ଇରାନର ଟାର୍ଗେଟରେ ଆମେରିକା । ପାଉଁଶ ହେବାରେ ଲାଗିଛି ଆମେରିକାର ଏୟାରବେସ । ଗୋଟିଏ ପରେ ଗୋଟିଏ ମିଶାଇଲ ଆମେରିକା ଏୟାର ବେସ୍‌ ଉପରେ ଯାଇ ପଡ଼ୁଛି । ମରିଗଲେଣି ଆମମେରିକାର ସେନା। ଇରାନ ତାର ଆକ୍ରମଣକୁ ବଢ଼ାଇ ଦେଇଛି । ଆରମ୍ଭ ହୋଇଗଲା ବଡ଼ ଯୁଦ୍ଧ । ଗୋଟିଏ ଦେଶ ଉପରେ ଆକ୍ରମଣ କରୁଛନ୍ତି ଦୁଇଟି ଦେଶ । ଇସ୍ରାଏଲ ଏବଂ ଆମେରିକା ମିଶି ଆକ୍ରମଣ କରୁଛନ୍ତି ଇରାନ୍‌ ଉପରେ । ଆଉ ଏକା ଲଢ଼ୁଛି ଇରାନ୍‌ । ଗୋଟିଏ ପରେ ଗୋଟିଏ ଆମେରିକାର ଏୟାରବେସ୍‌ ଉପରେ କରୁଛି ଆକ୍ରମଣ । ଯାହାକୁ ଦେଖିଲା ପରେ ରାଷ୍ଟ୍ରପତି ଟ୍ରମ୍ପ ପୁରା ତାତି ଉଠିଛନ୍ତି ।

ଆମେରିକା ଏୟାର ବେସ୍‌ରେ ଗୋଟିଏ ପରେ ଗୋଟିଏ ମିଶାଇଲ ମାଡ଼ ହେଉଛି ଏୟାର ବେସ୍‌ ଉପରେ । ଇରାନ୍‌ର ପୁରା ରକ୍ତ ମୁଖା ହୋଇ ଯାଇଛି । ଖୋଜି ଖୋଜି ଏୟାର ବେସ୍‌ ଉପରେ କରୁଛି ଆକ୍ରମଣ । ବାହାରେଇନ, ଇରାକ ଓ ସଂଯୁକ୍ତ ଆରବ ଏମିରେଟ୍ସରେ ଥିବା ଘାଟିଗୁଡ଼ିକ ସହିତ କୁଏତରେ ତିନୋଟି ସ୍ଥାନ ଇରାନ୍‌ କ୍ରୋଧର ଶିକାର ହୋଇଛନ୍ତି । ଆକ୍ରମଣ ହୋଇଥିବା ସ୍ଥାନଗୁଡ଼ିକ ମଧ୍ୟରେ ନୌସେନା ମୁଖ୍ୟାଳୟ, ଔପଚାରିକ ଯୁକ୍ତରାଷ୍ଟ୍ର ସୈନ୍ୟ ଶିବିର, ଯୁକ୍ତରାଷ୍ଟ୍ର ସୈନ୍ୟ ରହିଥିବା ବିମାନଘାଟି ଅନ୍ତର୍ଭୁକ୍ତ । ବିଭିନ୍ନ ସ୍ଥାନରେ କ୍ଷତିର ମାତ୍ରା ଭିନ୍ନ ହୋଇଛି । ସେପଟେ ମଙ୍ଗଳବାର ସକାଳୁ ସାଉଦିଆରବରେ ଥିବା ଆମେରିକାର ଦୂତାବାସରେ ହୋଇଛି ଆକ୍ରମଣ ।

ଆମେରିକାର ଅଧିକାରୀମାନେ କହିଛନ୍ତି ଯେ କୁଏତର କ୍ୟାମ୍ପ ଆରିଫଜାନରେ ହୋଇଥିବା ଆକ୍ରମଣରେ ଏକାଧିକ ସୈନିକ ନିହତ ହୋଇଛନ୍ତି । ୨୦ରୁ ଅଧିକ ଗମ୍ଭୀର ଆହତ ହୋଇଛନ୍ତି । ସେପଟେ ଏମିତି ଆକ୍ରମଣ ଜାରି ରଖିଛି ଇରାନ୍‌ । ଯେଉଁ ବେସ ଗୁଡ଼ିକ ଇରାନ ପାଇଁ ବିପଦ ତାଉପରେ କରୁଛି ଆକ୍ରମଣ । ଆଉ ଇରାନ୍‌ର ଏମିତି ଆକ୍ରମଣ ପରେ ତାତି ଉଠିଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ଆପଣଙ୍କୁ କହିବାକୁ ଚାହିଁବୁକି ଯେବେଠାରୁ ଇରାନର ସର୍ବୋଚ ନେତା ଖାମେନେଇଙ୍କର ମୃତ୍ୟୁ ହୋଇଛି ସେବେ ଠାରୁ ଇରାନ୍‌ ଆକ୍ରମଣକୁ ବଢ଼ାଇ ଦେଇଛି।