ପଦାରେ ପଡିଲା ପାକିସ୍ତାନର ଅସଲ ମୁଖା ପାକ୍ ସମର୍ଥିତ ସଂଗଠନ TRFକୁ ଆତଙ୍କୀ ସଂଗଠନ ଘୋଷଣା କଲା ଆମେରିକା ଲସ୍କର ଏ ତୋଇବାର ଛାମୁଆ ସଂଗଠନ ହେଉଛି TRF କୂଟନୈତିକ ସ୍ତରରେ ଭାରତର ବଡ ବିଜୟ TRF ଉପରେ କାର୍ଯ୍ୟାନୁଷ୍ଠାନ ପାଇଁ ପ୍ରତିବନ୍ଧକ ସାଜିଥିଲା ଚୀନ TRF ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଜାତିସଂଘ ସୁରକ୍ଷା ପରିଷଦ ଅପିଲ୍ କରିବ ଭାରତ ।

ଫସର ଫାଟିଲା ଚୀନର ଚକ୍ରାନ୍ତ । ପହଲଗାମ ଆକ୍ରମଣ ପାଇଁ ଦାୟୀ କରିଥିବା ପାକ୍ ସମର୍ଥିତ ଦି ରେଜିଷ୍ଟାନ୍ସ ଫ୍ରଣ୍ଟ (TRF)କୁ ସୁରକ୍ଷା ଦେବାକୁ ଚୀନର ଚାଲ ଫେଲ ମାରିଲା । TRFକୁ ଆମେରିକା ବିଦେଶୀ ଆତଙ୍କୀ ସଂଗଠନ ତାଲିକାରେ ରଖିଛି। ଆମେରିକାର ବିଦେଶ ସଚିବ ମାର୍କ ରୁବିଓ କହିଛନ୍ତି ଯେ TRF ହେଉଛି ପାକିସ୍ତାନ ସମର୍ଥିତ ଲସ୍କର-ଏ-ତୈବାର ଏକ ‘ପ୍ରକ୍ସି’, ଯାହାକୁ ପୂର୍ବରୁ ଜାତିସଂଘ ଦ୍ୱାରା ଏକ ଆତଙ୍କବାଦୀ ସଂଗଠନ ଘୋଷଣା କରାଯାଇଛି । ଯାହାର ମୁଖ୍ୟାଳୟ ପାକିସ୍ତାନରେ ଅବସ୍ଥିତ ।

ଏହି ଘୋଷଣା ଦ୍ୱାରା TRFର ଆର୍ଥିକ କାରବାର ଉପରେ ଆମେରିକାର କଟକଣା ଲାଗୁ ହେବ ଏବଂ ଏହାକୁ ଆତଙ୍କବାଦର ବିଶ୍ୱ ପ୍ରାୟୋଜକ ଘୋଷଣା କରାଯାଇପାରେ । ଭାରତ ମଧ୍ୟ ଟିଆରଏଫ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଜାତିସଂଘ ସୁରକ୍ଷା ପରିଷଦରେ ଅପିଲ୍ କରିବ । ଟିଆରଏଫକୁ ନେଇ ଆମେରିକାର ଆଭିମୁଖ୍ୟକୁ ସ୍ବାଗତ କରିଛନ୍ତି ବୈଦେଶିକ ମନ୍ତ୍ରୀ ଏସ ଜୟଶଙ୍କର । ଏପ୍ରିଲ ୨୨ ତାରିଖରେ ପହଲଗାମର ବୈସାରନ ଘାଟିରେ ହୋଇଥିବା ଏହି ଆତଙ୍କବାଦୀ ଆକ୍ରମଣରେ ୨୬ ଜଣ ପ୍ରାଣ ହରାଇଥିଲେ । TRF ଏହି ଆକ୍ରମଣ ପାଇଁ ନିଜକୁ ଦାୟୀ କରିଥିଲା । .. ଏବେ ନଜର ପକାଇବା TRFର ଆତଙ୍କୀ କାର୍ଯ୍ୟକଳାପ ଉପରେ । 2008 ମୁମ୍ବାଇ ଆଟାକ୍ ପଛରେ ଥିଲା ଲସ୍କର ଗ୍ରୁପ୍ । ଆଉ ତାର ଛାମୁଆ ସଂଗଠନଭାବେ କାଶ୍ମୀରରେ ଆତଙ୍କ ସୃଷ୍ଟି ପାଇଁ ୨୦୧୯ରେ ଗଠନ ହୋଇଥିଲା TRF । ସାଧାରଣ ଲୋକଙ୍କୁ ଟାର୍ଗେଟ୍ କିଲିଂ ଥିଲା ଲକ୍ଷ୍ୟ । ସୋସିଆଲ ମିଡିଆ ମାଧ୍ୟମରେ ମେମ୍ବର କରିବା ପରେ ଯୁବକମାନଙ୍କୁ ଧର୍ମ ନାଁରେ ବ୍ରେନ ୱାସ କରି ଉସକାଉଥିଲା । 2023ରେ ଭାରତ ପକ୍ଷରୁ TRFକୁ ଆତଙ୍କୀ ସଂଗଠନ ଭାବେ ଘୋଷଣା କରାଯାଇଥିଲା ।

ସେପଟେ ଭାରତରେ ଅନେକ ଆତଙ୍କୀ ଆକ୍ରମଣର ମାଷ୍ଟରମାଇଣ୍ଡ ଜୈସ ଇ ମହମ୍ମଦ ମୁଖ୍ୟ ମାସୁଦ ଆଝାର ଏବେ ପାକ୍ ଅଧିକୃତ କାଶ୍ମୀରରେ ରହିଥିବା ଦେଖିବାକୁ ମିଳିଛି । ବାହାବଲପୁର ଆତଙ୍କୀ ଆଡ୍ଡା ଛାଡି ହଜାରେ କିମି ଦୂର ପିଓକେର ସ୍କାର୍ଡୁରେ ଆତ୍ମଗୋପନ କରିଛି । ମାସୁଦ୍ ୨୦୧୬ ପଠାନ୍ କୋଟ୍ ଏୟାରବେସ୍ ଆଟାକ୍ ଓ ୨୦୧୯ରେ ପୁଲଓ୍ବାମାରେ ସିଆରପିଏଫ୍ ଯବାନଙ୍କ ଉପରେ ଆକ୍ରମଣ ପାଇଁ ଷଡଯନ୍ତ୍ର ରଚିଥିଲା ।