ମକର ସଂକ୍ରାନ୍ତିରେ ଅଶୁଭ ବୁଧବାର ନେଲା ୨୨ ଜୀବନ । ଭୟଙ୍କର ଟ୍ରେନ ଦୁର୍ଘଟଣାରେ ୨୨ ଜଣଙ୍କ ମୃତ୍ୟୁ ହୋଇଛି । ଏହାସହ ୩୦ ରୁ ଅଧିକ ଆହତ ହୋଇଛନ୍ତି । ଥାଇଲାଣ୍ଡରେ କ୍ରେନ୍ ଖସିପଡ଼ିବାରୁ ଟ୍ରେନ୍ ଲାଇନ୍ଚ୍ୟୁତ ହୋଇଥିଲା । ଫଳରେ ୨୨ ଜଣଙ୍କ ମୃତ୍ୟୁ ହୋଇଛି । ନାଖୋନ୍ ରତଚାସିମା ପ୍ରୋଭିନ୍ସରେ ବଡ଼ ଟ୍ରେନ୍ ଦୁର୍ଘଟଣା । ରେଲୱେ ପ୍ରକଳ୍ପ କାମରେ ନିୟୋଜିତ କ୍ରେନ୍ ହଠାତ୍ ଉପରୁ ଖସିପଡ଼ିଥିଲା । ଲାଇନଚ୍ୟୁତ ହୋଇ ଟ୍ରେନରେ ନିଆଁ ଲାଗିଥିଲା, ଉଦ୍ଧାର କାମ ଜାରି ରହିଛି। 

ଏଏଫପି ରିପୋର୍ଟ ଅନୁଯାୟୀ, ବ୍ୟାଙ୍କକରୁ ଉତ୍ତର-ପୂର୍ବ ଥାଇଲ୍ୟାଣ୍ଡକୁ ଯାଉଥିବା ଏକ ଟ୍ରେନ୍ ଗୋଟିଏ ନିର୍ମାଣ କ୍ରେନ୍ ଉପରେ ଖସିପଡ଼ିବାରୁ ଲାଇନଚ୍ୟୁତ ହୋଇଥିଲା। ନାଖୋନ୍ ରାଚାସିମା ପ୍ରଦେଶର ସ୍ଥାନୀୟ ପୋଲିସ ମୁଖ୍ୟ ଥାଚାପୋନ୍ ଚିନାୱଙ୍ଗ କହିଛନ୍ତି, "୨୨ ଜଣଙ୍କର ମୃତ୍ୟୁ ହୋଇଛି ଏବଂ ୩୦ ରୁ ଅଧିକ ଆହତ ହୋଇଛନ୍ତି।ବ୍ୟାଙ୍କକରୁ ୨୩୦ କିଲୋମିଟର (୧୪୩ ମାଇଲ) ଉତ୍ତର-ପୂର୍ବରେ ଅବସ୍ଥିତ ନାଖୋନ୍ ରାଚାସିମା ପ୍ରଦେଶର ଶିଖିଓ ଜିଲ୍ଲାରେ ବୁଧବାର ସକାଳେ ଏହି ଦୁର୍ଘଟଣା ଘଟିଥିଲା।

ଟ୍ରେନ୍‌ଟି ଉବୋନ୍ ରାଚାଥାନି ପ୍ରଦେଶକୁ ଯାଉଥିଲା।ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁସାରେ, ଏକ ହାଇ-ସ୍ପିଡ୍ ରେଳ ପ୍ରକଳ୍ପରେ କାମ କରୁଥିବା କ୍ରେନ୍ ଖସି ପଡ଼ି ଏକ ଅତିକ୍ରମ କରୁଥିବା ଟ୍ରେନ୍ ସହିତ ଧକ୍କା ହୋଇଥିଲା । ଯାହା ଫଳରେ ଏହା ଲାଇନଚ୍ୟୁତ ହୋଇ କିଛି ସମୟ ପାଇଁ ନିଆଁ ଲାଗିଯାଇଥିଲା। ପୋଲିସ କହିଛି, "ନିଆଁ ଲିଭାଇ ଦିଆଯାଇଛି ଏବଂ ଉଦ୍ଧାର କାର୍ଯ୍ୟ ଜାରି ରହିଛି।

ଏହାସହ ପଢ଼ନ୍ତୁ: ଜାମ୍ମୁ-କାଶ୍ମୀର ଚୀନର ବୋଲି ଦାବି, ଭାରତ କହିଲା ଅନେଇଲେ ତମ ଆଖିକୁ...

ଚୀନ୍‌ର ବଡ଼ ଦାବି। କହିଲା ନା ଭାରତର ନା ପାକିସ୍ତାନର । ଜାମ୍ମୁ-କାଶ୍ମୀରର ଏହି ସ୍ଥାନ ହେଉଛି ଚୀନର। ଏମିତି କିଛି କହି ଚର୍ଚ୍ଚାରେ ଚୀନ। ହେଲେ କାହିଁକି ଏବଂ କଣ ପାଇଁ ଏମିତି କହିଲା ଚୀନ ବୋଲି ଚର୍ଚ୍ଚା। ଜାନୁଆରି ୯ ତାରିଖରେ ଭାରତ ମଧ୍ୟ ଏହି ଅଞ୍ଚଳରେ ଚୀନ୍‌ର ନିୟନ୍ତ୍ରଣକୁ ବେଆଇନ ଘୋଷଣା କରିଥିଲା। ଚୀନ୍ ଜାମ୍ମୁ-କାଶ୍ମୀରର ଶକ୍ସଗାମ୍ ଘାଟିକୁ ନିଜର ଅଞ୍ଚଳ ବୋଲି ଦାବି କରୁଛି ଏବଂ ଏହି ବିବାଦୀୟ ଅଞ୍ଚଳ ଦେଇ ଯାଇଥିବା ଚୀନ୍-ପାକିସ୍ତାନ ଅର୍ଥନୈତିକ କରିଡର ଦେଇ ପାକିସ୍ତାନକୁ ଏକ ରାସ୍ତା ନିର୍ମାଣ କରୁଛି। ଭାରତ ଏପଟେ ଲଗାତାର ପ୍ରତିବାଦ କରିଆସୁଛି। ଭାରତ କହୁଛି ଶକ୍ସଗାମ୍ ଘାଟିରେ କୌଣସି ବିଦେଶୀ ବେଆଇନ ନିର୍ମାଣକୁ ସହ୍ୟ କରାଯିବ ନାହିଁ।