ଅର୍ଗସ ବ୍ୟୁରୋ : ରୂପି ସମସ୍ୟା ବର୍ତ୍ତମାନ ଘରେଘରେ ଚିନ୍ତା ବଢାଇ ଦେଇଛି । ବିଶେଷ କରି ଶୀତଦିନେ କେଶରେ ଅତ୍ୟନ୍ତ ରୂପି ଯୋଗୁଁ କେଶ ମୂଳ ଦୁର୍ବଳ ହେବା ସହ କେଶ ଝଡିବାରେ ଲାଗିଛି। ଯାହାକୁ ନେଇ ବିଶେଷ ଭାବେ ଯୁବପିଢୀମାନେ ଅଧିକ ଚିନ୍ତାରେ ରହୁଛନ୍ତି । ଅତ୍ୟଧିକ କେଶ ଝଡିବାକୁ ନେଇ ଚିନ୍ତାରେ ରହିବା ଯୋଗୁଁ ଏହା ମସ୍ତିଷ୍କ ଉପରେ ଅଧିକ ଚାପ ପକାଇଥାଏ, ଯାହା ଫଳରେ କେଶ ଆହୁରି ଅଧିକରୁ ଅଧିକ ଝଡିବାରେ ଲାଗିଥାଏ । ଏହାକୁ ରୋକିବା ପାଇଁ ଆମେମାନେ ଅନେକ ପ୍ରକାରର କେମିକାଲ ସାମ୍ପୁ, ଟ୍ରିଟମେଣ୍ଟ କରିବାରେ ଲାଗି ପଡନ୍ତି । ସୋସିଆଲ ମିଡିଆରେ ଭାଇରାଲ ହେଉଥିବା ଅନେକ ପ୍ରକାରର ଟ୍ରିଟମେଣ୍ଟକୁ ଆପଣାଇ ଥାଆନ୍ତି, କିନ୍ତୁ ସେଥିରେ କିଛିଜଣଙ୍କର ଫଳପ୍ରଦ ହେଉଥିବା ବେଳେ କିଛିଜଣଙ୍କର କେଶ ଅଧିକରୁ ଅଧିକ ଝଡିବାରେ ଲାଗିଥାଏ । କିନ୍ତୁ ପ୍ରକୃତରେ ଶୀତଦିନ ପାଇଁ କେଉଁ ଉପାୟ ଆପଣାଇବା ଦ୍ବାରା କେଶରୁ ରୂପି ସମସ୍ୟା ସମ୍ପୁର୍ଣ୍ଣ ରୂପେ ଗାଏବ୍ ହୋଇଥାଏ , ଆସନ୍ତୁ ଜାଣିବା ।

ଉଷୁମ ତେଲ ମାଲିସ

ଆପଣ ଶେଷ ଥର ପାଇଁ କେବେ ତେଲ ମାଲିସ କରିଥିଲେ ? ମନେ ନାହିଁ ନା? ନିୟମିତ ତେଲ ମାଲିସ ନକରିବା ଅତ୍ୟଧିକ ରୂପି ହେବାର ଏକ ମୁଖ୍ୟ କାରଣ ଅଟେ । ଆମ ଅନେକଙ୍କର ମୂଳ ଧାରଣା ଥାଏ କି ରୂପିରେ ତେଲ ଲଗାଇବା ଉଚିନ ନୁହେଁ, କିନ୍ତୁ ଏହା ଭୂଲ ଧାରଣା । ଆପଣ ନିୟମିତ ନଡିଆ ତେଲ, ଅଲିଭ ଅଏଲ ନଚେତ ବାଦାମ ତେଲକୁ ହାଲକା ଉଷୁମ କରି କେଶମୂଳରେ ପ୍ରତିଦିନ ମାଲିସ କରିବା ଆବଶ୍ୟକ । ଏହାଦ୍ବାରା କେଶର ମୂଳ ମଏଶ୍ଚର ହୋଇଥାଏ, ଏବଂ ରୂପିରେ ଥିବା ଫଙ୍ଗସ୍ କୁ ମାରି କେଶକୁ ସୁସ୍ଥ ରଖିଥାଏ । କେବଳ ସେତିକି ନୁହେଁ, ତେଲ ଲଗାଇବା ଦ୍ବାରା ରକ୍ତ ସଞ୍ଚାଳନ ସଠିକ ଭାବେ ହୋଇଥାଏ ।

ଏଲୋଭେରାର କମାଲ୍

ଏଲୋଭରା ରୂପି ପାଇଁ ଏକ ରାମବାଣ ସଦୃଶ । ରୂପିରେ ଅତ୍ୟଧିକ ଚୁଟି କୁଣ୍ଡାଇହେଲେ ଏହାକୁ ରୋକିବାରେ ସାହାଯ୍ୟ କରେ ଏଲୋଭେରା । ତା ସହ ଅତ୍ୟଧିକ ରୂପିକୁ ମଧ୍ୟ ରୋକିଥାଏ । ଏକ ଫ୍ରେଶ ଏଲୋଭେରାକୁ ଆଣି ଏହାର ଜେଲ୍‌କୁ ସାମ୍ପୁ କରିବାର ଅଧଘଣ୍ଟା ପୂର୍ବରୁ କେଶ ମୂଳରେ ଭଲଭାବେ ମାଲିସ୍ କରିବା । ଯାହାଦ୍ବାରା ଏହା କୁଣ୍ଡାଇ ହେବା କମ କରିବା ସହ ରୂପିକୁ ମଧ୍ୟ ନଷ୍ଟ କରିଥାଏ । ଏହାପରେ ଆଣ୍ଟି ଡ୍ୟାଣ୍ଡରଫ୍ ସାମ୍ପୁରେ ମୁଣ୍ଡ ଧୋଇବା ଦ୍ବାରା ରୂପିର ପରିମାଣ କମିଥାଏ ।

ଲେମ୍ବୁର ଉପଚାର

ଲେମ୍ବୁ କେଶପାଇଁ ଏକ ଔଷଧୀୟ ଉପଚାର । ଏହା କେଶର ରୂପି କମ କରିବାରେ ଏକ ମୁଖ୍ୟ ଭୂମିକା ଗ୍ରହଣ କରେ । ଆପଣ ଯଦି ସପ୍ତାହରେ ଦୁଇଥର କେଶ ସଫା କରୁଛନ୍ତି, ତେବେ ସଫା କରିବା ପୂର୍ବରୁ ସପ୍ତାହକୁ ଥରେ ଲେମ୍ବରସ୍ କେଶରେ ଲଗାନ୍ତୁ । ସଫା କରିବାର ୧୦ ମିନିଟ୍ ପୂର୍ବରୁ କେଶରପେ ଲେମ୍ବୁର ରସ ଲଗାଇ ଦିଅନ୍ତୁ । ଏହାପରେ ଭଲଭାବରେ ସାମ୍ପୁ କରିଦିଅନ୍ତୁ । ଏହା ରୂପିକୁ ନଷ୍ଟ କରିଥାଏ ।

ମେଥି ପେଷ୍ଟ

କେଶ ପାଇଁ ମେଥି ଏକ ବିଶେଷ ଭୂମିକା ଗ୍ରହଣ କରେ । ମେଥିରେ ଆଣ୍ଟି ଫଙ୍ଗାଲ ଗୁଣ ରହିଥାଏ, ଯାହା ଚୁଟିର ସମସ୍ୟାକୁ ଦୂର କରିଥାଏ । ମେଥିରେ ଥିବା ଆଣ୍ଟି ଫଙ୍ଗାଲ ଗୁଣ ରୂପିକୁ ରୋକିବାରେ ସାହାଯ୍ୟ କରିଥାଏ । ଯଦି ଆପଣଙ୍କ କେଶରେ ଅତ୍ୟଧିକ ରୂପି ହୋଇଥାଏ, ତେବେ ପୁରା ରାତି କେଛି ମେଥିକୁ ପାଣରେ ବତୁରାଇ ରଖିଦିଅନ୍ତୁ । ସକାଳେ ଏହାର ଗୋଟେ ପେଷ୍ଟ ବନାଇ ଚୁଟିରେ ଭଲଭାବେ ଲଗାଇ ଏକ ଘଣ୍ଟା ପରେ କେଶ ଧୋଇଦିଅନ୍ତୁ । ଦେଖିବେ କିଛି ସପ୍ତାହ ମଧ୍ୟରେ ରୂପି ସମସ୍ୟା ଗାଏବ୍ ହୋଇଯିବ ।