ଇରାନ ଉପରେ ଆକ୍ରମଣ ପାଇଁ ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ନିର୍ଦ୍ଦେଶ ପରେ କେମିତି ହୋଇଥିଲା ଆକ୍ରମଣ ଏହାର ଭିଡିଓ ରିଲିଜ କରିଛି ଆମେରିକାର ସେଣ୍ଟ୍ରାଲ କମାଣ୍ଡ । ଇରାନର ଗୁରୁତ୍ୱପୂର୍ଣ୍ଣ ପ୍ରତିଷ୍ଠାନଗୁଡ଼ିକ ଉପରେ ହେଉଥିବା ଏୟାର ଷ୍ଟ୍ରାଇକ୍‌ର ଏକ ଭିଡିଓ ସୋସିଆଲ ମିଡିଆ ପ୍ଲାଟଫର୍ମ 'X' ରେ ସେୟାର କରିଛି ସେଣ୍ଟ୍ରାଲ କମାଣ୍ଡ ।

ସେଣ୍ଟ୍ରାଲ କମାଣ୍ଡର ବାହିନୀ ଇରାନ ଉପରେ କରିଛି ନିରବଚ୍ଛିନ୍ନ ଆକ୍ରମଣ । ଆକ୍ରମଣର କାରଣ ହେଉଛି ପରମାଣୁ ଆଲୋଚନା ବିଫଳ ହେବା ଏବଂ ଇରାନ ପୁଣି ଥରେ ପରମାଣୁ କାର୍ଯ୍ୟକ୍ରମ ଆରମ୍ଭ କରିଥିବା ଅଭିଯୋଗ । ଏହି ଆକ୍ରମଣରେ ଖାମେନେଇଙ୍କ ମୃତ୍ୟୁ ହୋଇଥିବା ବେଳେ ଟ୍ରମ୍ପ କହିଛନ୍ତି ଇତିହାସର ସବୁଠାରୁ ଦୁଷ୍ଟ ବ୍ୟକ୍ତିଙ୍କ ମଧ୍ୟରୁ ଜଣେ ଥିଲେ ଖାମେନେଇ ।

ଇରାନ ଏହି ଆକ୍ରମଣର ଜବାବରେ ଇସ୍ରାଏଲ୍‌ର ସହରଗୁଡ଼ିକ ଉପରେ ମିସାଇଲ୍ ମାଡ଼ କରିଛି । ଯାହା ମଧ୍ୟରୁ ଅଧିକାଂଶକୁ ଇସ୍ରାଏଲ୍‌ର ବାୟୁ ପ୍ରତିରକ୍ଷା ପ୍ରଣାଳୀ 'ଆଇରନ୍ ଡୋମ୍'କୁ ନଷ୍ଟ କରିଦେଇଛି । ତେବେ ଇରାନର ମିସାଇଲ୍ ଗୁଡ଼ିକ ସଂଯୁକ୍ତ ଆରବ ଏମିରେଟ୍ସକୁ ମଧ୍ୟ ଟାର୍ଗେଟ୍ କରିଛି । ଇରାନ ମିଶାଇଲ ମାଡ଼ରେ ଦୁବାଇର କୃତ୍ରିମ ଦ୍ୱୀପ 'ପାମ୍ ଜୁମେରାରା' ଏବଂ ବିଳାସପୂର୍ଣ୍ଣ ହୋଟେଲ 'ବୁର୍ଜ ଅଲ୍ ଆରବ' ଉପରେ ଆକ୍ରମଣ ହୋଇଛି । ଜାତିସଂଘ ମୁଖ୍ୟ ଆଣ୍ଟୋନିଓ ଗୁଟେରସ ଏହି ଯୁଦ୍ଧକୁ ତୁରନ୍ତ ବନ୍ଦ କରିବାକୁ କହିଛନ୍ତି । ୟୁରୋପୀୟ ସଂଘ ଏବଂ ରୁଷ ମଧ୍ୟ ପରିସ୍ଥିତିକୁ ଶାନ୍ତ କରିବାକୁ ନିବେଦନ କରିଛନ୍ତି । 

OFFICIAL: 🇺🇸🇮🇱🇮🇷US military releases footage showing strikes on Iran. pic.twitter.com/MNjPBCWOnT

— Donald J Trump Posts TruthSocial (@TruthTrumpPost) February 28, 2026