ଦୁନିଆର ସବୁଠାରୁ ଧନୀ ବ୍ୟକ୍ତି ତାଲିକାରେ ଅନେକ ଦିନ ଧରି ରହି ଆସଥିଲେ ଟେସଲା କମ୍ପାନୀର ସିଇଓ ଏଲନ ମସ୍କ । ଏବେ କିନ୍ତୁ ତାଙ୍କ ମୁଣ୍ଡରୁ ସେହି ମୁକୁଟ ଛଡାଇ ନେଇଛନ୍ତି ଲ୍ୟାରି ଏଲିସନ । ଓରାକଲ୍‌ର କୋ ଫାଉଣ୍ଡର ଲ୍ୟାରି ଏଲିସନ ଏବେ ଏଲନ ମସ୍କଙ୍କୁ ପଛରେ ପକାଇ ଦୁନିଆର ସବୁଠୁ ଧନୀ ଶ୍ରେଣୀର ବ୍ୟକ୍ତି ତାଲିକାରେ ପ୍ରଥମ ସ୍ଥାନ ନେଇଛନ୍ତି । ଗୋଟିଏ ଦିନରେ ଏହି ଅରବପତି ତାଲିକାରେ ହୋଇଯାଇଛି ବିରାଟ ପରିବର୍ତ୍ତନ । ଲ୍ୟାରିଙ୍କ ସମ୍ପତ୍ତି ମାତ୍ର ଗୋଟେ ଦିନରେ ଏଲନ ମସ୍କଙ୍କ ସମ୍ପତ୍ତି ଠାରୁ ଅଧିକ ବଢିଯାଇଛି ।

ବିଶ୍ଵର ବୃହତ କମ୍ପାନୀ ଓରିକେଲ କର୍ପୋରେଶନ ତାର ୩ ମାସରେ ବଢିଥିବା ସମ୍ପତ୍ତି ଘୋଷଣା କରିବା ପରେ ଅରବପତିଙ୍କ ଲିଷ୍ଟରେ ଏକ ବଡ ଝଟକା ଲାଗିଥିଲା । କାରଣ ଓରାକଲ୍‌ର ଶେୟାର ବଢିବା ପରେ ଏହାର ସହ ପ୍ରତିଷ୍ଠାତା ଲ୍ୟାରି ଏଲିସନଙ୍କ ସମୁଦାୟ ସମ୍ପତ୍ତି ୧୦୧ ଅରବ ଡଲାର ବଢି ଯାଇଥିଲା । ଆଉ ଏଲନ ମସ୍କଙ୍କୁ ପଛରେ ପକାଇ ଧନୀ ତାଲିକାର ପ୍ରଥମରେ ଆସିଥିଲେ ଲ୍ୟାରି ଏଲିସନ ।

ଏଲନ ମସ୍କଙ୍କ ସମୁଦାୟ ସମ୍ପତ୍ତି ୩୮୫ ଅରବ ଡଲାର ଥିବାବେଳେ ବୁଧବାର ଲ୍ୟାରି ଏଲିସନଙ୍କ ସମ୍ପତ୍ତି ୩୯୩ ଅରବ ଡଲାରରେ ପହଞ୍ଚିଥିଲା । ୮୧ ବର୍ଷରେ ମଧ୍ୟ ଏଲସନ୍ ଓରାକଲ୍‌ର ଚେୟାରମ୍ୟାନ ଏବଂ ଚିଫ୍ ଟେକ୍ନୋଲୋଜି ଅଫିସର ଭାବେ ନିଜର ଦାୟିତ୍ଵ ସମ୍ପାଦନ କରୁଛନ୍ତି । ଆଉ ତାଙ୍କର ସମସ୍ତ ସମ୍ପତ୍ତିର ଅଧିକାଂଶ ଭାଗ ସେ ତାଙ୍କ ଓରାକଲ୍‌ କମ୍ପାନୀରୁ ହିଁ ଇନକମ କରିଥାନ୍ତି ।

ଏଲିସନ୍ ବହୁତ ଆଲିସାନ୍ ବଙ୍ଗଳା ସହ ହାୱାଇର ଲାନାଇ ଦ୍ଵୀପ କିଣିଛନ୍ତି । ସେହି ଦ୍ଵୀପକୁ ୨୦୧୨ରେ ୩୦ କୋଟି ଆମେରିକା ଡଲାରରେ କିଣିଥିଲେ ଏଲିସନ୍ । ବିଶ୍ଵର ଅନେକ ଅଲଗା ଅଲଗା ସ୍ଥାନରେ ଥିବା ଅରବ ଡଲାରର ପ୍ରପୋର୍ଟି ଏଲିସନ୍‌ଙ୍କ ନାଁରେ ରହିଛି । ଅନେକ ସମ୍ପତ୍ତିକୁ ସେ ରିସୋର୍ଟ , ଆର୍ଟ ମ୍ୟୁଜିୟମ ଆଦି ତିଆରି କରିବାରେ ଲଗାଇଛନ୍ତି । କାର୍ଲିଫର୍ଣ୍ଣିଆର 'ମାଲିବୁ'ର ୨୦ ସ୍ଥାନରେ ତାଙ୍କର ସମ୍ପତ୍ତି ରହିଛି । ସେଥିରୁ ୧୦ଟି କାର୍ବନ ବିଚ୍ ତାଙ୍କର ଅଟେ । ଏଥିପାଇଁ ସେହି ବିଚ୍‌କୁ 'ବିଲିୟନିୟର୍ସ ବିଚ୍' ବୋଲି କୁହାଯାଏ ।

ତେବେ ପୂର୍ବରୁ ଲମ୍ବା ସମୟ ଧରି ଟେସଲା ମାଲିକ ଏଲନ ମସ୍କ ଦୁନିଆର ସବୁଠୁ ଧନୀ ବ୍ୟକ୍ତିର ମୁକୁଟ ପିନ୍ଧିଥିଲେ । ହେଲେ ଚଳିତ ବର୍ଷ ଏପର୍ଯ୍ୟନ୍ତ ଟେସଲାର ଷ୍ଟକରେ ହୋଇଥିବା ତୀବ୍ର ହ୍ରାସ ତାଙ୍କ ସମ୍ପତ୍ତି ଉପରେ ସିଧାସଳଖ ପ୍ରଭାବ ପକାଇଛି। ଟେସଲାର ସେୟାର ୧୩% ହ୍ରାସ ପାଇଛି। ଯାହାଦ୍ଵାରା ତାଙ୍କର ସମ୍ପତ୍ତି ଧନୀ ଶ୍ରେଣୀର ପ୍ରଥମ ବ୍ୟକ୍ତି ତାଲିକାରୁ ଖସିଆସିଛି ।