ବୁଧବାର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଘନିଷ୍ଠ ସହଯୋଗୀ ଏବଂ ଜଣେ ଦକ୍ଷିଣପନ୍ଥୀ କର୍ମୀ ଚାର୍ଲି କିର୍କଙ୍କୁ ଗୁଳି କରି ହତ୍ୟା କରାଯାଇଛି । ସେ ୟୁଟା ଭ୍ୟାଲି ବିଶ୍ୱବିଦ୍ୟାଳୟର ଏକ କାର୍ଯ୍ୟକ୍ରମରେ ଯୋଗ ଦେବାକୁ ଆସିଥିଲେ । ସେହି ସମୟରେ ତାଙ୍କୁ ଗୁଳି କରି ହତ୍ୟା କରିଥିଲେ । ତେବେ କିଏ ଗୁଳିମାଡ଼ କଲା ଅସ୍ପଷ୍ଟ ରହିଛି ।

ମିଳିଥିବା ସୂଚନା ଅନୁସାରେ, ଚାର୍ଲି କିର୍କ ୟୁଟା ଭ୍ୟାଲି ବିଶ୍ୱବିଦ୍ୟାଳୟରେ ଆୟୋଜିତ ଏକ ବିତର୍କରେ ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ ସେ ଭାଷଣ ଦେବା ସମୟରେ ହଠାତ୍ ଜଣେ ବ୍ୟକ୍ତି ତାଙ୍କ ଉପରକୁ ଗୁଳି ଚଳାଇଲେ । ଗୁଳିଟି କିର୍କଙ୍କ ବେକରେ ବାଜିଥିଲା । ଗୁଳି ବାଜିବା ମାତ୍ରେ କିର୍କ ତଳେ ପଡ଼ିଗଲେ ଏବଂ ରକ୍ତସ୍ରାବ ଆରମ୍ଭ ହୋଇଥିଲା । ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା, କିନ୍ତୁ ସେଠାରେ ଡାକ୍ତର କିର୍କଙ୍କୁ ମୃତ ଘୋଷଣା କରିଥିଲେ। ତେବେ ଏହି ଚାର୍ଲି କିର୍କ କିଏ ଆସନ୍ତୁ ଜାଣିବା ।

ଚାର୍ଲି କିର୍କ କିଏ ଥିଲେ?
୩୧ ବର୍ଷୀୟ ଚାର୍ଲି କିର୍କ ଆମେରିକାର ଆଗ ଧାଡ଼ିର ଆନ୍ଦୋଳନରକାରୀଙ୍କ ମଧ୍ୟରୁ ଜଣେ। ଯିଏ ମହିଳାମାନଙ୍କୁ କ୍ୟାରିୟର ଅପେକ୍ଷା ମାତୃତ୍ୱକୁ ପ୍ରାଥମିକତା ଦେବାକୁ କହିବାଠାରୁ ଆରମ୍ଭ କରି ଏମିତି ଅନେକ କିଛି କଥା କହି କିର୍କ ସବୁ ସମୟରେ ସମାଲୋଚକଙ୍କ ସହିତ ଜଣେ ବିବାଦୀୟ ବ୍ୟକ୍ତିତ୍ୱଠାରୁ କମ୍ ନ ଥିଲେ।

ସେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଜଣେ ବଡ଼ ସହଯୋଗୀ ଥିଲେ, ବୁଧବାର ତାଙ୍କୁ ଗୁଳି କରି ହତ୍ୟା କରାଯିବା ପରେ ବହୁତ ଦୁଃଖ ପ୍ରକାଶ କରିଥିଲେ ଟ୍ରମ୍ପ । ୨୦୧୬ ମସିହାରୁ ଉଭୟଙ୍କ ମଧ୍ୟରେ ବହୁତ ଘନିଷ୍ଠ ସମ୍ପର୍କ ଥିଲା ଏବଂ କିର୍କଙ୍କୁ ଥରେ ଆମେରିକାର ରାଷ୍ଟ୍ରପତି 'ଆଲୋକର ଯୋଦ୍ଧା' ବୋଲି କହିଥିଲେ। ସେ ଟ୍ରମ୍ପଙ୍କ ନେତୃତ୍ୱରେ ମାଗା ଆନ୍ଦୋଳନକୁ ପ୍ରୋତ୍ସାହିତ କରିବାରେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ସେ ପ୍ରାୟତଃ ହ୍ୱାଇଟ୍ ହାଉସ୍ ଆସୁଥିଲେ ଏବଂ ମାର୍-ଏ-ଲାଗୋରେ ଟ୍ରମ୍ପଙ୍କ ସହିତ ଗଲ୍ଫ ଖେଳିଥିବା ବହୁତ କମ୍ ଲୋକଙ୍କ ମଧ୍ୟରୁ ଜଣେ ଥିଲେ। ଗର୍ଭପାତ, ଜନ୍ମ ନିୟନ୍ତ୍ରଣ ଉପରେ ମତାମତ

ଚାର୍ଲି କିର୍କ ଗର୍ଭପାତ ଏବଂ ଜନ୍ମ ନିୟନ୍ତ୍ରଣ ବଟିକା ବ୍ୟବହାର ବିରୁଦ୍ଧରେ କହିଥିଲେ। ସେ ମହିଳାଙ୍କ ବିଷୟରେ କିଛି ବିବାଦୀୟ ମନ୍ତବ୍ୟ ମଧ୍ୟ ଦେଇଥିଲେ, ଯେପରିକି ୩୦ ବର୍ଷରୁ ଅଧିକ ବୟସ୍କ ବ୍ୟକ୍ତିମାନେ "ଡେଟିଂ ପୁଲରେ ଆକର୍ଷଣୀୟ ନୁହଁନ୍ତି" ବୋଲି କହିବା ଏବଂ ଗର୍ଭପାତ କି ନିୟନ୍ତ୍ରଣ ମହିଳାଙ୍କୁ ଅଧିକ "କ୍ରୋଧିତ ଏବଂ ତିକ୍ତ" କରିଦିଏ ।

ଥରେ ତାଙ୍କର ଏକ ଭିଡିଓ ଭାଇରାଲ ହୋଇଥିଲା ଯେଉଁଥିରେ ସେ ଜଣେ ମହିଳାଙ୍କ ସହ ବିତର୍କ କରୁଥିଲେ, ଯେଉଁଥିରେ ସେ ପଚାରିଥିଲେ ଯେ ଯଦି ବଳାତ୍କାର ଯୋଗୁଁ ତାଙ୍କର ୧୦ ବର୍ଷର ଝିଅ ଗର୍ଭଧାରଣ କରେ ତେବେ ସେ ତାକୁ ସମର୍ଥନ କରିବେ କି? ସେ ଉତ୍ତର ଦେଇଥିଲେ:"ହଁ, ଶିଶୁଟି ଜନ୍ମ ହେବ" ।

ଚାର୍ଲି କିର୍କଙ୍କ ସ୍ତ୍ରୀ ଏବଂ ପିଲାମାନେ
ଚାର୍ଲି କିର୍କଙ୍କ ତାଙ୍କ ସ୍ତ୍ରୀ ଏବଂ ଦୁଇଟି ପିଲାଙ୍କ ସହ ରହୁଥିଲେ । ତାଙ୍କର ଗୋଟିଏ ଝିଅ ଏବଂ ଗୋଟିଏ ପୁଅ। ସେ ମେ ୨୦୨୧ ମସିହାରେ ପୂର୍ବତନ ସୌନ୍ଦର୍ଯ୍ୟ ରାଣୀ ଏରିକା ଫ୍ରାଣ୍ଟଜଭେଙ୍କୁ ବିବାହ କରିଥିଲେ। ତାଙ୍କ ଝିଅ, ସାରା ରୋଜ୍, ୨୦୨୧ ମସିହାରେ ଜନ୍ମଗ୍ରହଣ କରିଥିଲେ, ଏବଂ ପୁଅ ୨୦୨୩ ମସିହାରେ ଜନ୍ମଗ୍ରହଣ କରିଥିଲେ।

Argus News | argus news | Odisha Latest News, Breaking News, Trending News, Live TV