ଅର୍ଗସ ବ୍ୟୁରୋ : କେବେ ପୃଥିବୀ ଫେରିବେ ସୁନିତା ୱିଲିୟମସ୍ ଏବଂ ବଚ୍ ୱିଲମୋର । ଏନେଇ ସମସ୍ତଙ୍କ ମନରେ ଆଶା ଆଶଙ୍କା ଦିନକୁ ଦିନ ବଢିବାରେ ଲାଗିଛି । ସେପଟେ ନାସା ଉଭୟଙ୍କ ସହ ମହାକାଶରେ ଯୋଗାଯୋଗ କରି କଥା ହେବାକୁ ଚେଷ୍ଟା କରୁଥିବା ବେଳେ ଉଭୟଙ୍କ ଭାବପ୍ରବଣ ଭରା ନିବେଦନ ସମସ୍ତଙ୍କ ହୃଦୟକୁ ବ୍ୟଥିତ କରିଛି ।

ଗତବର୍ଷ ଜନ ମାସରେ ମାତ୍ର ୧୫ ଦିନପାଇଁ ମହାକାଶ ଯାଇଥିଲେ ସୁନିତା ଏବଂ ୱିଲମୋର । କିନ୍ତୁ ଯାଇଥିବା ଯାନ ବୋଇଂ ଷ୍ଟାରଲାଇନର ଖରାପ ହୋଇଯିବାରୁ ସେଠାରେ ୯ ମାସ ହେବ ଫସି ରହିଛନ୍ତି ସୁନିତା ଏବଂ ସାଥି ୱିଲମୋର । ସେମାନଙ୍କ ପୃଥିବୀକୁ ଫେରିବା ୨୦୨୫ ଫେବୃଆରୀରେ ନିଶ୍ଚିତ ହୋଇ ସାରିଥିଲା । ହେଲେ ବର୍ତ୍ତମାନ ପୁଣି ସ୍ପେସକ୍ରାଫ୍ଟରେ ତ୍ରୁଟି ଯୋଗୁଁ ଉଭୟଙ୍କ ଆସିବା ମାର୍ଚ୍ଚଯାଏଁ ବିଳମ୍ବ ହୋଇଛି । ନାସା ଯେତେବେଳେ ଉଭୟଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରିଥିଲେ, ସେତେବେଳେ ୱିଲମୋରଙ୍କ ମେସେଜ ଆସିଥିଲା , ସେ ଅନେକ ଦିନ ହେବ ମହାକାଶରେ ଫସି ରହିଛନ୍ତି । ହେଲେ ଏବେ ଘରକୁ ଯିବାକୁ ଚାହୁଁଛନ୍ତି, କାରଣ ଅନେକ ଦିନ ସେ ତାଙ୍କର ପରିବାର ଠାରୁ ଦୂରରେ ରହିଛନ୍ତି ।

କିନ୍ତୁ ଏଠାରେ ମଧ୍ୟ ତାଙ୍କର ଅନେକ କାମ ବାକି ରହିଛି । ସେ ସବୁକୁ ସାରିକି ଯିବାକୁ ପଡିବ । ଅନ୍ୟ ମହାକାଶଚାରୀମାନେ ମଧ୍ୟ ତାଙ୍କର ସ୍ପେସ ଷ୍ଟେସନରେ ଥିବା କାମ ସାରିବା ଉପରେ ଗୁରୁତ୍ବାରୋପ କରିଛନ୍ତି । ସେପଟେ ନାସା ୱିଲମୋର ଏବଂ ୱିଲିୟମସ୍ଙ୍କୁ ଖୁବଶୀଘ୍ର ପୃଥିବୀ ଫେରାଇ ଆଣିବାକୁ ନିଜର ଚେଷ୍ଟା ଜୋରଦାର କରିଥିବା ବେଳେ ସେମାନଙ୍କୁ ସୁରକ୍ଷିତ ଏବଂ ସଫଳତାର ସହ ଆଣିବାର ପ୍ରତିଶ୍ରୁତି ଦେଇଛି ନାସା ।

Argus News | argus news | Odisha Latest News, Breaking News, Trending News, Live TV