ଆଉ ତ୍ରାହି ନାହିଁ। ଗୋଟି ଗୋଟି କରି ସବୁ ଭବିଷ୍ୟବାଣୀ ସତ ହେବାକୁ ଯାଉଛି । ଆଉ ଆଗକୁ ଜାପାନର ଭବିଷ୍ୟତ କଣ ହେବ ତାହା ଶୁଣିଲା ବେଳକୁ ଭୟ ଲାଗୁଛି।୨୦୨୫କୁ ନେଇ ବାବା ଭେଙ୍ଗା ଓ ନୋଷ୍ଟ୍ରାଡମସଙ୍କ ସମେତ ଅନେକ ଭବିଷ୍ୟବକ୍ତା ଡରାଇଲା ପରି ଭବିଷ୍ୟବାଣୀ କରିସାରିଛନ୍ତି । ବାବା ଭେଙ୍ଗାଙ୍କର ଭୂକଂପର ପୂର୍ବାନୁମାନ ସତ ସାବ୍ୟସ୍ତ ହୋଇଛି । ଆଜିକାଲି ଜାପାନରେ ଜୁଲାଇ ୫ ତାରିଖ ବିଷୟରେ ବହୁତ ଆଲୋଚନା ହେଉଛି। ଏହାର କାରଣ ହେଉଛି ବାବା ଭେଙ୍ଗାଙ୍କ ଭବିଷ୍ୟବାଣୀ। ଯାହା ସେ ୧୯୯୯ ମସିହାରେ ତାଙ୍କ ପୁସ୍ତକ ‘ଦି ଫ୍ୟୁଚର ଆଇ ସ’ ରେ ଲେଖିଥିଲେ। ଏହି ପୁସ୍ତକରେ ସେ ଦାବି କରିଛନ୍ତି ଯେ ଜୁଲାଇ ୫ ତାରିଖରେ ଜାପାନରେ ଏକ ଭୟଙ୍କର ସୁନାମି ଆସିବ, ଯାହା ସୁନାମୀ ଠାରୁ ୩ଗୁଣା ଭୟଙ୍କର ଜଳପ୍ରଳୟ ହେବ।

ମିଆଁମାର ଭୂକଂପ ହଜାର ହଜାର ଲୋକଙ୍କ ଜୀବନ ନେଇଯାଇଛି । ଏବେ ପୁଣି ଏକ ନୂଆ ପ୍ରଳୟର ସାମ୍ନା କରିବାକୁ ଯାଉଛି ବିଶ୍ବ । ବାବା ଭେଙ୍ଗା ପୂର୍ବରୁ କରୋନା ଭାଇରସ, ରାଜକୁମାରୀ ଡାଏନାଙ୍କ ମୃତ୍ୟୁ ଏବଂ ୨୦୧୧ର ଭୂମିକମ୍ପ-ସୁନାମି ବିଷୟରେ ଭବିଷ୍ୟବାଣୀ କରିଥିଲେ। ତାଙ୍କର ଭବିଷ୍ୟବାଣୀ ମାଙ୍ଗା ଆକାରରେ ପ୍ରକାଶିତ ହୋଇଛି। କିନ୍ତୁ ଏହା ଅନେକ ଥର ସତ୍ୟ ହୋଇଛି। ବାବା ଭେଙ୍ଗା କହିଛନ୍ତି ଯେ ସମୁଦ୍ରରେ ପାଣି ଫୁଟିବା, ବୁଦବୁଦ ଏବଂ ପ୍ରବଳ କମ୍ପନ ସୁନାମି ପୂର୍ବରୁ ସଙ୍କେତ ହେବ। ଏହି କାରଣରୁ ଜାପାନର ଦକ୍ଷିଣ ଦ୍ୱୀପପୁଞ୍ଜରେ ଭୂମିକମ୍ପର ଦ୍ରୁତ ବୃଦ୍ଧି ଲୋକଙ୍କ ଚିନ୍ତାକୁ ବୃଦ୍ଧି କରିଛି।
ଜୁଲାଇ ୫ ତାରିଖ ସୁନାମିର ଭବିଷ୍ୟବାଣୀ ମଧ୍ୟରେ, ଟୋକାରା ଦ୍ୱୀପପୁଞ୍ଜର ଆକୁସେକିଜିମା ଦ୍ୱୀପରେ ଭୂମିକମ୍ପର ପୂର୍ବ ବନ୍ୟା ଆସିଛି। ଜାପାନର ୨୦୧୧ ସୁନାମୀ ଠାରୁ ୩ଗୁଣା ଭୟଙ୍କର ଜଳପ୍ରଳୟ ଆସିବ ବୋଲି କୁହାଯାଉଛି । ଏଥିପାଇଁ ଆରମ୍ଭ ହୋଇଗଲାଣି କାଉଣ୍ଟଡାଉନ। କଣ ସତରେ ଆସିବ ଭୟଙ୍କର ସୁନାମୀ । ବେକାବୁ ସମୁଦ୍ର ଲହରୀ ସବୁକିଛି ଭସାଇ ନେବ । ଏମିତି ଚିନ୍ତା ସମସ୍ତଙ୍କୁ ଘାରିଛି ।

ଯଦି ଆମେ ତଥ୍ୟ ଉପରେ ନଜର ପକାଇବା, ତେବେ ୨୧ ଜୁନରୁ ୧ ଜୁଲାଇ ୨୦୨୫ ପର୍ଯ୍ୟନ୍ତ ୭୩୬ଟି ଭୂମିକମ୍ପ ହୋଇଛି। ଏଥିମଧ୍ୟରୁ ୫୦ରୁ ଅଧିକ ଭୂମିକମ୍ପ ଅନୁଭୂତ ହୋଇଛି। ଅଧିକାଂଶ ଭୂମିକମ୍ପ ୩-୫ ତୀବ୍ରତା ମଧ୍ୟରେ ଥିଲା (ଜାପାନର ୭ ପଏଣ୍ଟ ସ୍କେଲରେ)। କିଛି ଭୂମିକମ୍ପ ଏତେ ଶକ୍ତିଶାଳୀ ଥିଲା ଯେ ସାମଗ୍ରୀ ସେଲଫରୁ ଖସି ପଡ଼ିଥିଲା। ଆକୁସେକିଜିମା ଏକ ଜ୍ୱାଳାମୁଖୀ ଦ୍ୱୀପ, ଯାହା ସମୁଦ୍ର ପତ୍ତନଠାରୁ ୧୫୦ ମିଟର ଉଚ୍ଚରେ ଅବସ୍ଥିତ। ଯଦିଓ ଭୌଗୋଳିକ କାରଣରୁ ସୁନାମିର ବିପଦ ଟିକେ କମ, ଭୂମିକମ୍ପର ବର୍ଦ୍ଧିତ ଆବୃତ୍ତି ଏକ ବଡ଼ ବିପର୍ଯ୍ୟୟର ସମ୍ଭାବନାକୁ ଆହୁରି ଦୃଢ଼ କରିଛି।

ପୂର୍ବାନୁମାନର ପ୍ରଭାବ ଯୋଗୁଁ ଲୋକମାନେ କେବଳ ଚିନ୍ତିତ ନୁହଁନ୍ତି, ବରଂ ସେମାନଙ୍କର ଯାତ୍ରା ଯୋଜନାକୁ ମଧ୍ୟ ବାତିଲ କରୁଛନ୍ତି। ବିମାନ ଟିକେଟ ବାତିଲ ହେବା ଆରମ୍ଭ ହୋଇଛି। ଏବେ ମନରେ ପ୍ରଶ୍ନ ଆସୁଛି ତାସୁକିଙ୍କର ଏହି ସୁନାମୀ ଭବିଷ୍ୟବାଣୀର କଣ କିଛି ବୈଜ୍ଞାନିକ ପ୍ରମାଣ ରହିଛି । ତେବେ ତାସୁକୀଙ୍କର ଜୁଲାଇ ପୂର୍ବାନୁମାନକୁ ନେଇ ଦ୍ବନ୍ଦରେ ଅଛନ୍ତି ବୈଜ୍ଞାନିକ ଓ ଭୂତତ୍ତ୍ବବିତ୍‌ । ସୁନାମୀ ଆସିବାର କୌଣସି ବଳିଷ୍ଠ ପ୍ରମାଣ ମିଳନଥିବା କହିଛନ୍ତି । ତେବେ ଏବେ ଏବେ ମିଆଁମାରରେ ବିନାଶକାରୀ ଭୂକଂପ ଆସି ପ୍ରଳୟ ରଚି ଯାଇଛି । ସେଥିପାଇଁ ପୁଣି ଆଉ ଥରେ ଭୂମିକଂପର ସମ୍ଭାବନାକୁ ଏଡାଇ ଦିଆଯାଇନପାରେ । ଜାପାନ ରିଙ୍ଗ ଅଫ ଫାୟାର ଜୋନ୍‌ରେ ଆସୁଛି ଯେଉଁଠି ଭୂକଂପ ଓ ସୁନାମୀ ହେବାର ସବୁବେଳେ ସମ୍ଭାବନା ଥାଏ ।

୧୯୯୧ରେ ବ୍ରିଟିଶର ସିଙ୍ଗର ଫ୍ରିଡି ମର୍କରିଙ୍କ ମୃତ୍ୟୁ ନେଇ ତାସୁକି କରିଥିଲେ ଭବିଷ୍ୟବାଣୀ । ଏହାର କିଛି ମାସ ପରେ ସେ ଦୁନିଆକୁ ଅଲବିଦା କହିଥିଲେ । ୧୯୯୫ ମସିହାରେ ସେ ଜାପାନରେ ବଡ ଭୂକଂପ ହେବା ନେଇ ସୂଚନା ଦେଇଥିଲେ । ଆଉ ସତକୁ ସତ ଭୂକଂପରେ ୬ହଜର ଲୋକଙ୍କ ଜୀବନ ଯାଇଥିଲା । ଏହା ପରେ ରୟ ତାସୁକିଙ୍କର ସବୁଠାରୁ ବଡ ଭବିଷ୍ୟବାଣୀ ଆସିଥିଲା ମାର୍ଚ୍ଚ ୧୧, ୨୦୧୧ରେ । ସେ କହିଥିଲେ ବଡ ବିପର୍ଯ୍ୟୟର ସାମ୍ନା କରିବ ଜାପାନ । ତାଙ୍କ କଥା ସତ ହୋଇଥିଲା । ତେବେ ଜୁଲାଇ ୫କୁ ମଧ୍ୟ ଏଡାଇ ଦିଆଯାଇନପାରେ।