ଥମିବାର ନାଁ ନେଉନି ନେପାଳର ହିଂସା । ଜେନ୍ ଜି ରାଜରାସ୍ତାକୁ ଓହ୍ଲାଇବା ପରେ ବିକ୍ଷୋଭ ଆହୁରି ବଢିବାରେ ଲାଗିଛି । ସୋସିଆଲ ମିଡିଆ ବ୍ୟାନ୍ ପ୍ରସଙ୍ଗରେ ତେଜୁଛି ଆନ୍ଦୋଳନ । କାଲି ପ୍ରଧାନମନ୍ତ୍ରୀଙ୍କ ମନ୍ତ୍ରୀ ମଣ୍ଡଳର ୯ ମନ୍ତ୍ରୀ ଇସ୍ତଫା ଦେଇଥିବା ବେଳେ ଆଜି ନିଜେ ପ୍ରଧାନମନ୍ତ୍ରୀ ଇସ୍ତଫା ଦେଇଛନ୍ତି । ଆଉ ନେପାଳ ଛାଡି ଦୁବାଇ ଯାଇଥିବା କଥା ମଧ୍ୟ କୁହାଯାଉଛି । ତେବେ ପୂର୍ବରୁ ନେପାଳର ଯୁବ ଭ୍ରଷ୍ଟାଚାର, ଆର୍ଥିକ ଅସମାନତା ଏବଂ କୁପ୍ରଶାସନ ନେଇ ଦେଶର ଯୁବବର୍ଗମାନେ ସରକାରଙ୍କ ଉପରେ ଖପ୍ପା ଥିଲେ ।

ହେଲେ ସରକାର ୨୬ଟି ସୋସିଆଲ ମିଡିଆ ଆପ୍ଲିକେଶନ ବ୍ୟାନ୍ କରିବା ପରେ ରାଜରାସ୍ତାକୁ ଓହ୍ଲାଇ ବିକ୍ଷୋଭ ପ୍ରଦର୍ଶନ କରିବାରେ ଲାଗିଥିଲେ ନେପାଳର ଯୁବପିଢୀ । ଆଉ ଏହି ଜେନି ଜିଙ୍କ ଆନ୍ଦୋଳନର ମୁଖ୍ୟ ନେତୃତ୍ଵ ନେଇଥିଲେ ୩୬ ବର୍ଷୀୟ ସୁଦନ ଗୁରୁଙ୍ଗ । ଯାହାଙ୍କ ସ୍ଵରରେ ଏକଜୁଟ ହୋଇଥିଲେ ନେପାଳର ଯୁବବର୍ଗ । ଆଉ ଆରମ୍ଭ କରିଥିଲେ ସରକାର ବିରୋଧୀ ଆନ୍ଦୋଳନ । ନେପାଳର ସରକାରଙ୍କ ବିରୋଧରେ ବଢୁଥିବା ହିଂସା ରାଗକୁ ଆନ୍ଦୋଳନରେ ପରିଣତ କରିବାର ସାହାସ ଦେଇଥିଲେ ଗୁରୁଙ୍ଗ ।

ସୁଦାନ ଗୁରୁଙ୍ଗ ନିଜର ସଂଗଠନ ଦ୍ଵାରା ଏହି ଯୁବକମାନଙ୍କୁ ଏକତ୍ରିତ କରିଥିଲେ । ସେ ଜଣେ ସାମାଜିକ ସକ୍ରିୟତାବାଦୀ ଅଟନ୍ତି । ସେ ସମାଜ ସେବା ଭଳି କାର୍ଯ୍ୟ କରିଥାନ୍ତି , କୌଣସି ଭୂକମ୍ପ , ବାତ୍ୟା , ଭୂସ୍ଖଳନ ଭଳି ପ୍ରାକୃତିକ ବିପର୍ଯ୍ୟୟରେ ପ୍ରଭାବିତ ହୋଇଥିବା ଲୋକଙ୍କୁ ସେ ଏବଂ ତାଙ୍କ ସଂଗଠନ ସାହାଯ୍ୟ କରିଥାନ୍ତି ।

ଅଧିକ ଜାଣିବା ପାଇଁ ତଳେ ଦିଆଯାଇଥିବା ଲିଙ୍କରେ କ୍ଲିକ କରନ୍ତୁ..

Argus News | argus news | Odisha Latest News, Breaking News, Trending News, Live TV