Argus News - 'KKR ସହିତ ୨୫ କୋଟିର ଠକେଇ'….କ୍ୟାମେରନ ଗ୍ରୀନଙ୍କୁ ଟ୍ରୋଲ କରୁଛନ୍ତି ଫ୍ୟାନ୍ସ

କୋଲକାତା ନାଇଟ୍ ରାଇଡର୍ସ ୨୫ କୋଟି ଟଙ୍କାର ଠକେଇର ଶିକାର ହୋଇଥିବା ଜଣାପଡ଼ିଛି। ଫ୍ୟାନ୍ସମାନେ ଏଭଳି କହିଛନ୍ତି। ଅଷ୍ଟ୍ରେଲିୟ ଅଲରାଉଣ୍ଡର କ୍ୟାମେରନ ଗ୍ରୀନଙ୍କୁ ଭାରି ମାତ୍ରାରେ ଏବେ ଟ୍ରୋଲ କରାଯାଉଛି। ଆନ୍ଦ୍ରେ ରସେଲ ଅବସର ନେବା ପରେ ଏବଂ ଜଣେ ଦ୍ରୁତ ବୋଲିଂ ଅଲରାଉଣ୍ଡର ଖୋଜୁଥିବା ବେଳେ, କେକେଆର କ୍ୟାମେରନ ଗ୍ରୀନଙ୍କ ଉପରେ ୨୫.୨ କୋଟି ଟଙ୍କାର ଆଶ୍ଚର୍ଯ୍ୟଜନକ ମୂଲ୍ୟ ଖର୍ଚ୍ଚ କରିଥିଲା ଏବଂ ତାଙ୍କ ଉପରେ ଭରସା ମଧ୍ୟ କରିଥିଲା । କିନ୍ତୁ ଏହାର ଫଳ ବର୍ତ୍ତମାନ ପୁରା ଓଲଟା। କୋଲକାତା ଦଳକୁ ଏହାର ପରିଣାମ ପ୍ରତି ମ୍ୟାଚରେ ଭୋଗିବାକୁ ପଡ଼ୁଛି।

Cameron Green has been horrible... And he doesn't even bowl. How long will the team carry him??

— Snigdha (@LeoSnigdha) April 6, 2026

ସୋମବାର ଇଡେନ ଗାର୍ଡେନରେ କେକେଆର ଏବଂ ପଞ୍ଜାବ କିଙ୍ଗସ ମଧ୍ୟରେ ମ୍ୟାଚ୍ ଖେଳାଯାଇଥିଲା। କୋଲକାତା ନାଇଟ୍ ରାଇଡର୍ସ ଦଳ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଇନିଂସର ଦ୍ୱିତୀୟ ଓଭରରେ, ଜାଭିୟର ବାର୍ଟଲେଟ୍ ପ୍ରଥମେ ପ୍ରଭସିମରନ ସିଂହଙ୍କୁ ଏବଂ ମାତ୍ର ଦୁଇ ବଲ୍ ପରେ, ୨୫ କୋଟି ଟଙ୍କାର ସାଇନ୍ କରିଥିବା କ୍ୟାମେରନ ଗ୍ରୀନଙ୍କୁ ଆଉଟ୍ କରିଥିଲେ। ଗ୍ରୀନ ତାଙ୍କର ପ୍ରଥମ ବଲରେ ଚୌକା ମାରିଥିଲେ କିନ୍ତୁ ପରବର୍ତ୍ତୀ ବଲ୍ ରେ ଆଉଟ୍ ହୋଇଥିଲେ। ସେ ୨ ବଲରେ ମାତ୍ର ୪ ରନ୍ କରିଥିଲେ। ଆଇପିଏଲ ୨୦୨୬ ଟୁର୍ଣ୍ଣାମେଣ୍ଟରେ ଏପର୍ଯ୍ୟନ୍ତ ଗ୍ରୀନ ତିନୋଟି ଇନିଂସରେ କେବଳ ୨୪ ରନ୍ କରିପାରିଛନ୍ତି।

Cameron Green as batsmen biggest fraud in @IPL

— Loki (@Loki_cherukur1) April 6, 2026

KKR ସହିତ ୨୫ କୋଟିର ଫ୍ରଡ ହୋଇଛି
ସୋସିଆଲ ମିଡିଆରେ ଜଣେ ବ୍ୟବହାରକାରୀ ଲେଖିଛନ୍ତି ଯେ କ୍ୟାମେରନ ଗ୍ରୀନଙ୍କୁ ବ୍ୟାଟସମ୍ୟାନ ଭାବରେ ଖେଳିବା ଦେଖିବା IPLର ସବୁଠାରୁ ବଡ଼ ଠକେଇ। ଏହି ସମୟରେ, ଅନ୍ୟ ଜଣେ ବ୍ୟକ୍ତି ମନ୍ତବ୍ୟ ଦେଇଛନ୍ତି ଯେ ଗ୍ରୀନ ଭୟଙ୍କର ଭାବରେ ଖେଳୁଛନ୍ତି ଏବଂ ବୋଲିଂ ମଧ୍ୟ କରନ୍ତି ନାହିଁ; ସେମାନେ ପଚାରିଲେ, ଦଳ କେତେ ସମୟ ପର୍ଯ୍ୟନ୍ତ ତାଙ୍କ ବୋଝ ବୋହିବ? ଅନ୍ୟ ଜଣେ ପ୍ରଶଂସକ ଲେଖିଛନ୍ତି, "2 ବଲ୍ ରେ 4 ରନ କରିବା ପାଇଁ 25 କୋଟି - 'ଠକେଇ' କ୍ୟାମେରନ ପୁଣି ଥରେ ଆଉଟ ହୋଇଛନ୍ତି।" ଏହି ପ୍ରକାରର ମନ୍ତବ୍ୟରେ ସୋସିଆଲ ମିଡିଆ ଭରି ରହିଛି।

Most Expensive Player Saar
😂😂😂

Fraud Cameron Green strikes again
4(2) ke liya itna paisa?

KKR ne sabse mehnga overseas benchwarmer khareed liya bhai 🔥😭

Na Batting karta hai, or bowling tw bhai sb jan ke karvatay he nahi 😭#IPL2026

— Azam-K (@MusafirNagri) April 6, 2026

ଅନ୍ୟ ଜଣେ ୟୁଜର୍ସ ଲେଖିଛନ୍ତି ବିଦେଶୀ ଖେଳାଳିଙ୍କୁ ଭରସା କରି ଆଇପିଏଲରେ କୋଟି କୋଟି ଟଙ୍କାରେ କିଣାଯାଉଛି କିନ୍ତୁ ସେମାନେ ପ୍ରଦର୍ଶନ କରିପାରୁ ନାହାନ୍ତି ଅନ୍ୟପଟେ ଯେତେବେଳେ ଭାରତ ବିପକ୍ଷରେ ଏହି ବିଦେଶୀ ଟିମର ଖେଳାଳିମାନେ ଯେତେବେଳେ ଦିନିକିଆ, ଟେଷ୍ଟ କିମ୍ବା ଟି-୨୦ ଖେଳନ୍ତି ସେତେବେଳେ ସେମାନେ ପୁରା ଆକ୍ରମଣାତ୍ମକ ଭାବେ ଖେଳିଥାନ୍ତି। ତେବେ ବିଦେଶୀ ମାନଙ୍କୁ ସୁଯୋଗ ଦେବାରେ ଲାଭ କଣ ହେଉଛି। ଭାରତୀୟ ଖେଳାଳିଙ୍କୁ ଆହୁରି ସୁଯୋଗ ମିଳିବା ଦରକାର।

ଏଥିସହ ପଢ଼ନ୍ତୁ: MIକୁ ଲାଗିଲା ବଡ଼ ଝଟକା...ପରବର୍ତ୍ତୀ ମ୍ୟାଚରୁ ବାଦ ପଡ଼ିବେ ରୋହିତ ଶର୍ମା…କାହାକୁ ମିଳିବ ସୁଯୋଗ?