TRFକୁ ଆତଙ୍କବାଦୀ ସଂଗଠନ ଘୋଷଣା କଲା ଆମେରିକା । ଆମେରିକା ସରକାର ଦି ରେଜିଷ୍ଟାନ୍ସ ଫ୍ରଣ୍ଟ (TRF)କୁ 'ବିଦେଶୀ ଆତଙ୍କବାଦୀ ସଂଗଠନ' ଘୋଷଣା କରିଛି । ଆମେରିକାର ବୈଦେଶିକ ମନ୍ତ୍ରୀ ମାର୍କୋ ରୁବିଓ ଏହି ସୂଚନା ଦେଇଛନ୍ତି । ଚଳିତ ବର୍ଷ ଏପ୍ରିଲ 22 ତାରିଖରେ ପହଲଗାମର ବୈସାରନ ଘାଟିରେ ହୋଇଥିବା ଆତଙ୍କବାଦୀ ଆକ୍ରମଣର ସ୍ୟୁକାର କରିଥିଲା TRF । ଯେଉଁଥିରେ ପାକିସ୍ତାନ ସମର୍ଥିତ ଆତଙ୍କବାଦୀମାନେ 26 ଜଣ ପର୍ଯ୍ୟଟକଙ୍କୁ ଗୁଳି କରି ହତ୍ୟା କରିଥିଲେ ।

ରେଜିଷ୍ଟାନ୍ସ ଫ୍ରଣ୍ଟ (TRF) ହେଉଛି ପାକିସ୍ତାନ ସ୍ଥିତ ଆତଙ୍କବାଦୀ ଗୋଷ୍ଠୀ ଲସ୍କର-ଏ-ତୈବା ର ଏକ ଆଗଧାଡ଼ିର ସଂଗଠନ ଏବଂ ଏହା ବିଶେଷ କରି କାଶ୍ମୀରରେ ଆତଙ୍କବାଦୀ ଆକ୍ରମଣ କରିଥାଏ । ଯାହାର ମୁଖ୍ୟାଳୟ ପାକିସ୍ତାନରେ ଅବସ୍ଥିତ । TRF ପହଲଗାମ ଆକ୍ରମଣ ପାଇଁ ଦାୟୀ ଥିଲା ।