ପ୍ୟାରିସ ଅଲମ୍ପିକ୍ସରେ ଭାରତୀୟ ସିଆପିଏଫର ଡଗ ସ୍କ୍ୱାଡ କେ-୯ ଟିମ୍ ସାମିଲ
ଅର୍ଗସ ବ୍ୟୁରୋ :୨୬ରୁ ଆରମ୍ଭ ହେବାକୁ ଯାଉଛି ପ୍ୟାରିସର ଅଲମ୍ପିକ୍ସ କ୍ରୀଡ଼ା ମହାକୁମ୍ଭ,ଭାରତୀୟ ଡଗ ସ୍କ୍ୱାଡକୁ ମିଳିଛି ଗୁରୁତ୍ୱପୂର୍ଣ୍ଣ ଭୂମିକା। ରଙ୍ଗାରଙ୍ଗ ଉତ୍ସବରେ ବିଶ୍ୱ ହୋଇ ଉଠିବ ରଙ୍ଗାୟିତ, ସାରା ବିଶ୍ୱରୁ ପ୍ରାୟ ୧୦ ହଜାର ପ୍ରତିଯୋଗୀ ଏଥିରେ ସାମିଲ ହେବେ । ସୁରକ୍ଷା ଦୃଷ୍ଟିକୋଣରୁ ପ୍ୟାରିସ ଅଲମ୍ପିକ୍ସରେ ସୁରକ୍ଷାକୁ କଡାକଡି କରାଯାଇଛି । ସେଥିପାଇଁ ସାରା ବିଶ୍ୱରୁ ପ୍ରାୟ ୧୦ ଏଲିଟ ଡଗ ସ୍କ୍ୱାଡର ଚୟନ କରାଯାଇଛି । ଏଥିରେ ଭାରତର ୨ ଟି କେନ୍ଦ୍ରୀୟ ରିଜର୍ଭ ପୁଲିସ ବଳର ଡଗ ସ୍କ୍ୱାଡ କେ-୯ ଟିମ୍ ମଧ୍ୟ ସାମିଲ କରାଯାଇଛି । ଏହି ସ୍କ୍ୱାଡ ଅଲମ୍ପିକ୍ସ ଖେଳ ସମାପ୍ତ ହେବା ପର୍ଯ୍ୟନ୍ତ ସୁରକ୍ଷା ଦାୟିତ୍ୱରେ ନିୟୋଜିତ ରହିବେ । ଅନ୍ତରାଷ୍ଟ୍ରୀୟସ୍ତରରେ ୨ ଟି ଡଗ ସ୍କ୍ୱାଡ କାମ କରିବେ । ଭାରତର ଏହି ଦୁଇ କୁକୁରର ନା ହେଉଛି ୱାଷ୍ଟ ଓ ଡେନବି । ଅଲିମ୍ପିକ୍ସରେ ୧୧୭ ଜଣିଆ ଭାରତୀୟ ଦଳ ଭାଗନେବେ। ଦଳ ସହ କିନ୍ତୁ ପ୍ରଶିକ୍ଷକ, ସପୋର୍ଟ ଷ୍ଟାଫ୍ ଓ କ୍ରୀଡ଼ା ବିଜ୍ଞାନ ବିଶେଷଜ୍ଞଙ୍କୁ ମିଶାଇ ୧୪୦ଜଣ ସାଧାରଣ ଅଧିକାରୀ ସେଠାକୁ ଯାତ୍ରା କରିବେ।
