Argus News - ଟିମ୍ ଇଣ୍ଡିଆରେ ହେବ ବୈଭବଙ୍କ ଏଣ୍ଟ୍ରି…ବିପଦରେ ସଚିନ୍‌ଙ୍କ ରେକର୍ଡ

ବୈଭବ ସୂର୍ଯ୍ୟବଂଶୀଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି । ସେ ଖୁବଶୀଘ୍ର ଭାରତୀୟ ଦଳ ପାଇଁ ଖେଳିବାର ସମ୍ଭାବନା ରହିଛି । ବର୍ତ୍ତମାନ ଆଇପିଏଲରେ ବୈଭବଙ୍କ ହାଇଭୋଲଟେଜ ମ୍ୟାଚ ଦେଖି ସ ତାଙ୍କୁ ଭାରତର ସିନିୟର ଦଳ ପାଇଁ ଖେଳିବାର ସୁଯୋଗ ମିଳିପାରେ । ଯଦିଓ କିଛି ସମୟ ବାକି ଅଛି, ଯଦି ଏପରି ହୁଏ, ତେବେ ସେ ତାଙ୍କର ଡେବ୍ୟୁ ସହିତ ନୂତନ ରେକର୍ଡ ସ୍ଥାପନ କରିବେ । ଟିମ୍ ଇଣ୍ଡିଆରେ ବୈଭବଙ୍କ ଏଣ୍ଟ୍ରୀ ବେଶୀ ଦୂର ନୁହେଁ । ଜୁନ୍ ମାସରେ ଆୟର୍ଲାଣ୍ଡ ଗସ୍ତ ଟି-ଟ୍ୱେଣ୍ଟି ସିରିଜରେ ବୈଭବଙ୍କୁ ସାମିଲ କରାଯାଇପାରେ । ଯଦି ବୈଭବ ଟିମ୍ ଇଣ୍ଡିଆ ପାଇଁ ଡେବ୍ୟୁ କରନ୍ତି ତେବେ ସେ ଭାରତୀୟ କ୍ରିକେଟ ଇତିହାସରେ ସବୁଠାରୁ ଯୁବ ଖେଳାଳି ହେବେ। 

ଏକ ରିପୋର୍ଟ ଅନୁଯାୟୀ, ସୂର୍ଯ୍ୟବଂଶୀଙ୍କୁ ଚୟନକର୍ତ୍ତାମାନେ ସଂକ୍ଷିପ୍ତ ତାଲିକାରେ ରଖିଛନ୍ତି । ସେ ଦଳରେ ସାମିଲ ହେବା ପାଇଁ ଦୌଡରେ ଅଛନ୍ତି । ଏହା ଆଇପିଏଲ ୨୦୨୬ ପରେ ତୁରନ୍ତ ହେବାର ସମ୍ଭାବନା ରହିଛି । ଭାରତର ସମ୍ଭାବ୍ୟ ଦ୍ୱିତୀୟ ସ୍ତରରେ ଦଳକୁ ସୁଯୋଗ ଦିଆଯିବ । ଚୟନ କମିଟି ଯୁବ ଖେଳାଳିଙ୍କୁ ଅନ୍ତର୍ଜାତୀୟ ସ୍ତରରେ ସୁଯୋଗ ଦେବାକୁ ଆଗ୍ରହୀ । ଯଦି ସୂର୍ଯ୍ୟବଂଶୀଙ୍କୁ ସିନିୟର ଟିମ୍ ଇଣ୍ଡିଆରେ ସୁଯୋଗ ମିଳେ ତେବେ ସେ ସବୁଠାରୁ ଯୁବ ଖେଳାଳି ହେବେ । ବର୍ତ୍ତମାନ ଏହି ରେକର୍ଡ ସଚିନ ତେନ୍ଦୁଲକରଙ୍କ ନାମରେ ରହିଛି । ଯିଏ କି ୧୬ ବର୍ଷ ୨୦୫ ଦିନ ବୟସରେ ଡେବ୍ୟୁ କରିଥିଲେ । ସମାନ ରେକର୍ଡ ଶେଫାଲି ବର୍ମାଙ୍କ ନାମରେ ବି ଅଛି । ଯିଏକି ୧୫ ବର୍ଷ ୭ ମାସ ବୟସରେ ଭାରତ ପାଇଁ ଖେଳିଥିଲେ । ଯଦି ବୈଭଙ୍କୁ ସୁଯୋଗ ମିଳେ ତେବେ ସେ ସଚିନ୍- ଶେଫାଳିଙ୍କୁ ପଛରେ ପକାଇବେ । ଚଳିତ ଆଇପିଏଲରେ ୫ଟି ମ୍ୟାଚ ଖେଳି ୪୦ ହାରାହାରି ଏବଂ ୨୬୩.୧୫ ଷ୍ଟ୍ରାଇକ୍ ରେଟରେ ୨୦୦ ରନ୍ କରିଛନ୍ତି । ହେଲେ ଗତକାଲି ହାଇଦ୍ରାବାଦ ବିପକ୍ଷ ମ୍ୟାଚରେ ଗୋଲଡେନ୍ ଡକରେ ଆଉଟ୍ ହୋଇଥିଲେ ।

ଯଦିଓ ସୂର୍ଯ୍ୟକୁମାର ଯାଦବ ବର୍ତ୍ତମାନ ଭାରତର ଟି-୨୦ ଦଳର ଅଧିନାୟକ, ଆଶା କରାଯାଉଛି ଯେ ତାଙ୍କୁ ଆୟରର୍ଲାଣ୍ଡ ବିପକ୍ଷ ସିରିଜ ପାଇଁ ବିଶ୍ରାମ ଦିଆଯାଇପାରେ ଏବଂ ଜଣେ ଯୁବ ଖେଳାଳିଙ୍କୁ ଅଧିନାୟକ ଦାୟିତ୍ୱ ଦିଆଯାଇପାରେ। ବୈଭବ ସୂର୍ଯ୍ୟବଂଶୀଙ୍କ ନାମ ମଧ୍ୟ ବିଚାର କରାଯିବାର ସମ୍ଭାବନା ଅଛି । ବୈଭବ ସୂର୍ଯ୍ୟବଂଶୀ ମାର୍ଚ୍ଚ ଶେଷରେ ୧୫ ବର୍ଷ ବୟସରେ ପଦାର୍ପଣ କରିଛନ୍ତି । ଯଦି ତାଙ୍କୁ ତାଙ୍କର ଅନ୍ତର୍ଜାତୀୟ ଡେବ୍ୟୁ କରିବାର ସୁଯୋଗ ମିଳେ, ତେବେ ସେ ଭାରତ ପାଇଁ ଖେଳିଥିବା ସବୁଠାରୁ ଯୁବ ଖେଳାଳି ହେବେ।

ପରବର୍ତ୍ତୀ ଟି-ଟ୍ୱେଣ୍ଟି ବିଶ୍ୱକପ୍ ପାଇଁ ଏବେଠୁ ପ୍ରସ୍ତୁତି- ବୈଭବ ସୂର୍ଯ୍ୟବଂଶୀ ବର୍ତ୍ତମାନ ଜବରଦସ୍ତ ଫର୍ମରେ ଅଛନ୍ତି। ଯଦି ଏହି ଫର୍ମ ଜାରି ରହେ, ତେବେ ଚୟନକର୍ତ୍ତାମାନେ ତାଙ୍କୁ ଶୀଘ୍ର ସୁଯୋଗ ଦେବା ବିଷୟରେ ବିଚାର କରୁଛନ୍ତି । ଯେହେତୁ ପରବର୍ତ୍ତୀ ଟି-ଟ୍ୱେଣ୍ଟି ବିଶ୍ୱକପ୍ ୨୦୨୮ରେ ଅନୁଷ୍ଠିତ ହେବ । ତେଣୁ ଏହା ପୂର୍ବରୁ ଏକ ନୂଆ ଯୁବ ଦଳ ଗଠନ କରିବାର ଯୋଜନା ଅଛି । ସେମାନେ ପ୍ରାରମ୍ଭରେ କିଛି ଛୋଟ ଦଳ ବିପକ୍ଷରେ ଖେଳିବେ । ଯଦି ସେମାନଙ୍କର ପ୍ରଦର୍ଶନ ଜାରି ରହେ, ତେବେ ସେମାନେ ବଡ଼ ଦଳ ବିପକ୍ଷରେ ମଧ୍ୟ ଖେଳିପାରିବେ ।

ଏଥିସହ ପଢ଼ନ୍ତୁ: IPL 2026 ରେ ହାର୍ଦ୍ଦିକ-କୃଣାଲଙ୍କ ମଧ୍ୟରେ କୋଲ୍ଡ ଓ୍ବାର…ମ୍ୟାଚ୍ ପରେ ହାତ ମିଳାଇଲେନି ପାଣ୍ଡ୍ୟା ବ୍ରଦର୍ସ