କରିବେ ନାହିଁ। ଏହି ପ୍ରଦର୍ଶନ ପାକିସ୍ତାନ ଅଧିକୃତ କାଶ୍ମୀର (PoK) ଉପରେ ପାକିସ୍ତାନର କଠୋର ନିୟନ୍ତ୍ରଣକୁ ଆହୁରି ଖୁଲାସା କରିଦେଇଛି । ଦଶନ୍ଧି ଧରି ଭ୍ରଷ୍ଟାଚାର , ସ୍ଵାସ୍ଥ୍ୟସେବାରେ ଅବହେଳା , ଶିକ୍ଷା , ସ୍ଵଚ୍ଛ ଜଳରୁ ବଞ୍ଚିତ ରଖିବା ନେଇ AACର ନେତା ଇସଲାମ ବିରୋଦ୍ଧରେ ବିକ୍ଷୋଭ କରିଥିଲେ।