ଅର୍ଗସ ବ୍ୟୁରୋ : ସ୍ପେସୱାକ୍ ବେଳେ ସେଲଫି ପଠାଇଲେ ସୁନିତା ୱିଲିୟମ । ଯାହାକୁ ନାସା ନିଜ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛି । ବର୍ତ୍ତମାନ ଅନ୍ତରୀକ୍ଷ ସ୍ପେସ ଷ୍ଟେସନରେ ସ୍ପେସୱାକ କରୁଛନ୍ତି ସୁନିତା ୱିଲିୟମ । ସେ ପ୍ରଶାନ୍ତ ମହାସାଗରରୁ ୪୨୩କିମି ଉପରେ ପରିକ୍ରମା କରୁଥିବା ସମୟରେ ଏକ ସେଲଫି ନେଇ ପଠାଇଛନ୍ତି । ଯେଉଁଥିରେ ସୁନିତାଙ୍କ ପ୍ରତିବିମ୍ବ ତାଙ୍କର ସ୍ପେସ୍‌ସୁଟ୍ ହେଲମେଟରେ ପ୍ରତିଫଳିତ ହେଉଥିଲା । ଏଥିସହ ସ୍ପେସ ଷ୍ଟେସନର କିଛି ଅଂଶ ଏବଂ ଅନ୍ତରିକ୍ଷର ଅନ୍ଧାର, ବାମରେ ପ୍ରଶାନ୍ତ ମହାସାଗର ନୀଳରଙ୍ଗ ଦୃଶ୍ୟମାନ ହେଉଥିଲା ।

ଇନଷ୍ଟାଗ୍ରାମରେ ଏହି ସେଲଫି ଶେୟାର କରି ନାସା ଲେଖିଥିଲା, ସୁନିତା ଏହି ସେଲଫି ସ୍ପେସୱାକ୍ କରିବା ସମୟରେ ୩୦ ଜାନୁଆରୀରେ କ୍ଲିକ କରିଛନ୍ତି । ଯେଉଁଥିରେ ସେ ପୃଥିବୀ ଠାରୁ ୪୨୩ କିମି ଉପରେ ପରିକ୍ରମା କରୁଥିବା ଜଣାପଡିଛି । ଏହା ତାଙ୍କର ନବମ ସ୍ପେସୱାକ୍ ବୋଲି ସେ କହିଛନ୍ତି । ଏହି ସେଲଫି ଦେଖିବା ପରେ ୟୁଜର୍ସର କହିଛନ୍ତି, ଏହି ବିଶ୍ବ ଇତିହାସର ସବୁଠୁ ବେଷ୍ଟ ସେଲଫି ।
ସୁନିତା ଏବଂ ତାଙ୍କର ସାଥୀ ବୁଚ୍ ୱିଲମୋର ୫ଘଣ୍ଟା ପାଇଁ ସ୍ପେସ ଷ୍ଟେସନରୁ ବାହାରି ଷ୍ଟେସନର ବାହ୍ୟ ହାର୍ଡ୍ବୱେୟାର କୁ ବାହାର କରିଛନ୍ତି । ଏବଂ ବୈଜ୍ଞାନିକ ବିଶ୍ଳେଷଣ ପାଇଁ ଭୁପୃଷ୍ଠର ନମୁନା ସଂଗ୍ରହ କରି ଏକାଠି କରୁଛନ୍ତି । ଯାହାଦ୍ବାରା ସେମାନେ ପରୀକ୍ଷା କରୁଛନ୍ତି କି, ସତରେ ଅନ୍ତରୀକ୍ଷରେ ବଞ୍ଚିବା ସମ୍ଭବ, ପ୍ରଜନନ କରିବା ସମ୍ଭବ , ଏହା ଭିତରେ କେତେବାଟ ଯାଏଁ ଯାତ୍ରା କରିହେବ ।

ତେବେ ସୁନିତା ଏବଂ ସାଥୀ ବଚ୍ ଅନ୍ତରୀକ୍ଷରେ ଜୁନରୁ ଫସି ରହିଛନ୍ତି । କ୍ରୁ ୯ ମିଶନ ଦ୍ବାରା ମାର୍ଚ୍ଚ ୨୦୨୫ରେ ସେ ପୃଥିବୀ ଫେରିବେ ବୋଲି ନାସା ପକ୍ଷରୁ ସୂଚନା ମିଳିଛି ।

View this post on Instagram

A post shared by NASA (@nasa)

Argus News | argus news | Odisha Latest News, Breaking News, Trending News, Live TV