Donald Trump / ଇରାନର ପାୱାର୍ ପ୍ଲାଣ୍ଟ ଏବଂ ବ୍ରିଜକୁ ଧ୍ୱଂସ କରିଦେବାର ଧମକ ଦେଲେ ଟ୍ରମ୍ପ
Key Points
ଇରାନକୁ ଆମେରିକା ଡୋନାଲ୍ଡ ଟ୍ରମ୍ପଙ୍କ ଶେଷ ଚେତାବନୀ ।
ଇରାନ୍ ଅସ୍ତ୍ରବିରତି ଉଲ୍ଲଙ୍ଘନ କରିଥିବା ଟ୍ରମ୍ପଙ୍କ ଅଭିଯୋଗ ।
`ଅସ୍ତ୍ରବିରତି ଉଲ୍ଲଙ୍ଘନ କରି ଇରାନ୍ ହର୍ମୁଜରେ ଗୁଳିବର୍ଷା କରିଛି' ।
ଇରାନକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶେଷ ଚେତାବନୀ । ଇରାନ ଆମେରିକାର ଡିଲକୁ ଗ୍ରହଣ ନକରେ ତେବେ ପରିଣାମ ଭୟାଭୟ ହେବ । ଟ୍ରମ୍ପ କହିଛନ୍ତି, "ଆଉ ନୁହେଁ ମିଷ୍ଟର ନାଇସ୍ ଗାଏ" । ଏବେ ଇରାନର କିଲିଂ ମେସିନ୍ ଶେଷ ହେବାର ସମୟ ଆସିଯାଇଛି ।
ଇରାନ ହର୍ମୁଜ ପ୍ରଣାଳୀରେ ଗୁଳି ଚଳାଇ ସିଜ୍ଫାୟାର୍ ଚୁକ୍ତିର ଉଲ୍ଲଂଘନ କରିଛି । ଏହି ଆକ୍ରମଣରେ ବ୍ରିଟେନ ଏବଂ ଫ୍ରାନ୍ସର ଜାହାଜକୁ ଟାର୍ଗେଟ୍ କରାଯାଇଛି । ଯଦି ଇରାନ ଆମେରିକାର ପ୍ରସ୍ତାବକୁ ପ୍ରତ୍ୟାଖ୍ୟାନ କରେ, ତେବେ ଆମେରିକା ଇରାନର ପ୍ରତିଟି ପାୱାର୍ ପ୍ଲାଣ୍ଟ ଏବଂ ବ୍ରିଜକୁ ଧ୍ୱଂସ କରିଦେବ ବୋଲି ଟ୍ରମ୍ପ ଧମକ ଦେଇଛନ୍ତି ।
ଏହି ଉତ୍ତେଜନା ମଧ୍ୟରେ ଶାନ୍ତି ପ୍ରତିଷ୍ଠା ପାଇଁ ଆସନ୍ତା ମଙ୍ଗଳବାର ପାକିସ୍ତାନର ଇସଲାମାବାଦରେ ପୁଣିଥରେ ଆଲୋଚନା ହେବାକୁ ଯାଉଛି । ତେବେ ଇରାନ ଏଥିରେ ସାମିଲ ହେବାକୁ ମନା କରିଛି ।
ଇରାନକୁ ଟ୍ରମ୍ପଙ୍କ ଚେତାବନୀ ପରେ ଇରାନର ପାଲଟା ପଦକ୍ଷେପ । ଇସଲାମାବାଦରେ ହେବାକୁ ଥିବା ଶାନ୍ତି ବୈଠକରୁ ଓହରି ଯିବାକୁ ଘୋଷଣା କରିଛି ଇରାନ । IRNAର ବଡ଼ ପଦକ୍ଷେପକୁ ନେଇ ଦ୍ବିତୀୟ ପର୍ଯ୍ୟାୟ ଶାନ୍ତି ବୈଠକ ହେବା ନେଇ ସସପେନ୍ସ ଲାଗି ରହିଛି । ଇରାନ ଆମେରିକାର ଡିଲକୁ ଗ୍ରହଣ ନକରେ ତେବେ ପରିଣାମ ଭୟାଭୟ ହେବ ବୋଲି ଟ୍ରମ୍ପ ଧମକ ଦେଇଥିଲେ ।
ସେପଟେ ଆମେରିକା କବଜା ରେ ଇରାନ ର ଜାହାଜ । 'TOUSKA' ନାମକ ଏକ ଇରାନୀ ପତାକାଧାରୀ ମାଲବାହୀ ଜାହାଜକୁ ନିଜ କବଜାକୁ ନେଇଛି ଆମେରିକା । ଜାହାଜଟି ଆମେରିକାର ନୌସେନା ଅବରୋଧ ଅତିକ୍ରମ କରିବାକୁ ଚେଷ୍ଟା କରୁଥିଲା ।
ଆମେରିକା ନୌସେନାର ଗାଇଡେଡ୍ ମିସାଇଲ୍ ଡେଷ୍ଟ୍ରୋୟର୍ 'USS SPRUANCE' ଓମାନ ସାଗରରେ TOUSKA କୁ ଅଟକାଇଥିଲା । ପୂର୍ବରୁ ବେଆଇନ କାର୍ଯ୍ୟକଳାପର ଇତିହାସ ଥିବାରୁ TOUSKA ଉପରେ ଆମେରିକା ଟ୍ରେଜେରୀ ବିଭାଗ ଦ୍ୱାରା ପ୍ରତିବନ୍ଧକ ଲଗାଯାଇଛି । ବର୍ତ୍ତମାନ ଜାହାଜଟି ଆମେରିକା ଅଧୀନରେ ଥିବା ନିଜ ଟ୍ରୁଥ ସୋସିଆଲରେ ପୋଷ୍ଟ କରି କହିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।
📱 Get Argus News App
✨Related Topics
Explore more stories