ସନରାଇଜର୍ସ ହାଇଦ୍ରାବାଦର ଷ୍ଟାର ବ୍ୟାଟ୍ସମ୍ୟାନ ଅଭିଷେକ ଶର୍ମା କୋଲକାତା ନାଇଟ ରାଇଡର୍ସ ମ୍ୟାଚ ବିପକ୍ଷରେ ଶାନଦାର କମବ୍ୟାକ କରିଛନ୍ତି। ସନ ରାଇଜର୍ସ ହାଇଦ୍ରାବାଦ ଟିମ ଜିତିବା ପରେ ବି ବିବାଦ ଘେରରେ ରହିଛି। କାରଣ ହାଇଦ୍ରାବାଦର ହିରୋ ଅଭିଷେକ ଶର୍ମା ବଡ଼ ଅଡ଼ୁଆରେ ପଡ଼ିଛନ୍ତି। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (BCCI) ପକ୍ଷରୁ ଅଭିଷେକଙ୍କୁ ଦୋଷୀ ଭାବେ ଦଣ୍ଡିତ କରାଯାଇଛି।

୨୫% ଜରିମାନା ଦେବେ ଅଭିଷେକ
ଗୁରୁବାର ଇଡେନ ଗାର୍ଡେନ ଥିଲା SRH ଏବଂ କେକେଆର ମ୍ୟାଚ। କୋଲକାତା ବିପକ୍ଷରେ ଅଭିଷେକ ୪୮ ରନର ଜବରଦସ୍ତ ପାଳି ଖେଳିଥିଲେ। ଏସଆରଏଚକୁ ଜିତାଇବାରେ ମୁଖ୍ୟ ଭୂମିକା ଗ୍ରହଣ କରିଥିଲେ। ହେଲେ ଅଡୁଆରେ ପଡିଛନ୍ତି ଷ୍ଟାର ବ୍ୟାଚର ଅଭିଷେକ ଶର୍ମା । ଅର୍ଥ ଦଣ୍ଡରେ ଦଣ୍ଡିତ ହୋଇଛନ୍ତି । ଆଇପିଏଲ ଆଚରଣ ସଂହିତା ଉଲ୍ଲଂଘନ ପାଇଁ ଅଭିଷେକ ଶର୍ମାଙ୍କୁ ତାଙ୍କ ମ୍ୟାଚ୍ ଫିରୁ ଜରିମାନା କରାଯାଇଛି । ମ୍ୟାଚ୍‌ ଫିରୁ ୨୫% କାଟିବା ସହିତ ଗୋଟିଏ ଡିମେରିଟ୍ ପଏଣ୍ଟ ଦିଆଯାଇଛି । ଯାହା ତାଙ୍କ ବିଜୟ ଖୁସିକୁ ପାଣିଚିଆ କରିଛି ।

𝐓𝐡𝐞 𝐝𝐢𝐩, 𝐭𝐡𝐞 𝐝𝐢𝐯𝐞, 𝐭𝐡𝐞 𝐂𝐀𝐓𝐂𝐇. 🤌

Varun Chakaravarthy pulls off an absolute blinder at deep square-leg to dismiss the dangerous Abhishek Sharma 🥵#TATAIPL 2026 | #KKRvSRH | LIVE NOW 👉 https://t.co/ySCLEcJOUA pic.twitter.com/jXoaMbiOUy

— Star Sports (@StarSportsIndia) April 2, 2026

ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ୨୦୨୬ର ଷଷ୍ଠ ମ୍ୟାଚ୍ ୬୫ ରନରେ ଏସଆରଏଚ ଜିତିଛି । କୋଲକାତାର ଲଗାତାର ଦ୍ୱିତୀୟ ପରାଜୟ ହୋଇଛି । ଟସ୍ ହାରିବା ପରେ ପ୍ରଥମେ ବ୍ୟାଟିଂ କରି ସନରାଇଜର୍ସ ହାଇଦ୍ରାବାଦ ୮ ୱିକେଟ୍ ହରାଇ ୨୨୬ ରନ କରିଥିଲା । ଟ୍ରାଭିସ୍ ହେଡ୍ ଏବଂ ଅଭିଷେକ ଶର୍ମାଙ୍କ ପ୍ରାରମ୍ଭିକ ଯୋଡ଼ି ଏହି ଦଳକୁ ଭଲ ଆରମ୍ଭ ଦେଇଥିଲେ। ଉଭୟ ଖେଳାଳି ୫.୪ ଓଭରରେ ୮୨ ରନ କରିଥିଲେ । ଅଭିଷେକ ଶର୍ମା ୨୧ଟି ବଲ୍‌ରୁ ୪ ଚୌକା ଓ ୪ଛକା ବଳରେ ୪୮ ରନ୍ କରିଥିଲେ ।

ଏହାସହ ପଢ଼ନ୍ତୁ: SRHର ଧମାକେଦାର ବିଜୟ...KKRକୁ ୬୫ ରନରେ ହରାଇଲା ହାଇଦ୍ରାବାଦ

କୋଲକାତା ଜିତିଲା ହେଲେ ମୁସକିଲରେ ପଡିଛନ୍ତି ଅଭିଷେକ । ଆଇପିଏଲ ଆଚରଣ ସଂହିତା ଉଲ୍ଲଂଘନ କରିଥିବାରୁ ତାଙ୍କ ମ୍ୟାଚ୍ ଫିର ୨୫ ପ୍ରତିଶତ ଜରିମାନା ଏବଂ ଗୋଟିଏ ଡିମେରିଟ୍ ପଏଣ୍ଟ ଦିଆଯାଇଛି । ସେ ଧାରା ୨.୩ ଅନୁଯାୟୀ ଲେବଲ ୧ ଅପରାଧ ସ୍ୱୀକାର କରିଛନ୍ତି ଏବଂ ମ୍ୟାଚ୍ ରେଫରୀଙ୍କ ଦଣ୍ଡ ଗ୍ରହଣ କରିଛନ୍ତି । ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ତାଙ୍କୁ ଆଚରଣ ସଂହିତା ଉଲ୍ଲଂଘନ କରିଥିବାକୁ ଦୋଷୀ ସାବ୍ୟସ୍ତ କରିଛି । ଏହା ପୂର୍ବରୁ ଗୁଜରାଟ ବିପକ୍ଷରେ ସ୍ଲୋ ଓଭର ବୋଲିଂ ପାଇଁ ପଞ୍ଜାବ କ୍ୟାପ୍ଟେନ୍ ଶ୍ରେୟସ ଆୟର ଅର୍ଥଦଣ୍ଡରେ ଦଣ୍ଡିତ ହୋଇଥିଲେ ।