ପୁଣି ଚର୍ଚ୍ଚାରେ ଆମେରିକାର ଚର୍ଚ୍ଚିତ ରାଜନୈତିକ ଯୋଡି ଉପରାଷ୍ଟ୍ରପତି ଜେଡି ଭାନ୍ସ ଓ ତାଙ୍କ ପତ୍ନୀ ଉଷା ଭାନ୍ସ । ଉଭୟଙ୍କ ମଧ୍ୟରେ ହେବାକୁ ଯାଉଛି ଛାଡ଼ପତ୍ର । ଲାଗୁଛି ଉଭୟ ପତି ପତ୍ନୀଙ୍କ ଭିତରେ କିଛି ଠିକ୍ ଚାଲିନି । ଏକଥା ଏଥିପାଇଁ ଉଠୁଛି ଆମେରିକାର ଦ୍ୱିତୀୟ ମହିଳା ଉଷା ଭାନ୍ସ ପ୍ରଥମ ମହିଳା ମେଲାନିଆ ଟ୍ରମ୍ପଙ୍କ ସହ ଏକ ସାର୍ବଜନୀନ କାର୍ଯ୍ୟକ୍ରମରେ ଦେଖାଦେଇଥିଲେ। ଏହି ସମୟରେ ଉଷା ଭାନ୍ସ ବିବାହ ମୁଦି ପିନ୍ଧି ନଥିଲେ। ବୁଧବାର ଦିନ, ଉଷା ଭାନ୍ସ-ମେଲାନିଆ ଟ୍ରମ୍ପ ଉତ୍ତର କାରୋଲିନାର କ୍ୟାମ୍ପ ଲେଜୁନ୍-ନୌସେନା ଏୟାର ଷ୍ଟେସନ୍ ନ୍ୟୁ ରିଭର ପରିଦର୍ଶନ କରିଥିଲେ। ହ୍ୱାଇଟ୍ ହାଉସ୍ କହିଛି ଯେ ସେଠାରେ ସେ ଉଭୟ ସାମରିକ ଘାଟିର ଛାତ୍ର, ଶିକ୍ଷକ, ସାମରିକ ପରିବାର ଓ ସୈନିକଙ୍କ ସହ ସାକ୍ଷାତ କରିଥିଲେ ।

ଏହି ଘଟଣାର ଅନେକ ଫଟୋ ସୋସିଆଲ ମିଡିଆରେ ସେୟାର କରାଯାଇଥିଲା । ଉଷା ଭାନ୍ସଙ୍କ ହାତରେ ମୁଦି ଦେଖାଯାଉନଥିଲା।ଏହି ଫଟୋଗୁଡ଼ିକ ଅନେକ ଲୋକଙ୍କ ଦୃଷ୍ଟି ଆକର୍ଷଣ କରିଥିଲା । ଅନେକ ଲୋକ ଲକ୍ଷ୍ୟ କରିଥିଲେ ଯେ ଉଷା ଭାନ୍ସଙ୍କ ବିବାହ ମୁଦି ହାତରେ ନାହିଁ । ତେବେ କଣ ଦୁହେଁ ଅଲଗା ହେବାକୁ ଯାଉଛନ୍ତି, ଯାହାକୁ ନେଇ ସୋସିଆଲ ମିଡିଆରେ ହଇଚଇ ସୃଷ୍ଟି ହୋଇଛି।ଏହା ପୂର୍ବରୁ ମଧ୍ୟ ଆମେରିକା ଉପରାଷ୍ଟ୍ରପତି ଜେଡି ଭାନ୍ସ ବିବାଦରେ ଥିଲେ । କୌଣସି ରାଜନୀତି ବା ପଦ ପାଇଁ ନୁହେଁ ବରଂ ପତ୍ନୀଙ୍କ ଧର୍ମକୁ ନେଇ ଜେଡି ଦେଇଥିବା ଟିପ୍ପଣୀ ପାଇଁ ବିବାଦକୁ ଆସିଥିଲେ। କହିଥିଲେ ଯେ, ମୋ ପତ୍ନୀ ଉଷା ଜଣେ ହିନ୍ଦୁ । ଧର୍ମ ପରିବର୍ତ୍ତନର କୌଣସି ଆବଶ୍ୟକତା ନାହିଁ । ସେ ହିନ୍ଦୁ ବୋଲି ମୋର କୌଣସି ଆପତ୍ତି ନ ଥିଲା, ନା ଅଛି ନା ରହିବ ।

ଏଥିସହ ପଢ଼ନ୍ତୁ: ଜେଡି ଭାନ୍ସଙ୍କ ଟିପ୍ପଣୀକୁ ନେଇ ବିବାଦ, କହିଲେ 'ମୋର ଇଚ୍ଛା ମୋ ସ୍ତ୍ରୀ ଖ୍ରୀଷ୍ଟିଆନ ହେଇଯାଉ'... 

ଆମେରିକା ଉପରାଷ୍ଟ୍ରପତି ଜେଡି ଭାନ୍ସଙ୍କ ଏହି ସଫେଇ ସେହି ସମୟରେ ଆସିଥିଲା ଯେବେ ତାଙ୍କୁ ପ୍ରତ୍ୟକ୍ଷ ଓ ପରୋକ୍ଷଭାବେ ସମାଲୋଚନାର ଶିକାର ହେବାକୁ ପଡ଼ିଥିଲା । ଜେଡି ଭାନ୍ସ ଆମେରିକା ନିର୍ବାଚନ ଲଢ଼ିବା ପୂର୍ବରୁ ରିପ୍ଲବ୍ଲିକାନ ପାର୍ଟିର କିଛି ନେତାଙ୍କ ଟାର୍ଗେଟକୁ ଆସିଥିଲେ । ହିନ୍ଦୁ ମହିଳାଙ୍କୁ ବିବାହ କରିବାକୁ ନେଇ ତାଙ୍କୁ ବିରୋଧ କରିଥିଲେ ଦଳର ଅନେକ ନେତା । ସେପଟେ ମୃତ ରିପବ୍ଲିକାନ ନେତା ଚାର୍ଲି କର୍କଙ୍କ ପତ୍ନୀ ଏରିକାଙ୍କ ସହ ଜେଡିଙ୍କ ସମ୍ପର୍କକୁ ନେଇ ମଧ୍ୟ ଚର୍ଚ୍ଚା ଚାଲିଛି । ପତ୍ନୀ ଉଷାଙ୍କଠୁ ଜେଡି ବିବାହ ବିଚ୍ଛେଦ କରିବାକୁ ଚାହୁଁଥିବା ଖବର ମଧ୍ୟରେ ଧର୍ମକୁ ନେଇ ତାଙ୍କର ଏଭଳି ବୟାନ ବିବାଦକୁ ଖୋରାକ ଯୋଗାଉଛି ।

ଆମେରିକା ଉପରାଷ୍ଟ୍ରପତି କହିଥିଲେ, ଦିନେ ନା ଦିନେ ତାଙ୍କ ପତ୍ନୀ ଉଷା ଇସାଇ ଧର୍ମ ଗ୍ରହଣ କରିବେ । ସେ ହିନ୍ଦୁ ହୋଇଥିଲେ ମଧ୍ୟ ସବୁବେଳେ ଚର୍ଚ୍ଚକୁ ଯାଆନ୍ତି । ଆମ ସନ୍ତାନ ଇସାଇ । ଜେଡିଙ୍କ ଏହି ବୟାନ ସୋସିଆଲ ମିଡିଆରେ ତାଙ୍କୁ ପ୍ରବଳ ସମାଲୋଚନାର ଶିକାର ହେବାକୁ ପଡ଼ିଥିଲା । ସୋସିଆଲ ମିଡିଆ ୟୁଜର୍ସ ଜେଡିଙ୍କୁ ଆକ୍ଷେପ କରିବା ସହ ପତ୍ନୀଙ୍କ ଧର୍ମକୁ ଅପମାନ କରୁଥିବା ଅଭିଯୋଗ ହୋଇଛି । ଦୁହିଁଙ୍କ ସମ୍ପର୍କ କି ମୋଡ ନେଉଛି ଦୁହେଁ ଏକାଠି ରହୁଛନ୍ତି ନା ଅଲଗା ହେବାକୁ କିଛି ନିଷ୍ପତ୍ତି ନେଉଛନ୍ତି ତାହା ଆଗାମୀ ସମୟରେ ଜଣାପଡ଼ିବ।

ଅଧିକ ପଢ଼ନ୍ତୁ ବିଦେଶ ଖବର: