Donald Trump / ଟ୍ରମ୍ପ କହିଲେ ମୋଦୀ ମୋର ‘ମହାନ ବନ୍ଧୁ’, ଭାରତ ଉପରୁ ହଟିବ ଟାରିଫ !

ବିଶ୍ୱରେ ପଡ଼ିଲା ଚହଳ। ପ୍ରଧାନମନ୍ତ୍ରୀ ମୋଦୀଙ୍କୁ କିଛି ଏମିତି କହିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ଯାହା ବର୍ତ୍ତମାନ ଭାଇରାଲ ହେବାରେ ଲାଗିଛି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶଂସା କରିଛନ୍ତି। ଆପଣ ଭାବୁଥିବେ ଏହା କେମିତି ସମ୍ଭବ ହେଲା। ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ । ପୁଣି ଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ତାଙ୍କର ‘ମହାନ ବନ୍ଧୁ’ ଭାବରେ ବର୍ଣ୍ଣନା କରିଛନ୍ତି ଟ୍ରମ୍ପ। ସେ କହିଛନ୍ତି, ଭାରତ ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ରରେ ଆମେରିକା ପାଇଁ ଏକ ଗୁରୁତ୍ୱପୂର୍ଣ୍ଣ ରଣନୈତିକ ଅଂଶୀଦାର। ଭାରତରେ ଥିବା ଆମେରିକୀୟ ଦୂତାବାସ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏହି ସୂଚନା ଶେୟାର କରିଛି।

ରାଷ୍ଟ୍ରପତି ଟ୍ରମ୍ପ ଏବଂ ପ୍ରଧାନମନ୍ତ୍ରୀ ମୋଦି ଗତ ସପ୍ତାହରେ ଫୋନ ମାଧ୍ୟମରେ କଥା ହୋଇଥିଲେ। ଏହି ଆଲୋଚନା ସମୟରେ, ଦୁଇ ନେତା ଦ୍ୱିପାକ୍ଷିକ ଅର୍ଥନୈତିକ ସହଭାଗୀତାକୁ ତ୍ୱରାନ୍ୱିତ କରିବା ପାଇଁ ଉପାୟ ବିଷୟରେ ଆଲୋଚନା କରିଥିଲେ। ଏହି ଆଲୋଚନା ସେତେବେଳେ ହୋଇଥିଲା ଯେତେବେଳେ ଭାରତ ଏବଂ ଆମେରିକାର ଆଲୋଚନାକାରୀମାନେ ପ୍ରସ୍ତାବିତ ଦ୍ୱିପାକ୍ଷିକ ବାଣିଜ୍ୟ ଚୁକ୍ତି ଉପରେ ଆଲୋଚନା ହୋଇଥିଲା। ଭାରତରେ ଥିବା ଆମେରିକୀୟ ଦୂତାବାସ ଏକ୍ସରେ ପୋଷ୍ଟ କରିଛି ଯେ, ରାଷ୍ଟ୍ରପତି ଟ୍ରମ୍ପ ଭାରତକୁ ବିଶ୍ୱର ସବୁଠାରୁ ପୁରୁଣା ସଭ୍ୟତା ମଧ୍ୟରୁ ଗୋଟିଏର ଘର ବୋଲି ବର୍ଣ୍ଣନା କରିଛନ୍ତି। ଭାରତ ବିଶ୍ୱର ସବୁଠାରୁ ପୁରୁଣା ସଭ୍ୟତା ମଧ୍ୟରୁ ଗୋଟିଏର ଘର। ଏହା ଏକ ଚମତ୍କାର ଦେଶ ଏବଂ ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ରରେ ଆମେରିକା ପାଇଁ ଏକ ଗୁରୁତ୍ୱପୂର୍ଣ୍ଣ ରଣନୈତିକ ଅଂଶୀଦାର। ପ୍ରଧାନମନ୍ତ୍ରୀ ମୋଦୀଙ୍କ ଭାବରେ ଆମର ଜଣେ ମହାନ ବନ୍ଧୁ ଅଛନ୍ତି।

ଏଥିସହ ପଢ଼ନ୍ତୁ: ଇଥିଓପିଆରେ 'ବନ୍ଦେ ମାତରମ' ଶୁଣି, ନିଜକୁ ଅଟକାଇପାରିଲେନି ମୋଦୀ

ବର୍ତ୍ତମାନ ପ୍ରଶ୍ନ ଉଠୁଛି କି ଯଦି ଟ୍ରମ୍ପ ମୋଦୀଙ୍କ ସହ କଥା ହୋଇଛନ୍ତି ତେବେ କଣ ଟ୍ରମ୍ପ ଟାରିଫ ଉଠାଇଦେବେ ଭାରତ ଉପରୁ ? ଅଗଷ୍ଟ ମାସରେ, ଆମେରିକା ଭାରତୀୟ ଉତ୍ପାଦ ଉପରେ ଶୁଳ୍କକୁ ୫୦ ପ୍ରତିଶତକୁ ବୃଦ୍ଧି କରିଥିଲା, ଯେଉଁଥିରେ ରୁଷୀୟ ଅଶୋଧିତ ତୈଳ କ୍ରୟ ଉପରେ ଅତିରିକ୍ତ ୨୫ ପ୍ରତିଶତ ଶୁଳ୍କ ଅନ୍ତର୍ଭୁକ୍ତ। ଏହି ପ୍ରସ୍ତାବିତ ବାଣିଜ୍ୟ ଚୁକ୍ତିନାମା ଭାରତକୁ ଟ୍ରମ୍ପ ପ୍ରଶାସନ ଦ୍ୱାରା ଭାରତୀୟ ସାମଗ୍ରୀ ଉପରେ ଲାଗୁ କରାଯାଇଥିବା ୫୦ ପ୍ରତିଶତ ପର୍ଯ୍ୟନ୍ତ ଉଚ୍ଚ ଶୁଳ୍କରୁ ମୁକ୍ତି ପ୍ରଦାନ କରିବ ବୋଲି ଆଶା କରାଯାଉଛି।

ଅନ୍ୟପଟେ ଟ୍ରମ୍ପ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି । ୩୯ ଦେଶ ଉପରେ କଡ଼ା ନିର୍ଦ୍ଦେଶ। ଆଉ ଆମେରିକାକୁ ଆସିପାରିବେନି କିଛି ଦେଶର ନାଗରିକ। ଯାହାକୁ ନେଇ ସବୁଠି ଆଲୋଚନା ଏବଂ ଚିନ୍ତା ବଢ଼ିଛି । ଏହା ସହିତ, ଅନ୍ୟ ୧୫ ଟି ଦେଶର ନାଗରିକଙ୍କ ପାଇଁ ଆଂଶିକ ପ୍ରବେଶ ପ୍ରତିବନ୍ଧକ ଲାଗୁ କରାଯାଇଛି। ଟ୍ରମ୍ପ ପ୍ରଶାସନର ଏହି ପଦକ୍ଷେପ ଯୋଗୁଁ ଆମେରିକା ଦ୍ୱାରା ଯାତ୍ରା ପ୍ରତିବନ୍ଧକ କିମ୍ବା ପ୍ରବେଶ ପ୍ରତିବନ୍ଧକର ସମ୍ମୁଖୀନ ହେଉଥିବା ଦେଶର ସଂଖ୍ୟା ୩୯ କୁ ପହଞ୍ଚିଛି। ହ୍ୱାଇଟ୍ ହାଉସର ଏକ ତଥ୍ୟ ଅନୁଯାୟୀ, ଏହି ଯାତ୍ରା ପ୍ରତିବନ୍ଧକ ଏବଂ ପ୍ରବେଶ ପ୍ରତିବନ୍ଧକ ଜାନୁଆରୀ ୧ ରୁ କାର୍ଯ୍ୟକାରୀ ହେବ। କିନ୍ତୁ ଭାରତ ଉପରେ ସେପଟେ କୌଣସି ନିର୍ଦ୍ଦେଶ ଦିଆଯାଇନାହିଁ। 

ଅଧିକ ପଢ଼ନ୍ତୁ ବିଦେଶ ଖବର: