ଦାୟିତ୍ଵ ଗ୍ରହଣ ପରେ କରୁଥିଲେ ସାମ୍ବାଦିକ ସମ୍ମିଳନୀ, ପ୍ରଶ୍ନ ଶୁଣୁ ଶୁଣୁ ହଠାତ୍ ୟେ କ'ଣ ହେଲା...

ଷ୍ଟକହୋମ: ନୂତନ ଭାବେ ଦାୟିତ୍ଵ ନେଲେ ସ୍ଵାସ୍ଥ୍ୟମନ୍ତ୍ରୀ । ଦାୟିତ୍ଵ ଗ୍ରହଣ ପରେ କରୁଥିଲେ ସାମ୍ବାଦିକ ସମ୍ମିଳନୀ । ହେଲେ ସାମ୍ବାଦିକ ସମ୍ମିଳନୀରେ ପ୍ରଶ୍ନ ଶୁଣୁ ଶୁଣୁ ହଠାତ୍ ତଳେ ପଡ଼ିଗଲେ ସ୍ଵାସ୍ଥ୍ୟମନ୍ତ୍ରୀ । ପ୍ରଧାନମନ୍ତ୍ରୀ ଛିଡ଼ା ହୋଇଥିବା ବେଳେ ଧୈର୍ଯ୍ୟର ସହ ସାମ୍ବାଦିକଙ୍କ ପ୍ରଶ୍ନ ଶୁଣୁଥିବା ସ୍ଵାସ୍ଥ୍ୟମନ୍ତ୍ରୀ ତଳେ ପଡ଼ି ଚେତାଶୂନ୍ୟ ହୋଇ ଯାଇଛନ୍ତି । ଏବେ ସ୍ଵିଡେନ୍‌ର ନୂଆ ସ୍ଵାସ୍ଥ୍ୟମନ୍ତ୍ରୀ ୪୮ ବର୍ଷୀୟ ଏଲିସବେଟ୍ ଲାନଙ୍କ ସ୍ଵାସ୍ଥ୍ୟାବସ୍ଥା ଠିକ୍ ଅଛି ।

ଦାୟିତ୍ଵ ନେବା ପରେ ମଙ୍ଗଳବାର ପ୍ରେସମିଟ୍ କରୁଥିଲେ ଏଲିସବେଟ ଲାନ । ସାଥିରେ ଥିଲେ ପ୍ରଧାନମନ୍ତ୍ରୀ ୟୁଲ୍ଫ କ୍ରିଷ୍ଟରସନ ଏବଂ ଖ୍ରୀଷ୍ଟିଆନ ଡେମୋକ୍ରାଟ୍ସ ଦଳ ନେତା ଏବ୍ବା ବସ୍କ । ଆଉ ଉକ୍ତ ପ୍ରେସ କନଫରେନ୍ସରେ ସ୍ଵାସ୍ଥ୍ୟମନ୍ତ୍ରୀ ତଳେ ପଡ଼ିଯିବାର ଭିଡିଓ ଏବେ ଭାଇରାଲ୍ ହେବାରେ ଲାଗିଛି ସୋସିଆଲ୍ ମିଡିଆରେ ।

Swedish Health Minister Elisabet Lann has collapsed during a press conference. No known condition as of yet. pic.twitter.com/SNIVANYlCX

ଭାଇରାଲ୍ ଭିଡିଓରେ ଦେଖା ଯାଉଛି, ସାମ୍ବାଦିକ କିଛି ପ୍ରଶ୍ନ କରୁଥିବା ବେଳେ ଧ୍ୟାନର ସହ ଶୁଣୁଛନ୍ତି ଏଲିସବେଟ୍ ଲାନ । ଆଉ ହଠାତ୍ ସାଗ ଆଗକୁ ଝୁଙ୍କି ପଡ଼ୁଛନ୍ତି । ଆଉ ଏଲିସବେଟ୍ ତଳେ ପଡ଼ୁ ପଡ଼ୁ ସମସ୍ତେ ଉଠାଇବାକୁ ଦଉଡ଼ି ଆସୁଛନ୍ତି । ଆଉ ଏ ଘଟଣାର କିଛି ସମୟ ପରେ ସୁସ୍ଥ ଅନୁଭବ କରିବାରୁ ପୁଣି ପ୍ରେସମିଟ୍ କରିଥିଲେ ଏଲିସବେଟ୍ ଲାନ ।

ପୁଣି ଥରେ ପ୍ରେସମିଟ୍‌କୁ ଫେରିବା ପରେ ସ୍ଵିଡେନର ନୂଆ ସ୍ଵାସ୍ଥ୍ୟମନ୍ତ୍ରୀ ଏଲିସବେଟ୍ ଲାନ୍ କହିଥିଲେ 'ଏହା ସ୍ଵାଭାବିକ ମଙ୍ଗଳବାର ନ ଥିଲା । ଯେତେବେଳେ ଜଣଙ୍କର ରକ୍ତ ସର୍କରା ମାତ୍ରା କମିଯାଏ ତ ଏଭଳି ହୋଇଥାଏ ।' ତେବେ ହଠାତ୍ ଝୁଙ୍କି ପଡ଼ିବା ଯୋଗୁଁ ଏଲିସବେଟ୍‌ଙ୍କ ଶରୀରରେ କୌଣସି ଆଘାତ ଲାଗି ନଥିବା ଜଣାପଡ଼ିଛି ।