'ତିମି' ସମୁଦ୍ରରେ ରହୁଥିବା ବିଶାଳକାୟ ଜୀବ ଓ ମାଛ ମାନଙ୍କ ମଧ୍ୟରେ ସବୁଠୁ ଅଧିକ ଖତରନାକ୍ । କ୍ଷୁଧା ମେଣ୍ଟାଇବା ଲାଗି ତିମି ସବୁବେଳେ ବଡ଼ରୁ ବଡ଼ ଶିକାର ସନ୍ଧାନରେ ଥାଏ । ଏବେ ସେହିପରି ଏକ ଭିଡିଓ ଇଣ୍ଟରନେଟ୍‌ରେ ଭାଇରାଲ୍ ହେଉଛି । ଯେଉଁଠି ଏକ ବିଶାଳକାୟ ତିମି ପାଣିରେ ବୋଟିଂ କରୁଥିବା ଯୁବକଙ୍କୁ ତାର ଶିକାର କରୁଛି ।

ଭିଡିଓରେ ଦେଖା ଯାଉଛି, ପାଣିରେ ବୋଟିଂ କରୁଥିବା ଏଡ୍ରିୟନ ସିମିନକସଙ୍କୁ ଆକ୍ରମଣ କରୁଛି ତିମି । ମାତ୍ର ୨ ସେକେଣ୍ଡ ଭିତରେ ହଠାତ୍ 'ତିମି'ଟି ପ୍ରଳୟ ଭଳି ଆସି ଯୁବକଙ୍କୁ ଗିଳି ଦେଉଛି । ଏହା ପରେ କଣ ହେଲା ତାହା ବି ଯୁବକ ଜଣଙ୍କ ବୁଝି ପାରି ନାହାନ୍ତି । ଆଉ ଏହି ଭାଇରାଲ୍ ଭିଡିଓରେ ଲୋକ ବି ନାନା ପ୍ରତିକ୍ରିୟା ଦେଉଛନ୍ତି ।

ଚିଲିର ପେଟାଗୋନିୟା ବାସିନ୍ଦା ଏଡ୍ରିୟନ ଜଣେ ପହଁରାଳି । ସେ ତାଙ୍କ ବାପା ଡେଲଙ୍କ ସହ ବୋଟିଂ ପାଇଁ ବାହିୟା-ଏଲ୍-ଗୁଇଲା ଯାଇଥିଲେ । ଯେଉଁଠି ଏକ ବିରାଟକାୟ ତିମି ତାଙ୍କୁ ଗିଳି ଦେବା ସହ କେଇ ସେକେଣ୍ଡରେ ବାହାର କରି ଦେଇଥିଲା ।

ଏତେବଡ଼ ଦୁର୍ଘଟଣାରେ ମ଼ୃତ୍ୟୁମୁଖରୁ ଫେରିବା ପରେ ଏଡ୍ରିୟନ୍ କହିଛନ୍ତି, ତିମି ଗିଳିବା ପରେ ମୋତେ ଲାଗିଲା ମୁଁ ମରିଗଲି । ତିମି ମୋତେ ଗିଳିବା ପରେ ହିଁ ସଙ୍ଗେ ସଙ୍ଗେ ବାହାର କରି ଦେଇଥିଲା । ଯେତେବେଳେ ପାଣିକୁ ଆସି ମୁଁ ଭାସିଲି ତ ଡର ଲାଗିଲା କି ମୋ ବାପାଙ୍କର କିଛି ହୋଇ ନଥାଉ । ଆଉ ପାଣିରେ କିଛି ସମୟ ରହିବା ପରେ ଏଡ୍ରିୟନ୍ ତାଙ୍କ ବାପାଙ୍କ ପାଖରେ ସୁରକ୍ଷିତ ପହଞ୍ଚିଥିଲେ ।

Argus News | argus news | -Argusnews Home: Odisha Latest News, Breaking News, Trending News, Live TV and more