୨୦୨୭ ସୁଦ୍ଧା ଏହି ଦେଶକୁ କବଜା କରିଦେବ ଚାଇନା
Key Points
ଡେଡଲାଇନ ଦେଲେ ଚାଇନା ରାଷ୍ଟ୍ରପତି
ପ୍ରଥମେ ପରମାଣୁ ଆକ୍ରମଣ କରିବ ଚାଇନା
୨୦୨୭ ସୁଦ୍ଧା ଏହି ଦେଶକୁ କବଜା କରିଦେବ ଚାଇନା
ଭୟରେ ଥରହର ଆମେରିକା
ଗୋଟେ ପଟେ ଭାରତ ଆମେରିକା ବିବାଦ ଲାଗି ରହିଛି। ଅନ୍ୟପଟେ ଚାଇନା ତାର ଫାଇଦା ଉଠାଇବାରେ ଲାଗିଛି। ଆଉ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଜାଣିପାରୁନାହାନ୍ତି କି ସେ କେଉଁ ଭୁଲ କରୁଛନ୍ତି। ଭାରତ ସହ ଶତ୍ରୁତା କରି ଅନ୍ୟ ଦେଶଗୁଡିକ ସହ ହାତ ମିଶାଇବାକୁ ଚେଷ୍ଟା କରୁଥିବାବେଳେ ସେମାନେ ମଧ୍ୟ ନିଜ ଫାଇଦା ଦେଖୁଛନ୍ତି। କଥାରେ ଅଛି କାଉ ଅଧିକ ଚାଲାକ ହେଲେ କଣ ଖାଏ ? ତାହା ଆପଣ ବି ଜାଣିଛନ୍ତି। ବଡ଼ି ଘୋଷଣା କରିଛି ଚାଇନା। ୨୦୨୭ ସୁଦ୍ଧା ଏପରି ଏକ ଦେଶକୁ କବଜା କରିବ ଯାହା ଶୁଣିକି ଭୟରେ ଥରହର ଆମେରିକା। ଚାଇନାର ରଣନୀତିରେ ପାରମ୍ପରିକ ଆକ୍ରମଣର ଜବାବରେ ପରମାଣୁ ଅସ୍ତ୍ରର ପ୍ରଥମ ବ୍ୟବହାର ଅନ୍ତର୍ଭୁକ୍ତ।
ଯଦି ଚାଇନା ତାଇୱାନରେ ସାମରିକ ପରାଜୟର ସମ୍ମୁଖୀନ ହୁଏ ଏବଂ ଏହାର ଶାସନର ଅସ୍ତିତ୍ୱ ବିପଦରେ ପଡ଼ିଯାଏ, ତେବେ ଏହା ପ୍ରଥମେ ପରମାଣୁ ଆକ୍ରମଣ କରିପାରେ। ଆଣବିକ ବୈଜ୍ଞାନିକଙ୍କ ବୁଲେଟିନ ଅନୁଯାୟୀ, ଚାଇନା ବର୍ତ୍ତମାନ ପ୍ରାୟ ୬୦୦ ପରମାଣୁ ଅସ୍ତ୍ରଶସ୍ତ୍ର ରଖିଛି। ଏହା ପ୍ରାୟ ୩୫୦ ନୂତନ ମିଶାଇଲ୍ ସାଇଲୋ ଏବଂ ମୋବାଇଲ ଲଞ୍ଚର୍ ବେସ ନିର୍ମାଣ କରୁଛି। ଏହି ବିସ୍ତାର ଅନ୍ୟ ଯେକୌଣସି ପରମାଣୁ ଶକ୍ତିସମ୍ପନ୍ନ ଦେଶ ତୁଳନାରେ ବହୁତ ଦ୍ରୁତ।ଆମେରିକାର ରଣନୀତିକବାହିନୀ କମାଣ୍ଡର ଜେନେରାଲ ଆଣ୍ଟୋନି କଟନ ଏକ ଚାଞ୍ଚଲ୍ୟକର ଖୁଲାସା କରିଛନ୍ତି। ସେ ଆମେରିକା କଂଗ୍ରେସକୁ କହିଛନ୍ତି,ଚାଇନା ରାଷ୍ଟ୍ରପତି ସି ଜିନପିଙ୍ଗ ତାଙ୍କ ସେନାକୁ ୨୦୨୭ ସୁଦ୍ଧା ତାଇୱାନ ଦଖଲ କରିବାକୁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦେଇଛନ୍ତି।
ଏହି ଉଦ୍ଦେଶ୍ୟ ହାସଲ କରିବା ପାଇଁ, ଚାଇନା ନିରନ୍ତର ଏହାର ଭଣ୍ଡାର ଏବଂ ପରମାଣୁ ଅସ୍ତ୍ରର କ୍ଷମତା ବୃଦ୍ଧି କରୁଛି। ଏହି ଅସ୍ତ୍ରଗୁଡ଼ିକୁ ସ୍ଥଳ, ବାୟୁ ଏବଂ ସମୁଦ୍ରରୁ ନିକ୍ଷେପ କରାଯାଇପାରିବ, ଯାହା ଚାଇନାର ରଣନୀତିକ ଶକ୍ତିକୁ ପ୍ରବଳ ଭାବରେ ବୃଦ୍ଧି କରୁଛି। ରିପୋର୍ଟରେ ଆକଳନ କରାଯାଇଛି, ଚାଇନାର ସେନା, ପିପୁଲ୍ସ ଲିବରେସନ ଆର୍ମି (PLA) ପାଖରେ ପ୍ରାୟ ୭୧୨ ଭୂମି ମିଶାଇଲ୍ ଲଞ୍ଚର୍ ଅଛି। ଏଥିମଧ୍ୟରୁ ୪୬୨ ଲଞ୍ଚର୍ ଆମେରିକା ପର୍ଯ୍ୟନ୍ତ ପହଞ୍ଚିପାରୁଥିବା ମିଶାଇଲ୍ ନିକ୍ଷେପ କରିପାରିବ। ତଥାପି, ଅନେକ ଲଞ୍ଚର୍ କେବଳ କ୍ଷୁଦ୍ର ଦୂରଗାମୀ ମିଶାଇଲ୍ ପାଇଁ, ଯାହା ମୁଖ୍ୟତଃ ଆଞ୍ଚଳିକ ଲକ୍ଷ୍ୟସ୍ଥଳ ଉପରେ ଆକ୍ରମଣ କରିବା ପାଇଁ ବ୍ୟବହୃତ ହୁଏ। ଆମେରିକାର ପ୍ରତିରକ୍ଷା ମନ୍ତ୍ରଣାଳୟ ପେଣ୍ଟାଗନ, ଏହାର ବାର୍ଷିକ ରିପୋର୍ଟରେ ଚାଇନାର ସାର୍ବଜନୀନ ଦୃଷ୍ଟିକୋଣକୁ ମିଥ୍ୟା କହିଛି। ସବୁ ଦେଶ ନିଜ ନିଜ ଫାଇଦା ଦେଖୁଥିବାବେଳେ ଭାରତ ଆମେରିକା ବିବାଦ ଭିତରେ ଫାଇଦା ଉଠାଉଛି ଚାଇନା।
