IPL Controversy / ହାତ ନ ମିଳାଇ ବିବାଦରେ ବିରାଟ…ଟ୍ରାଭିସ ହେଡଙ୍କ ପୋଷ୍ଟ ପରେ ସୋସିଆଲ ମିଡିଆରେ ଝଡ଼

ବିରାଟ କୋହଲି ଏବଂ ହେଡଙ୍କ ବିବାଦ ଏବେ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି । ଶୁକ୍ରବାର ଖେଳାଯାଇଥିବା ମୁକାବିଲା ସମୟରେ ମ୍ୟାଚ ହାରିବା ପରେ ବିରାଟ ହେଡଙ୍କ ସହ ହାତ ମିଶାଇ ନଥିଲେ । ଆରସିବି ଫ୍ୟାନ୍ସ ଏହାକୁ ଦେଖି ଖୁସି ହୋଇଯାଇଥିଲେ। ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାପରେ କୋହଲିଙ୍କୁ ଅନେକ ୟୁଜର୍ସ ସମାଲୋଚନା କରିଛନ୍ତି । ତେବେ ଏହି ବିବାଦ ଟିକେ ଥମିଥିବାବେଳେ ଏବେ ପୁଣି ଚର୍ଚ୍ଚାକୁ ଆସିଛି ହେଡଙ୍କ ସୋସିଆଲ ମିଡିଆ ପୋଷ୍ଟ । ଯାହାକି ଏବେ ବେଶ ଭାଇରାଲ ହେବାରେ ଲାଗିଛି ।

ହେଡ ନିଜର ଇନଷ୍ଟାଗ୍ରାମ ପେଜରେ ସେ ବୋଲିଂ କରୁଥିବା ସମୟର ଫଟୋକୁ ପୋଷ୍ଟ କରିଛନ୍ତି । ଏଥିରେ ସେ ଲେଖିଛନ୍ତି କି, କିପ୍ ଦ ବଡି ଗେସିଙ୍ଗ୍ । ସେ ଏଭଳି ଲେଖି ପୋଷ୍ଟ କରିଥିବାବେଳେ ଏହା ବିରାଟଙ୍କ ଉଦ୍ଦେଶ୍ୟରେ ଲେଖିଥିବା ଫ୍ୟାନ୍ସମାନେ କହିଛନ୍ତି । ସେ ବିରାଟଙ୍କୁ ସମାଲୋଚନା କରି ଏଭଳି ପୋଷ୍ଟ କରିଥିବା କୁହାଯାଉଛି । ଯାହାକୁ ନେଇ ଅନେକ ହେଡଙ୍କ ସପୋର୍ଟ କରିଥିବାବେଳେ ଅନ୍ୟମାନେ ବିରାଟଙ୍କ ସପୋର୍ଟରେ ବାହାରିଛନ୍ତି। ତେବେ କ୍ରିକେଟ ଏକ ଭଦ୍ର ଲୋକଙ୍କ ଖେଳ ବୋଲି କୁହାଯାଏ । ମାତ୍ର ଏଭଳି ହାତ ନମିଳାଇବା ଖରାପ ବୋଲି କହି ଅନେକ ବିରାଟଙ୍କୁ ଟ୍ରୋଲ ଆରମ୍ଭ କରି ଦେଇଛନ୍ତି ।

ଏହାସହ ପଢ଼ନ୍ତୁ: ବିରାଟ କୋହଲିଙ୍କ ୱିକେଟ୍ ନେବା ବିଷୟରେ କ'ଣ କହିଲେ ସାକିବ ହୁସେନ?

ତେବେ ହେଡ ପୋଷ୍ଟ କରିଥିବା ଶବ୍ଦର ଅର୍ଥ ଜିମ୍ ଏବଂ ଫିଟନେସ ସହ ଜଡ଼ିତ । ଯାହାର ଅର୍ଥ ହେଉଛି ସମାନ ରୁଟିନ୍ ସହ ଅଭ୍ୟସ୍ତ ନ ହେବା ପାଇଁ ଶରୀରକୁ ନିରନ୍ତର ଚ୍ୟାଲେଞ୍ଜ କରିବା । ତେବେ ମ୍ୟାଚରେ ହେଡଙ୍କ ବୋଲିଂ ଏବଂ ପଟିଦାରଙ୍କ ଓ୍ବିକେଟ ନେବା ଚର୍ଚ୍ଚାର ବିଷୟ ପାଲଟିଥିଲା । ହେଡ ଚଳିତ ସିଜିନରେ ପ୍ରଥମ ଓଭର ପକାଇଥିଲେ ଏବଂ ଓ୍ବିକେଟ ନେଇଥିଲେ । ତାହା ପୁଣି ଆରସିବି ଅଧିନାୟକଙ୍କର ।

ମ୍ୟାଚ ସମୟରେ ବିରାଟ ହେଡଙ୍କୁ କହିଥିଲେ କି, ତୁମେ ବୋଲିଂ କର । ଯଦିଓ ଏହାକୁ ମଜାରେ ବୋଲି କୁହାଯାଉଥିଲା ମାତ୍ର ଏହା ଆକ୍ରମଣାତ୍ମକ ଥିଲା । ତେବେ ହେଡ ବୋଲିଂ କରିବା ପରେ କୋହଲିଙ୍କୁ ଜବାବ ଦେଇଥିଲେ । କହିଥିଲେ ମୁଁ ବୋଲିଂ କରିବା ବେଳକୁ ତୁମେ ଆଉଟ୍ ହୋଇଯାଇଥିଲ । ତେବେ ପ୍ରକୃତ ଲଢ଼େଇ ମ୍ୟାଚ ସରିବା ପରେ ହୋଇଥିଲା । ଯେତେବେଳେ ହେଡ ହ୍ୟାଣ୍ଡସେକ ପାଇଁ ହାତ ବଢ଼ାଇଥିଲେ ସେତେବେଳେ ବିରାଟ ଅଣଦେଖା କରିଥିଲେ । ଏହାର ଭିଡିଓ ବେଶ ଭାଇରାଲ ହୋଇଥିଲା ।