ଆସିଲାଣି ଗ୍ରୀଷ୍ମ ଋତୁ। ଏବେ ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ଗ୍ରୀଷ୍ମ ପ୍ରବାହ ଅନୁଭତ ହେବା ଆରମ୍ଭ ହେଲାଣି। ଲୋକେ ଖରାରୁ ରକ୍ଷା ପାଇବା ପାଇଁ କୋଲ୍ଡ ଡ୍ରିଙ୍କସ୍ ପିଉଛନ୍ତି । ତେବେ ଏହା ଦ୍ୱାରା ଶରୀରରେ କ’ଣ କ୍ଷତି ହୋଇଥାଏ ଆପଣ ଜାଣନ୍ତି କି ? ଛୋଟ ପିଲା ହୁଅନ୍ତୁ ଅବା ବୟସ୍କ କୋଲ୍ଡ ଡ୍ରିଙ୍କ୍ସ ସମସ୍ତଙ୍କର ଭାରି ପ୍ରିୟ। ବିଶେଷକରି ଖାଇବା ପରେ ଏହା ପିଇବା ପାଇଁ ଇଚ୍ଛା ହୋଇଥାଏ । ଆଉ ଯଦି ଅଧିକ ପିଉଛନ୍ତି ତେବେ ଏବେଠାରୁ ହିଁ ସତର୍କ ହୋଇଯାଆନ୍ତୁ। ସ୍ବାସ୍ଥ୍ୟ ବିଶେଷଜ୍ଞଙ୍କ ଅନୁସାରେ ଏହା ସ୍ବାସ୍ଥ୍ୟପକ୍ଷେ ହାନିକାରକ ।

ଡାକ୍ତରଙ୍କ କହିବା ଅନୁସାରେ, ଏହା ପିଇବା ଦ୍ବାରା ଲିଭର ଉପରେ ପ୍ରଭାବ ପଡିଥାଏ । ବିଶେଷକରି ଫ୍ୟାଟି ଲିଭର ସମସ୍ୟା ଉପଜିପାରେ । କୋଲ୍ଡ ଡ୍ରିଙ୍କ୍ସରେ ଆର୍ଟିଫିସିଆଲ ଚିନି ରହିଥାଏ । ଅଧିକ ପରିମାଣରେ ଚିନି ଶରୀର ପାଇଁ ଠିକ୍ ନୁହେଁ ବୋଲି ସ୍ବାସ୍ଥ୍ୟ ବିଶେଷଜ୍ଞ କହିଛନ୍ତି । ତେଣୁ ଏହାର ବ୍ୟବହାର ସୀମିତ କରିବା ପାଇଁ କୁହାଯାଇଛି । ପ୍ରଥମ ହେଲା ଗ୍ଲୁକୋଜ ଏବଂ ଦ୍ବିତୀୟଟି ହେଲା ପ୍ରୁକ୍ଟଜ ।

ଶରୀରରେ ଅଧିକ ମାତ୍ରାରେ ପ୍ରୁକ୍ଟଜ କ୍ଷତିକାରକ ହୋଇଥାଏ । ଅଧିକମାତ୍ରାରେ କୋଲ୍ଡ ଡ୍ରିଙ୍କ୍ସ ପିଇବା ଦ୍ବାରା ଲିଭର ପ୍ରୁକ୍ଟୋଜକୁ ଫ୍ୟାଟରେ ପରିବର୍ତ୍ତନ କରିଥାଏ । ଯାହା ଲିଭରରେ ଜମା ହୋଇଯାଇଥାଏ । ଏହା ଫ୍ୟାଟି ଲିଭରର କାରଣ ହୋଇପାରେ । ଅନ୍ୟପଟେ ଓଜନ ମଧ୍ୟ ବୃଦ୍ଧି ପାଇଥାଏ । କାରଣ ଶରୀରରେ କ୍ୟାଲୋରୀ ମଧ୍ୟ ବୃଦ୍ଧି ପାଇଥାଏ ।

କୋଲ୍ଡ ଡ୍ରିଙ୍କସ୍ ପିଇଲେ ..

- ପେଟରେ ଚର୍ବି ବଢିଥାଏ
- ଶିଶୁମାନେ ସହଜରେ ମୋଟାପଣର ଶିକାର ହୋଇଥାନ୍ତି
- ମଧୁମେହ ରୋଗ ହେବାର ଆଶଙ୍କା ବଢିଥାଏ
- ଉଚ୍ଚ ରକ୍ତଚାପ ରୋଗୀଙ୍କର ରକ୍ତଚାପ ବୃଦ୍ଧି ପାଇଥାଏ
- ଇନ୍ସୁଲିନର ସନ୍ତୁଳନ ବଗିଡ଼ିଥାଏ
- ହୃଦରୋଗୀଙ୍କ କୋଲେଷ୍ଟ୍ରୋଲ ଏବଂ ରକ୍ତ ସଞ୍ଚଳୟ ପ୍ରଭାବିତ ହୁଏ

ଅଧିକ ପଢ଼ନ୍ତୁ ଜୀବନ ଶୈଳୀ ଖବର: