ଅର୍ଗସ ବ୍ୟୁରୋ:  ଆମେରିକାରେ ରହୁଥିବା ପ୍ରବାସୀଙ୍କ ବିରୋଧରେ ଟ୍ରମ୍ପ ସରକାରଙ୍କ କଠୋର ପଦକ୍ଷେପ । ଯେଉଁମାନେ ବିନା ତଥ୍ୟ ପ୍ରମାଣରେ ସେଠାରେ ରହୁଛନ୍ତି ସେମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯାଉଛି । ଆମେରିକା ସେନାର C-17 ଏୟାରକ୍ରାଫ୍ଟରେ ଭାରତର କିଛି ପ୍ରବାସୀଙ୍କୁ ସ୍ବଦେଶକୁ ପଠାଇ ଦିଆଯାଇଛି । ଆମେରିକାରେ ଏବେ ଏକ କୋଟିରୁ ଅଧିକ ପ୍ରବାସୀ ବିନା ତଥ୍ୟ ପ୍ରମାଣରେ ରହୁଛନ୍ତି । ସେମାନଙ୍କ ବିରୋଧରେ କଠୋର ହୋଇଛନ୍ତି ଟ୍ରମ୍ପ ପ୍ରଶାସନ । ଏହା ପୂର୍ବରୁ ଗୁଏଟମାଲା, ପେରୁ, ହଣ୍ଡୁରାସର ପ୍ରାୟ ୫ହଜାର ପ୍ରବାସୀ ମାନଙ୍କୁ ଟ୍ରମ୍ପ ପ୍ରଶାସନ ବିଦା କରିଛନ୍ତି ।

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଶପଥ ନେବା ପରେ ବିନା ତଥ୍ୟ ପ୍ରମାଣରେ ରହୁଥିବା ପ୍ରବାସୀଙ୍କୁ ବିତାଡିତ କରାଯିବ ବୋଲି ଘୋଷଣା କରିଥିଲେ । ଆମେରିକାରେ ଏବେ ୧୮ ହଜାରରୁ ଅଧିକ ପ୍ରବାସୀ ଭାରତୀୟ ବିନା ତଥ୍ୟ ପ୍ରମାଣରେ ବେଆଇନ ଭାବେ ରହୁଥିବା ସୂଚନା ମିଳିଛି । ସେପଟେ ଆସନ୍ତା ୧୨ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକା ଗସ୍ତରେ ଯାଇପାରନ୍ତି। ଟ୍ରମ୍ପ ଦ୍ବିତୀୟ ଥର ପାଇଁ ଶପଥ ନେବା ପରେ ଏହା ମୋଦିଙ୍କ ପ୍ରଥମ ଗସ୍ତ ହେବ । ଫେବୃଆରୀ ୧୦ରୁ ପ୍ୟାରିସରେ ହେବାକୁ ଥିବା ଦୁଇ ଦିନିଆ ଆର୍ଟିଫିସିଆଲ ଇଣ୍ଟେଲିଜେନ୍ସ ଆକ୍ସନ ସମିଟ୍ ରେ ପ୍ରଧାନମନ୍ତ୍ରୀ ଯୋଗ ଦେବେ । ଏହାପରେ ପ୍ରଧାନମନ୍ତ୍ରୀ ଆମେରିକା ଗସ୍ତରେ ଯାଇ ପାରନ୍ତି ବୋଲି ସୂଚନା ମିଳିଛି ।

ଅଧିକ ପଢ଼ନ୍ତୁ ବିଦେଶ ଖବର: