ରାଜସ୍ଥାନ ରୟାଲ୍ସକୁ ୪୪ ରନ୍ରେ ହରାଇଲା ସନରାଇଜର୍ସ ହାଇଦ୍ରାବାଦ
ଆଇପିଏଲ୍ର ୧୮ ତମ ସଂସ୍କରଣରେ ବିଜୟରୁ ଅଭିଯାନ ଆରମ୍ଭ କରିଛି ସନରାଇଜର୍ସ ହାଇଦ୍ରାବାଦ । ରବିବାର ପ୍ରଥମ ମୁକାବିଲାରେ ରାଜସ୍ଥାନ ରୟାଲ୍ସ ୪୪ ରନ୍ରେ ପରାଜିତ ହୋଇଛି । ହୋମ୍ ଗ୍ରାଉଣ୍ଡ ରାଜୀବ ଗନ୍ଧୀ ଷ୍ଟାଡିୟମ୍ରେ ପ୍ରଥମେ ବ୍ୟାଟିଂ ହାଇଦ୍ରାବାଦ ୨୦ ଓଭରରେ ୬ ୱିକେଟ୍ ହରାଇ ୨୮୬ ରନ୍ ସ୍କୋର କରିଥିଲା । ଆଉ ୨୮୭ ରନ୍ର ପିଛା କରୁଥିବା ରାଜସ୍ଥାନ ରୟାଲ୍ସ ୨୪୨ ରନ୍ରେ ସୀମିତ ରହିଥିଲା ।
ସିମରଜିତ ସିଂହ ଓ ହର୍ଷଲ ପଟେଲ ୨ଟି ଲେଖାଏଁ ୱିକେଟ୍ ନେଇଥିଲେ । ଆଇପିଏଲ୍ ଇତିହାସରେ ହାଇଦ୍ରାବାଦ ଦ୍ଵିତୀୟ ବଡ଼ ସ୍କୋର୍ କରିବାରେ ସକ୍ଷମ ହୋଇଛି । ପଦାର୍ପଣ ମ୍ୟାଚ୍ରେ ଈଶାନ କିଶନ ଶତକ କରିଛନ୍ତି । ୪୫ ବଲ୍ରେ ୬ ଛକ୍କା ଓ ୧୦ ଚଉକା ସହାୟତାରେ ଶତକ ମାରିଛନ୍ତି ଈଶାନ କିଶନ । ଏଥିସହ ହାଇଦ୍ରାବାଦ ପାଇଁ ଆଇପିଏଲ୍ରେ ପ୍ରଥମ ଶତକ ମାରିଥିବା ଭାରତୀୟ ହେଉଛନ୍ତି ଈଶାନ ।
୨୮୭ ରନ୍ର ପିଛା କରୁଥିବା ରାଜସ୍ଥାନ ରୟାଲ୍ସ ପକ୍ଷରୁ ଧ୍ରୁବ ଜୁରେଲ ୭୦ ଓ ସଞ୍ଜୁ ସ୍ୟାମସନ ୬୭ ରନ୍ର ପାଳି ଖେଳିଥିଲେ । ଶିମରୋନ୍ ହେଟମାୟର ୪୨ ରନ୍ ଓ ଶୁବମ ଦୁବେ ୩୪ ରନ୍ କରିଥିଲେ । ତଥାପି ରାଜସ୍ଥାନକୁ ସପଳତା ମିଳି ନଥିଲା । ହାଇଦ୍ରାବାଦ ପକ୍ଷରୁ ଟ୍ରେବିସ୍ ହେଡ୍ ୬୭, ହେନରିକ କ୍ଲାସନ ୩୪, ନୀତିଶ ରେଡ୍ଡୀ ୩୯ ଓ ଅଭିଷେକ ଶର୍ମା ୨୪ ରନ୍ କରିଥିଲେ । ରାଜସ୍ଥାନ ପକ୍ଷରୁ ତୁଷାର ଦେଶପାଣ୍ଡ ୩ ଓ ମହୀଶ ତିକ୍ଷଣା ୨ଟି ୱିକେଟ୍ ନେଇଥିବା ବେଳେ ଈଶାନ କିଶନ ପ୍ଲେୟର ଅଫ୍ ଦି ମ୍ୟାଚ୍ ବିବେଚିତ ହୋଇଛନ୍ତି ।
