ବିଶ୍ୱର ସବୁଠାରୁ ପୁରୁଣା ହୋଟେଲ । ଯେଉଁଠି ପିଇବାକୁ ଦିଆଯାଏ ଝରଣା ପାଣି । ଏସି ପବନ ନୁହେଁ ଏଠି ଖୋଲା ଆକାସ ତଲେ ଶୁଦ୍ଧ ଦେଶୀ ପବନର ମଜା ନିଅନ୍ତି ପର୍ଯ୍ୟଟକ । ଭିଡ, ଜନଗହଳି, ପ୍ରଦୂଷଣ ଠାରୁ ଢେର ଦୂରରେ ରହିଛି ଏହି ହୋଟେଲ । କ'ଣ ଆପଣ ଜାଣନ୍ତି ବିଶ୍ୱର ଏହି ସବୁଠାରୁ ପୁରୁଣା ହୋଟେଲ କେଉଁଠି ରହିଛି ଏବଂ ଏହା କେତେ ବର୍ଷ ପୁରୁଣା । ଏବେ ଏହି ହୋଟେଲ କାର୍ଯ୍ୟକ୍ଷମ ଅଛି କି ନାହିଁ । ତେବେ ଆସନ୍ତୁ ଜାଣିବା...

ଜାପାନରେ ରହିଛି ନିଶିୟାମା ଓନସେନ୍ କେୟୁଙ୍କାନ୍ ହୋଟେଲ୍ । ଯାହା ପ୍ରାକୃତିକ ଆକାଇଶି ପର୍ବତମାଳାରେ ମାଉଣ୍ଟ ଫୁଜି ନିକଟରେ ଅବସ୍ଥିତ । ଜାପାନ ଏବଂ ବିଶ୍ୱର ବିଭିନ୍ନ ସ୍ଥାନରୁ ପର୍ଯ୍ୟଟକମାନେ ଏହାର ଆକର୍ଷଣ ଏବଂ ଶାନ୍ତ ପରିବେଶ ଅନୁଭବ କରିବାକୁ ଆସିଥାନ୍ତି ।

ହୋଟେଲ ପ୍ରାକୃତିକ ପରିବେଶ ଲୋକଙ୍କୁ ବେଶ ଆକୃଷ୍ଟ କରେ । ଆଉ ସବୁଠାରୁ ବଡ କଥା ହୋଟେଲ ଟି 1,400 ବର୍ଷରୁ ବି ଅଧିକ ପୁରୁଣା । ଏହାକୁ ଆହୁରି ଅନନ୍ୟ କରୁଥିବା ବିଷୟ ହେଉଛି ଯେ ସମାନ ପରିବାର ଏହାକୁ 52 ପିଢ଼ି ଧରି ପରିଚାଳନା କରିଆସୁଛି । ଏହି ପ୍ରାଚୀନ ହୋଟେଲକୁ ଗିନିଜ୍ ୱାର୍ଲ୍ଡ ରେକର୍ଡସ୍ ଦ୍ୱାରା ବିଶ୍ୱର ସବୁଠାରୁ ପୁରୁଣା ନିରନ୍ତର କାର୍ଯ୍ୟକ୍ଷମ ହୋଟେଲ ଭାବରେ ସ୍ୱୀକୃତି ଦିଆଯାଇଛି ।

ଏହାର ଦୀର୍ଘ ଇତିହାସ ସତ୍ତ୍ୱେ, ହୋଟେଲଟି ସମୟ ସହିତ ତାଳ ଦେଇ ଚାଲିଛି । ବର୍ଷ ବର୍ଷ ଧରି, ଏହାର ସମୃଦ୍ଧ ପରମ୍ପରା ଏବଂ ଐତିହ୍ୟକୁ ସଂରକ୍ଷଣ କରିବା ସହିତ ନୂତନ ହୋଟେଲଗୁଡ଼ିକ ସହିତ ପ୍ରତିଯୋଗିତା କରିବା ପାଇଁ ଏହାକୁ ଆଧୁନିକୀକରଣ କରାଯାଇଛି ।

ଏଠାରେ ବୋହିଯାଉଥିବା ଝରଣାର ଜଳ ସ୍ୱଚ୍ଛ, ନିର୍ମଳ । ଯାହାକୁ ଏଠାକୁ ଆସିଥିବା ଅତିଥିମାନେ ପିଇଥାନ୍ତି । ଯାହାର ଆରୋଗ୍ୟ ଗୁଣ ଅଛି ବୋଲି ବିଶ୍ୱାସ କରାଯାଏ। ଝରଣା ସହିତ ଏହି ସିଧାସଳଖ ସଂଯୋଗ ହୋଟେଲକୁ ଅନ୍ୟମାନଙ୍କଠାରୁ ଭିନ୍ନ କରିଥାଏ। ପ୍ରାଚୀନ ସାମୁରାଇ ଠାରୁ ଆରମ୍ଭ କରି ଆଧୁନିକ ସେଲିବ୍ରିଟି ଏବଂ ବିଶ୍ୱ ନେତା ପର୍ଯ୍ୟନ୍ତ ଏଠାକ ସମୟ ବିତାଇବାକୁ ଆସିଥାନ୍ତି ।

Argus News | argus news | Odisha Latest News, Breaking News, Trending News, Live TV