ବିଦେଶର ହଟହଟା ଦିଦି । ଲଣ୍ଡନର ଅକ୍ସଫୋର୍ଡ ବିଶ୍ବବିଦ୍ୟାଳୟରେ ଭାଷଣ ଦେଉଥିବା ସମୟରେ ଗୋ ବ୍ୟାକ୍ ନାରା ଶୁଣାଇଛନ୍ତି ଛାତ୍ରଛାତ୍ରୀ । ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଗତକାଲି ଅକ୍ସଫୋର୍ଡ ବିଶ୍ବବିଦ୍ୟାଳୟର କେଲଗ୍ କଲେଜରେ ଅଭିଭାଷଣ ଦେଇଥିଲେ । ଏହି ସମୟରେ ହଙ୍ଗାମା ଜୋରଦାର ହେବାରୁ ଦିଦିଙ୍କୁ ନିଜ ଭାଷଣ ଅଧାରେ ରଖିବାକୁ ପଡିଥିଲା ।

ଭାଷଣରେ ମମତା କହିଥିଲେ କି ତାଙ୍କ ଶାସନ ମଡେଲରେ ଭେଦଭାବକୁ ଅନୁମତି ନାହିଁ ଏବଂ ସମାଜର କଲ୍ୟାଣକୁ ପ୍ରାଥମିକତା ଦିଆଯାଉଛି । ଏହି ସମୟରେ ଉପସ୍ଥିତ ଛାତ୍ରଛାତ୍ରୀ ନାରା ଦେଇ ଦିଦିଙ୍କୁ ଗୋବ୍ୟାକ୍ କହିଥିଲେ । ସମସ୍ତେ ଆରଜି କର ମେଡିକାଲ କଲେଜ ପ୍ରସଙ୍ଗ ଉଠାଇ ମମତାଙ୍କୁ କରିଥିଲେ ଜୋରଦାର ବିରୋଧ । ଏହି ଦୃଶ୍ୟ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଏମିତି ହିଁ ହବାର ଥିଲା ବୋଲି ଗଣମାଧ୍ୟମରେ ପ୍ରତିକ୍ରିୟା ରଖିଛନ୍ତି ପିଡ଼ିତାଙ୍କ ବାପା ।