ସମୁଦ୍ରର ୧୬୩ ଫୁଟ୍ ତଳେ ଫଟୋସୁଟ୍ କରି ବିଶ୍ବରେକର୍ଡ
ଅର୍ଗସ ବ୍ୟୁରୋ : ସମୁଦ୍ର ପୃଷ୍ଠରୁ ୧୬୩ ଫୁଟ (୫୦ ମିଟର) ତଳେ ଚାଲିଛି ଫଟୋସୁଟ୍ । କାନାଡର ଜଣେ ଫଟୋଗ୍ରାଫର ସମୁଦ୍ରର ୫୦ ମିଟର ତଳେ ଫଟୋସୁଟ୍ କରି ବିଶ୍ବରେକର୍ଡ କରିଛନ୍ତି । ଯାହାଙ୍କ ନାଁ ହେଉଛି ଷ୍ଟିଭେନ ହେନିଙ୍ଗ । ଆମେରିକାର ଫ୍ଲୋରିଡା ନିକଟରେ ଥିବା ସମୁଦ୍ରପୃଷ୍ଠରୁ ୧୬୩ ଫୁଟ୍ ଅର୍ଥାତ ୫୦ ମିଟର ତଳକୁ ଯାଇ ଫଟୋସୁଟ୍ କରାଇଥିଲେ ଷ୍ଟିଭେନ । ସାଙ୍ଗରେ ନେଇଥିଲେ ଜଣେ ମହିଳା ମଡେଲର ଏଣ୍ଟୋସ୍କି । ୫୦ ମିଟର ତଳେ ଥିବା ହାଇଡ୍ରା ଆଟଲାଣ୍ଟିକା ଜାହାଜର ଭଗ୍ନାବଶେଷ ନିକଟରେ ହୋଇଥିଲା ଏହି ଫଟୋସୁଟ୍ ।
ପୂର୍ବରୁ ଏହି ରେକର୍ଡ କାନାଡାର କିମ ବ୍ରୁନୋ ଓ ଓୟରଜୁନଙ୍କ ନାମରେ ଥିଲା । ସେମାନେ ୨୦୨୩ ଡିସେମ୍ବରରେ ବାହମାସ ସମୁଦ୍ରପୃଷ୍ଠରୁ ୧୩୦ ଫୁଟ୍ ତଳେ ଫଟୋସୁଟ୍ କରିଥିଲେ । ସେହି ରେକର୍ଡକୁ ଭାଙ୍ଗି ହେନିଙ୍ଗ ନୂଆ ଗିନିଜ୍ ବୁକ ଅଫ୍ ୱାର୍ଲ୍ଡ ରେକର୍ଡ କରିଛନ୍ତି ।
ତେବେ ଏଣ୍ଟୋସ୍କିଙ୍କ ସହ ପୁରା ଟିମ ଏହି ଫଟୋସୁଟ୍ ପାଇଁ ଦୀର୍ଘଦିନ ଧରି ଅଭ୍ୟାସ ଜାରି ରଖିଥିଲେ । ସାର୍କ ଆଦି ଜଳଚର ଫଟୋସୁଟ୍ ହେଉଥିବା ସ୍ଥାନକୁ ମଧ୍ୟ ବାରମ୍ବାର ଚାଲି ଆସିଥିଲେ । ସେମାନଙ୍କ ଭିତରେ ସୁଟ୍ କରିବା ମଧ୍ୟ ଗୁରୁତ୍ବପୂର୍ଣ୍ଣ ଥିଲା ।
