ଆଜିକାଲି ଦେହ ଖରାପ ହେବା କ୍ଷଣି ସଙ୍ଗେ ସଙ୍ଗେ ମେଡିସିନ ଖାଇବା ସମସ୍ତଙ୍କର ବଡ ଅଭ୍ୟାସ। କେବଳ ସେତିକି ନୁହେଁ ଭାରତରେ ବୟସ୍କ ବ୍ୟକ୍ତି ଅଧିକ ଔଷଧ ସେବନ କରିଥାନ୍ତି । ରିସର୍ଚ୍ଚ ଅନୁଯାୟୀ ଭାରତର ପ୍ରତି ୧୦୦ ବୃଦ୍ଧଙ୍କ ମଧ୍ୟରୁ ୨୮ ଜଣ ଆବଶ୍ୟକତା ଠାରୁ ଅଧିକ ଔଷଧ ସେବନ କରିଥାନ୍ତି । ହେଲେ ଆପଣ ଜାଣନ୍ତି କି ଅଧିକ ମେଡିସିନ ଖାଇଲେ କଣ ହୁଏ ।

ତେବେ ବୟସ୍କମାନେ ସର୍ବାଧିକ ବ୍ୟବହାର କରୁଥିବା ଔଷଧ ମଧ୍ୟରେ ଜ୍ୱର ଏବଂ ଯନ୍ତ୍ରଣା ପାଇଁ ପାରାସିଟାମଲ୍ ଏବଂ ଶ୍ୱାସକ୍ରିୟା ସଂକ୍ରମଣ ପାଇଁ ଆଣ୍ଟିବାୟୋଟିକ୍ । ଅନୁସନ୍ଧାନକାରୀମାନେ ଆହୁରି ମଧ୍ୟ ଜାଣିବାକୁ ପାଇଥିଲେ ନମୁନା ନିଆଯାଇଥିବା ବୟସ୍କଙ୍କ ମଧ୍ୟରୁ ପ୍ରାୟ ୧୨୨(୨୦ ପ୍ରତିଶତ) ପାଖରେ ଗୋଟିଏ potential prescribing omissions(PPO) ରହିଥିବା ଦର୍ଶାଯାଇଛି ।

ପିପିଓ ହେଉଛି ଏକ ଔଷଧ ଯାହା ପ୍ରେସକ୍ରିପସନରେ ଉଲ୍ଲେଖ ନଥିବ । କେତେକ ପିପିଓ ମଧ୍ୟରେ ମଧୁମେହ ରୋଗୀଙ୍କ ପାଇଁ ଆଣ୍ଟି- କ୍ଲଟିଂ ଥେରାପି ଏବଂ ଅନ୍ୟାନ୍ୟ ହୃଦରୋଗ ରିସ୍କ ଫ୍ୟାକ୍ଟର ଇତ୍ୟାଦି ସାମିଲ ରହିଛି । ତେଣୁ ଯେତେ କମ ମେଡିସିନ ଖାିବେ ତାହା ଆପଣଙ୍କ ସ୍ୱାସ୍ଥ୍ୟପକ୍ଷେ ହିତକର। ଅନୁସନ୍ଧାନକାରୀମାନେ ଜାଣିବାକୁ ପାଇଲେ ଯେ ସେମାନଙ୍କ ମଧ୍ୟରୁ ୧୭୩ ଜଣ(୨୮.୮ପ୍ରତିଶତ) ଅତି କମରେ ଗୋଟିଏ ସମ୍ଭାବ୍ୟ ଅନୁପଯୁକ୍ତ ଔଷଧ ସେବନ କରିଥାନ୍ତି ଯେଉଁଥିରେ କୌଣସି କ୍ଲିନିକାଲ୍ ଜଷ୍ଟିଫିକେସନ୍ ନାହିଁ ।