IPL 2026 ର 31 ତମ ମ୍ୟାଚରେ ଅଭିଷେକ ଶର୍ମାଙ୍କ ଏକ ବିସ୍ଫୋରକ ଇନିଂସ ଦେଖିବାକୁ ମିଳିଥିଲା, ସେ ତାଙ୍କର ଦ୍ୱିତୀୟ IPL ଶତକ ହାସଲ କରିଥିଲେ। ଦିଲ୍ଲୀ କ୍ୟାପିଟାଲ୍ସ ବିପକ୍ଷ ଏହି ମ୍ୟାଚରେ ଅଭିଷେକ 68 ବଲରେ ଅପରାଜିତ 135 ରନ କରିଥିଲେ। ଅଭିଷେକ 'ୟୁନିଭର୍ସ ବସ୍' ଭାବରେ ଜଣାଶୁଣା ୱେଷ୍ଟଇଣ୍ଡିଜର କ୍ରିସ୍ ଗେଲଙ୍କୁ ଏକ ରେକର୍ଡ ତାଲିକାରେ ପଛରେ ପକାଇ ଦେଇଛନ୍ତି।

ଅଭିଷେକ ଶର୍ମା ତାଙ୍କର 135 ରନର ଦମଦାର ଇନିଂସରେ 10 ଛକା ଏବଂ ୧୦ ଚୌକା ମାରିଥିଲେ। ସେ ଦିଲ୍ଲୀ କ୍ୟାପିଟାଲ୍ସର ପ୍ରତ୍ୟେକ ବୋଲରଙ୍କୁ ଗୋଡ଼େଇ ତୋଡ଼େଇ ମାରିଥିଲେ। ଛଅ ଜଣ ଡିସିର ବୋଲର ବୋଲିଂ କରିଥିଲେ, ଏବଂ ସମସ୍ତେ 10 ରୁ ଅଧିକ ଇକୋନୋମି ହାରରେ ରନ ଦେଇଥିଲେ। କୁଲଦୀପ ଦୁଇ ଓଭରରେ 30 ରନ, ମୁକେଶ କୁମାର ଚାରି ଓଭରରେ 53 ରନ ଏବଂ ନୀତିଶ ରାଣା ଚାରି ଓଭରରେ 55 ରନ ଦେଇଥିଲେ।

ଏହାସହ ପଢ଼ନ୍ତୁ : ବିରାଟ କୋହଲି ଲିଜଲାଜଙ୍କ ଫଟୋକୁ ଲାଇକ କରିବା ପ୍ରସଙ୍ଗ…ନୀରବତା ଭାଙ୍ଗିଲେ ଜର୍ମାନ ମଡେଲ...

ଅଭିଷେକ ଗେଲଙ୍କୁ ପଛରେ ପକାଇଲେ
ଅଭିଷେକ ଶର୍ମା ଟି-୨୦ରେ ସର୍ବାଧିକ ୧୩୦ ରନ୍ କରିଥିବା ବ୍ୟାଟସମ୍ୟାନ୍ ହୋଇଛନ୍ତି। ଏହା ଚତୁର୍ଥ ଥର ପାଇଁ ଏପରି କରିଛନ୍ତି। ପୂର୍ବରୁ, ସେ ୨୦୨୫ରେ ପଞ୍ଜାବ କିଙ୍ଗ୍ସ ବିପକ୍ଷରେ ୧୪୧ ରନ୍ କରିଥିଲେ, ଯାହା ତାଙ୍କର ସର୍ବାଧିକ ଆଇପିଏଲ୍ ସ୍କୋର। ସେ କ୍ରିସ୍ ଗେଲ୍ ଏବଂ ଆରୋନ୍ ଫିଞ୍ଚଙ୍କୁ ପଛରେ ପକାଇ ଦେଇଛନ୍ତି, ଯେଉଁମାନେ ତିନି ତିନି ଥର ଏପରି କରିଛନ୍ତି।

୧୩୦ ରନ୍ ଉପରେ ୪ ଥର
୧. ଅଭିଷେକ ଶର୍ମା ୨ ଫେବୃଆରୀ, ୨୦୨୫ ରେ ଇଂଲଣ୍ଡ ବିପକ୍ଷରେ ୧୩୫ ରନ୍ ର ଏକ ଚମତ୍କାର ଇନିଂସ ଖେଳିଥିଲେ, ଯେଉଁଥିରେ ସେ ୧୩ ଛକା ଏବଂ ୭ ଚୌକା ମାରିଥିଲେ। ଏହା ଟି-୨୦ ଆନ୍ତର୍ଜାତୀୟ ସ୍ତରରେ ଜଣେ ଭାରତୀୟଙ୍କ ଦ୍ୱାରା ସର୍ବାଧିକ ଇନିଂସ।

୨. ତା’ପରେ ସେ ୨୦୨୬ ଆଇପିଏଲ୍ ରେ ପଞ୍ଜାବ କିଙ୍ଗ୍ସ ବିପକ୍ଷରେ ୧୪୧ ରନ୍ କରିଥିଲେ, ଯାହା ଆଇପିଏଲ୍ ଇତିହାସରେ ତାଙ୍କର ସର୍ବାଧିକ ଇନିଂସ ଥିଲା। ୫୫ ବଲ୍ ରେ ଆସିଥିବା ଏହି ଇନିଂସରେ ସେ ୧୪ ଚୌକା ଏବଂ ୧୦ ଛକା ମାରିଥିଲେ।

୩. ପଞ୍ଜାବ ପାଇଁ ଖେଳି ଅଭିଷେକ ଶର୍ମା ସୟଦ ମୁସ୍ତାକ ଅଲି ଟ୍ରଫିରେ ବେଙ୍ଗଲ ବିପକ୍ଷରେ ୧୪୮ ରନ୍ ର ଏକ ବିସ୍ଫୋରକ ଇନିଂସ ଖେଳିଥିଲେ। ସେ ୫୨ ବଲ୍ ରେ ଆସିଥିବା ଏହି ଇନିଂସରେ ୧୬ ଛକା ମାରିଥିଲେ।

୪. ଗତ ମଙ୍ଗଳବାର ଦିନ, ଅଭିଷେକ ଶର୍ମା IPL 2026 ରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ 135 ରନ କରିଥିଲେ। ଏହା ଚତୁର୍ଥ ଥର ପାଇଁ ସେ T20I ରେ 130 ରୁ ଅଧିକ ରନ କରିଛନ୍ତି। ସେ ଏପରି କରିବାରେ ପ୍ରଥମ ବ୍ୟାଟସମ୍ୟାନ ହୋଇଥିଲେ।