ରୁଷରେ ଶକ୍ତିଶାଳୀ ଭୂକମ୍ପ ପରେ ଏବେ ସୁନାମୀ ଆଲର୍ଟ ଜାରି କରାଯାଇଥିଲା। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୮.୭ ରେକର୍ଡ ହୋଇଛି। ସେହିପରି ଜାପାନରେ ସୁନାମୀ ପାଇଁ ଆଗୁଆ ସର୍ତକତା ଜାରି କରାଯାଇଥିଲା। କିନ୍ତୁ ଆଲର୍ଟର କିଛି ସମୟ ପରେ ରୁଷରେ ସମୁଦ୍ରରୁ ବିରାଟ ବିରାଟ ଜୁଆର ସ୍ଥଳ ଭାଗକୁ ମାଡ଼ି ଆସୁଥିବା ଦେଖିବାକୁ ମିଳିଛି । ଭୂମିକମ୍ପର କେନ୍ଦ୍ରସ୍ଥଳ ସମୁଦ୍ର ଗର୍ଭରେ ସୃଷ୍ଟି ହୋଇଥିବାରୁ ଭୟଙ୍କର ସୁନାମୀର ଆଶଙ୍କା କରାଯାଉଛି।

❗️ MULTIPLE Tsunami ALERTS after M8 quake strikes off coast of Russia’s Kamchatka https://t.co/hFen1frRMX pic.twitter.com/woaP7kjLLR

— RT (@RT_com) July 29, 2025

ରୁଷର କାମଚାଟକ ଉପକୂଳକୁ ମାଡ଼ି ଆସୁଛି ୧୩ ଫୁଟ ଉଚ୍ଚର ବଡ଼ ବଡ଼ ଜୁଆର । ତେବେ ଜୁଆର ମାଡ଼ରେ ସମୁଦ୍ର କୂଳରେ ଥିବା ବିରାଟ ବିଲ୍ଡିଙ୍ଗ ସବୁ ଭାସି ଯାଉଥିବା ଦେଖିବାକୁ ମିଳିଛି । ସେପଟେ ଶକ୍ତିଶାଳୀ ଭୂକମ୍ପରେ ରୁଷର ବଡ଼ ବଡ଼ ବିଲ୍ଡିଂ କ୍ଷତିଗ୍ରସ୍ତ ହୋଇଥିବା ବେଳେ ଭୂମିକମ୍ପ ପ୍ରଭାବରେ ଜାପାନରେ ବି ସୁନାମୀ ମାଡି ଆସିଲାଣି । ଜାପାନର ୧୬ଟି ସ୍ଥାନରେ ସୁନାମୀର ପ୍ରଭାବ ଦେଖିବାକୁ ମିଳିଲାଣି । ଜାପାନର ଉତ୍ତର ହୋକାଇଡେରେ ୧ ଫୁଟ ଉଚ୍ଚର ଜୁଆର ଉଠୁଥିବା ସୂଚନା ରହିଥିବା ବେଳେ ଆଗକୁ ଅଧିକ ଉଚ୍ଚର ଜୁଆର ଉଠିବା ନେଇ ଆଶଙ୍କା କରାଯାଇଛି ।