ଅଜବ ପ୍ରକାର ଓରିଓ ଆମଲେଟ ରେସିପି, ସୋସିଆଲ ମିଡିଆରେ ଭାଇରାଲ ହେଲା ଭିଡିଓ
ଓରିଓ ବିସ୍କୁଟ । ଆମ ସମସ୍ତଙ୍କ ପିଲାବେଳର ଅତି ପ୍ରିୟର ବିସ୍କୁଟ । ହେଲେ କେବେ ଏମିତି ଭାବିଛନ୍ତି, ଓରିଓ ବିସ୍କୁଟକୁ ଆମଲେଟ କରାଯାଇ ପାରିବ । ଶୁଣିଲା ପରେ ଟିକେ ଅଜବ ଲାଗୁଥିବ, କିନ୍ତୁ ଏମିତି ଏକ ଭିଡିଓ ସୋସିଆଲ ମିଡିଆରେ ଏବେ ଚର୍ଚ୍ଚାରେ । ସୋସିଆଲ ମିଡିଆରେ ଅନେକ ପ୍ରକାର ଅଜବ ଗଜବ ଭିଡିଓ ଦେଖିବାକୁ ମିଳିଥାଏ । କେଉଁଠି ଆଇସ୍କ୍ରିମ ବିରିୟାନୀର ଭିଡିଓ ତ କେଉଁଠି ଚକୋଲେଟ ନୁଡଲ୍ସ । ରାସ୍ତାକଡର ଫାଷ୍ଟଫୁଡ ଦୋକାନୀମାନେ ଚର୍ଚ୍ଚାକୁ ଆସିବା ପାଇଁ ଏମିତି ବିଭିନ୍ନ ପ୍ରକାର ଖାଦ୍ୟକୁ ନେଇ ଏକ ନୂଆ ଏକ୍ସପରିମେଣ୍ଟ କରିଥାନ୍ତି ।
ଏବେ କଲିକତାର ସେମିତି ଏକ ଫାଷ୍ଟଫୁଡ ଦୋକାନରେ ଓରିଓ ଆମଲେଟର ଭିଡିଓ ଚର୍ଚ୍ଚାର ବିଷୟ ପାଲଟିଛି। ଶିବମ ଶର୍ମା ନାମକ ଏକ ଫୁଡ ବ୍ଲଗର ଏହି ଭିଡିଓ ସୁଟ କରିଛନ୍ତି । ସେହି ଫାଷ୍ଟଫୁଡ ଦୋକାନୀ ଜଣକ ଏକ ପ୍ୟାନରେ ପ୍ରଥମେ ତେଲ ଗରମ କରି ଅଣ୍ଡା ପକାଇଥିଲେ । ପ୍ରଥମେ ଲାଗୁଥିଲା ସାଧାରଣ ଆମଲେଟ ତିଆରି କରାଯାଉଛି । ହେଲେ ପରେ ସେ ଏକ ଓରିଓ ବିସ୍କୁଟ କାଢି ଓରିଓ ସବୁ ସେହି ଆମଲେଟ ଉପରେ ପକାଇଥିଲେ । ପରେ ଏହାକୁ ପ୍ଲେଟରେ କାଢି ଟମାଟୋ ସସ୍ ସହ ଖାଇବାକୁ ଦେଇଥିଲେ ।
📱 Get Argus News App
✨ଭିଡିଓ ଭାଇରାଲ ହେବାପରେ ଅନେକ ୟୁଜର୍ସ ମାନେ ଅନେକ ପ୍ରକାର କମେଣ୍ଟ ଏହି ଭିଡିଓରେ ଦେଇଛନ୍ତି । ଜଣେ ୟୁଜର୍ସ ଲେଖିଛନ୍ତି, "ଜଷ୍ଟିସ ଫର ଓରିଓ", ସେହିପରି ଆଉଜଣେ ଲେଖିଛନ୍ତି, ଭାଇ ଏଥିପାଇଁ ଜେଲରେ କିଛି ସମୟ ରହିବା ଦରକାର ।" ଆଉଜଣେ ୟୁଜର୍ସ ଥଟ୍ଟା କରି ଲେଖିଛନ୍ତି, "ଏବେ ଅପେକ୍ଷା କେଉଁଦିନ ମ୍ୟାଗି ଟୁଥପେଷ୍ଟ ସହ ତିଆରି କରାଯିବ" । ତେବେ ଅନେକ ୟୁଜର୍ସ ଏହି ରେସିପିକୁ ନାପସନ୍ଦ କରିଥିବା କମେଣ୍ଟ ବକ୍ସରେ ଦେଖିବାକୁ ମିଳିଛି ।