ଇଣ୍ଡିଆନ୍ ପ୍ରିମିୟର ଲିଗ୍ (IPL 2026) ର 19ତମ ସଂସ୍କରଣରେ 66ଟି ମ୍ୟାଚ୍ ଖେଳାଯାଇଛି। ଲିଗ୍ ପର୍ଯ୍ୟାୟରେ ଆଉ ଚାରିଟି ମ୍ୟାଚ୍ ବାକି ଅଛି। ତିନୋଟି ଦଳ, ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁ, ଗୁଜରାଟ ଟାଇଟାନ୍ସ ଏବଂ ସନରାଇଜର୍ସ ହାଇଦ୍ରାବାଦ ଟିମ ପ୍ଲେଅଫ୍ ପାଇଁ ଯୋଗ୍ୟତା ଅର୍ଜନ କରିଛନ୍ତି। ରାଜସ୍ଥାନ ରୟାଲ୍ସ, ପଞ୍ଜାବ କିଙ୍ଗସ୍, କୋଲକାତା ନାଇଟ୍ ରାଇଡର୍ସ ଏବଂ ଦିଲ୍ଲୀ କ୍ୟାପିଟାଲ୍ସ ଚତୁର୍ଥ ସ୍ଥାନ ପାଇଁ ଏପର୍ଯ୍ୟନ୍ତ ଦାବିଦାର ରହିଛନ୍ତି। ଏଠାରେ, ଆମେ ଅରେଞ୍ଜ କ୍ୟାପ୍ ଏବଂ ପର୍ପଲ୍ କ୍ୟାପଧାରୀଙ୍କୁ ହାଇଲାଇଟ୍ କରୁଛୁ। ତେବେ ବିରାଟ କୋହଲି ଶ୍ରେଷ୍ଠ-5 ବ୍ୟାଟସମ୍ୟାନ୍ ତାଲିକାରୁ ବାଦ ପଡ଼ିଛନ୍ତି।

ଏହାସହ ପଢ଼ନ୍ତୁ: ଗୁଜରାଟଠାରୁ ହାରିବା ପରେ ଚେନ୍ନାଇ ଟୁର୍ଣ୍ଣାମେଣ୍ଟରୁ ବିଦା… ଯାହା ଫ୍ୟାନ୍ସଙ୍କୁ ଇମୋସନାଲ କରିଦେଲା

IPLରେ, ସର୍ବାଧିକ ରନ କରିଥିବା ଖେଳାଳିଙ୍କୁ ଅରେଞ୍ଜ କ୍ୟାପ୍ ଦିଆଯାଏ। ଲିଗ୍ ଶେଷ ହେବା ପରେ, ଅରେଞ୍ଜ କ୍ୟାପଧାରୀ ଟ୍ରଫି ଏବଂ ପୁରସ୍କାର ରାଶି ପାଆନ୍ତି। ସେହିପରି, ସର୍ବାଧିକ ୱିକେଟ୍ ପାଇଁ ପର୍ପଲ୍ କ୍ୟାପ୍ ଦିଆଯାଏ। ବିରାଟ କୋହଲି ବର୍ତ୍ତମାନ ସର୍ବାଧିକ ରନ କରିଥିବା ବ୍ୟାଟସମ୍ୟାନଙ୍କ ତାଲିକାରୁ ବାଦ ପଡ଼ିଛନ୍ତି।

ବିରାଟ କୋହଲି ୧୩ ଇନିଂସରେ ୫୪୨ ରନ୍ କରି ତାଲିକାରେ ଷଷ୍ଠ ସ୍ଥାନରେ ଅଛନ୍ତି। ସେ ଅରେଞ୍ଜ କ୍ୟାପ୍ ଧାରୀଙ୍କ ଠାରୁ ୯୬ ରନ୍ ପଛରେ ଅଛନ୍ତି। କୋହଲି ଏହି ସିଜିନରେ ଏପର୍ଯ୍ୟନ୍ତ ଗୋଟିଏ ଶତକ ଏବଂ ଚାରୋଟି ଅର୍ଦ୍ଧଶତକ ହାସଲ କରିଛନ୍ତି। ଆଜି ସନ୍ଧ୍ୟାରେ ଆରସିବି ସନରାଇଜର୍ସ ହାଇଦ୍ରାବାଦକୁ ଭେଟିବ।

ବର୍ତ୍ତମାନ ଅରେଞ୍ଜ କ୍ୟାପ୍ କାହା ପାଖରେ ଅଛି?
ଗୁଜରାଟ ଟାଇଟାନ୍ସର ଓପନର ସାଇ ସୁଦର୍ଶନଙ୍କ ପାଖରେ ଅରେଞ୍ଜ କ୍ୟାପ୍ ଅଛି, ଯିଏ ୧୪ ଇନିଂସରେ ୬୩୮ ରନ କରିଛନ୍ତି। ସେ ଏହି ସିଜନରେ ଗୋଟିଏ ଶତକ ଏବଂ ସାତଟି ଅର୍ଦ୍ଧଶତକ ହାସଲ କରିଛନ୍ତି। ଗୁରୁବାର ସେ ଚେନ୍ନାଇ ବିପକ୍ଷରେ ୫୩ ବଲ୍ ରୁ ୮୪ ରନର ଏକ ଚମତ୍କାର ଇନିଂସ ଖେଳିଥିଲେ।

ଏହାସହ ପଢ଼ନ୍ତୁ: BCCIର ବଡ଼ ଅନ୍ୟାୟ…ଦମଦାର ପ୍ରଦର୍ଶନ ସତ୍ତ୍ୱେ ଏହି ୫ ଖେଳାଳିଙ୍କୁ ମିଳିଲାନି ସୁଯୋଗ


ଟପ୍ ରନ୍ ସ୍କୋରର୍ସ 
୬୩୮ - ସାଇ ସୁଦର୍ଶନ (GT)
୬୧୬ - ଶୁବମାନ ଗିଲ (ଜିଟି)
୫୭୯ - ବୈଭବ ସୂର୍ଯ୍ୟବଂଶୀ (RR)
୫୬୩ - ମିଚେଲ ମାର୍ଶ (LSG)
୫୫୫ - ହେନରିଚ୍ କ୍ଲାସେନ୍ (SRH)

ପର୍ପଲ କ୍ୟାପ୍ ଧାରୀ କିଏ?
କାଗିସୋ ରାବାଡା CSK ବିପକ୍ଷରେ 3ଟି ୱିକେଟ୍ ନେଇ ଏହି ସିଜନରେ ମିଳିତ ଭାବରେ ସର୍ବାଧିକ ୱିକେଟ୍ ନେବାରେ ସଫଳ ହୋଇଛନ୍ତି। ଭୁବନେଶ୍ୱର କୁମାର ଏବଂ ରାବାଡା ପ୍ରତ୍ୟେକେ 24ଟି ୱିକେଟ୍ ନେଇଛନ୍ତି, କିନ୍ତୁ ଭୁବନେଶ୍ୱରଙ୍କ ଇକୋନମି ଭଲ, ତେଣୁ ସେ ପର୍ପଲ କ୍ୟାପ ହାସଲ କରିଛନ୍ତି। ପର୍ପଲ କ୍ୟାପ୍ ଦୌଡ଼ରେ ଥିବା ଶ୍ରେଷ୍ଠ 5 ଖେଳାଳିଙ୍କ ନାଁ ଜାଣନ୍ତୁ…

୨୪ - ଭୁବନେଶ୍ୱର କୁମାର (RCB)
୨୪ - କାଗିସୋ ରାବାଡା (GT)
୨୧ - ଅଂଶୁଲ କାମ୍ବୋଜ (CSK)
୧୯ - ରସିଦ ଖାନ (GT)
୧୮ - ଜୋଫ୍ରା ଆର୍ଚର (RR)