ସିଧା ସିଧା କହିଦେଲେ ଋଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ୍‌ । ଯଦି ଯୁଦ୍ଧ ହେବ ତେବେ ଆମେ ବି ପ୍ରସ୍ତୁତ। କାହାକୁ ଛାଡିବୁନି। ସମସ୍ତ ୟୁରୋପ ସହ ମସ୍କୋ ଲଢିପାରିବ । ତେବେ ପୁଟିନଙ୍କ ଏହି ବୟାନ ସେତେବେଳେ ସାମ୍ନାକୁ ଆସିଛି ଯେତେବେଳେ ଆମେରିକାର ଦୁଇ ଅଧିକାରୀ ମସ୍କୋରେ ଅଛନ୍ତି । ଉଭୟ ଅଧିକାରୀ ୟୁକ୍ରେନ-ଋଷ ଯୁଦ୍ଧ ରୋକିବା ପାଇଁ ଲଗାତାର ଉଦ୍ୟମ କରୁଛନ୍ତି । ଏହା ମଧ୍ୟରେ ପୁଟିନ କହିଛନ୍ତି ଯେ, ତାଙ୍କର ୟୁରୋପ ସହ ଯୁଦ୍ଧ କରିବାକୁ ଏବେ କିଛି ଯୋଜନା ନାହିଁ । କିନ୍ତୁ ଯଦି ୟୁରୋପ ଯୁଦ୍ଧ ଆରମ୍ଭ କରେ ତାହାଲେ ମସ୍କୋ ପ୍ରସ୍ତୁତ ରହିଛି । ଆମେ ଏହାର ଜବାବ ଦେବୁ । ଯଦି ୟୁରୋପ ଯୁଦ୍ଧ ଚାହୁଁଛି ତାହାଲେ ଋଷିଆ ପ୍ରସ୍ତୁତ ଥିବା କହିଛନ୍ତି ରାଷ୍ଟ୍ରପତି ଭ୍ଲାଦିମିର ପୁଟିନ । ୟୁକ୍ରେନରେ ଶାନ୍ତି ପ୍ରତିଷ୍ଠା ପାଇଁ ଆମେରିକାର ଉଦ୍ୟମକୁ ୟୁରୋପର କିଛି ନେତା ପସନ୍ଦ କରୁନଥିବା ପୁଟିନ୍ କହିଛନ୍ତି ।

ସୂଚନାଯୋଗ୍ୟ, ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ରୋକିବାକୁ ଆମେରିକା୨୮ ପଏଣ୍ଟର ଡ୍ରାଫ୍ଟ୍ ପ୍ରସ୍ତୁତ କରିଥିଲା । ଯାହାକୁ କିଭ୍ ଏବଂ ୟୁରୋପ କିଛି ଦେଶ ବିରୋଧ କରିଥିଲେ । ଫଳରେ ଏହି ଡ୍ରାଫ୍ଟରେ ସଂଶୋଧନ କରାଯାଇଥିଲା । ଆମେରିକାର ଏହି ଡ୍ରାଫ୍ଟ ୟୁକ୍ରେନ ସ୍ୱାର୍ଥର ଖିଲାପ କରୁଥିବା କିଛି ଦେଶ କହିଥିଲେ । ପୁଟିନ ଆହୁରି କହିଛନ୍ତି ଯେ, ୟୁରୋପୀୟମାନେ ଶାନ୍ତି ପ୍ରତିଷ୍ଠା ପାଇଁ ଚାହୁଁ ନାହାଁନ୍ତି । ସେମାନେ ନିଆଁରେ ଘିଅ ଢାଳୁଛନ୍ତି । ଆମେରିକାର ପ୍ରୟାସକୁ ଅନେକ ନେତା ଖାତିର କରୁ ନାହାଁନ୍ତି । ଏହାସହ ଆମେରିକା ଶାନ୍ତି ଉଦ୍ୟମରେ କିଛି ସଂଶୋଧନ ପାଇଁ ୟୁରୋପର ହସ୍ତକ୍ଷେପକୁ ଋଷ ରାଷ୍ଟ୍ରପତି ନାପସନ୍ଦ କରିବା ସହ ସମାଲୋଚନା କରିଛନ୍ତି ।

ଏଥିସହ ପଢ଼ନ୍ତୁ: କାହିଁକି କରାଯାଏ 'ଭୂତ ଶୁଦ୍ଧି ବିବାହ' ? ଜାଣନ୍ତୁ କଣ ରହିଛି ଏହା ପଛର ରହସ୍ୟ...

ଡିସେମ୍ବର ୪ ବା ଆସନ୍ତାକାଲି ଭାରତ ଗସ୍ତରେ ଆସୁଛନ୍ତି ଋଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ୍ । ତାଙ୍କ ଗସ୍ତ ପୂର୍ବରୁ ଭାରତକୁ ମିଳିଛି ବଡ ଫାଇଦା । ମସ୍କୋ ପୁଟିନଙ୍କ ଗସ୍ତ ପୂର୍ବରୁ ଭାରତ ସହ ପ୍ରତିରକ୍ଷା କ୍ଷେତ୍ରରେ ଏକ ବଡ ଚୁକ୍ତିକୁ ଆଗକୁ ବଡାଇଛି । ଏହି ଚୁକ୍ତି ଫେବ୍ରୁଆରୀ ୧୮ ତାରିଖରେ ଦୁଇ ଦେଶ ମଧ୍ୟରେ ସ୍ବାକ୍ଷରିତ ହୋଇଥିଲା । ଯାହାକୁ ଗତ ସପ୍ତାହରେ ଆଗକୁ ବଢାଇବା ପାଇଁ ଋଷିଆ ପ୍ରଧାନମନ୍ତ୍ରୀ ମିଖାଲି ମିସୁଷ୍ଟିନଙ୍କ ସମ୍ମୁଖରେ ରଖାଯାଇଥିଲା । ସୂଚନାଯୋଗ୍ୟ, ପୁଟିନ ଭାରତ ଏବଂ ଋଷିଆ ମଧ୍ୟରେ ଆୟୋଜିତ ୨୩ତମ ଦ୍ୱିପାକ୍ଷିକ ସମ୍ନିଳନୀରେ ଯୋଗ ଦେବାକୁ ନୂଆଦିଲ୍ଲୀ ଆସୁଛନ୍ତି । ସେ ଏଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିବେ । ଉଭୟ ନେତା ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା କରିବା ନେଇ ସୂଚନା ମିଳିଛି ।

ଅଧିକ ପଢ଼ନ୍ତୁ ବିଦେଶ ଖବର: