ସମସ୍ତେ ଚାହାନ୍ତି ଫିଟ୍‌ ଏବଂ ସୁସ୍ଥ ରହିବା ପାଇଁ। ଯାହାକୁ ଦୃଷ୍ଟିରେ ରଖି ଦୈନନ୍ଦିନ ଜୀବନରେ ଖାଦ୍ୟ ଉପରେ ଅଧିକ ଧ୍ୟାନ ଦେବାକୁ ପଡ଼ିଥାଏ। ରୋଟି ଆମର ଦୈନନ୍ଦିନ ଖାଦ୍ୟର ଏକ ଅଂଶ। କିନ୍ତୁ ଯେତେବେଳେ ମେଦବହୁଳତା ବା ମୋଟାପା ଏବଂ ମଧୁମେହ ବା ଡାଇବେଟିସ କଥା ଆସେ, ପ୍ରଥମ ପ୍ରଶ୍ନ ଉଠେ ଯେ କେଉଁ ଅଟା ଖାଇବା ଉଚିତ? ଅଧିକାଂଶ ଲୋକ ଗହମ ଅଟା ବ୍ୟବହାର କରନ୍ତି, କିନ୍ତୁ ଏହା କ’ଣ ସମସ୍ତଙ୍କ ପାଇଁ ଏହା ଠିକ୍? ମଧୁମେହ ସହିତ ଗହମ ଅଟା ଖାଇହେବ କି? ବିଶେଷକରି ଯେଉଁମାନେ ଓଜନ ହ୍ରାସ କରିବାକୁ ଚାହାଁନ୍ତି କିମ୍ବା ଡାଇବେଟିସ ଅଛି? ସେମାନେ କେଉଁ ଅଟା ଖାଇଲେ ଭଲ ତାହା ଜାଣିରଖନ୍ତୁ। ମୋଟାପା ଏବଂ ଡାଇବେଟିସ ପାଇଁ ରୋଟି ଛାଡିବା ଆବଶ୍ୟକ ନାହିଁ; ବୁଦ୍ଧିମାନ ଭାବରେ ଅଟା ବାଛନ୍ତୁ। ବାଜରା, ରାଗି, ଯଅ ଏବଂ ଚଣା ଭଳି ବିକଳ୍ପଗୁଡ଼ିକ କେବଳ ସ୍ୱାସ୍ଥ୍ୟକର ନୁହେଁ ବରଂ ସ୍ୱାଦିଷ୍ଟ ମଧ୍ୟ।

ମାଣ୍ଡିଆ ଅଟା:

ରାଗି ବା ମାଣ୍ଡିଆରେ କ୍ୟାଲସିୟମ୍, ଆଇରନ ଏବଂ ଫାଇବର ଅଧିକ ଥାଏ। ଏହା ରକ୍ତ ଶର୍କରା ନିୟନ୍ତ୍ରଣ କରିବାରେ ସାହାଯ୍ୟ କରେ ଏବଂ ଓଜନ ହ୍ରାସ କରିବାରେ ସାହାଯ୍ୟ କରେ। ଏହା ପିଲା ଏବଂ ବୟସ୍କମାନଙ୍କ ପାଇଁ ମଧ୍ୟ ଏକ ଭଲ ବିକଳ୍ପ।

ମଧୁମେହ ପାଇଁ ଗହମ ଅଟା ଖାଇବା ଠିକ୍ ନା ଭୁଲ?

ଗହମ ମଇଦା ଫାଇବରରେ ଭରପୂର, କିନ୍ତୁ ଏଥିରେ ଗ୍ଲୁଟେନ୍ ମଧ୍ୟ ଥାଏ, ଯାହା କିଛି ଲୋକଙ୍କ ମଧ୍ୟରେ ପ୍ରଦାହ ବା ଫୁଲିବା ଏବଂ ଓଜନ ବୃଦ୍ଧି କରାଏ। ମଧୁମେହ ରୋଗୀଙ୍କ ପାଇଁ, ଗହମ ଅଟା ଶୀଘ୍ର ରକ୍ତ ଶର୍କରା ବୃଦ୍ଧି କରାଏ, ବିଶେଷକରି ଯଦି ଏହାକୁ ରିଫାଇଣ୍ଡ କରାଯାଏ କିମ୍ବା ମଇଦା ସହିତ ମିଶ୍ରିତ କରାଯାଏ। ଯଦି ଆପଣ ଗହମ ଅଟା ବ୍ୟବହାର କରିବାକୁ ଚାହାଁନ୍ତି, ତେବେ ଚୋପା ଯୁକ୍ତ ଗହମ ଅଟା ବ୍ୟବହାର କରନ୍ତୁ ।

ବାଜରା ଅଟା:

ବାଜରା ଏକ ଗ୍ଲୁଟେନ୍-ମୁକ୍ତ ଶସ୍ୟ, ଯାହା ମଧୁମେହ ରୋଗୀ ଏବଂ ଓଜନ ହ୍ରାସ କରିବାକୁ ଚେଷ୍ଟା କରୁଥିବା ଲୋକଙ୍କ ପାଇଁ ଉତ୍କୃଷ୍ଟ। ଏଥିରେ ମ୍ୟାଗ୍ନେସିୟମ୍ ଏବଂ ଫାଇବର ଭରପୂର, ଯାହା ଇନସୁଲିନ୍ ସମ୍ବେଦନଶୀଳତା ବୃଦ୍ଧି କରେ। ଶୀତଦିନେ ବାଜରା ରୋଟି ଶରୀରକୁ ଉଷ୍ମ ରଖେ।

ଯବ ଅଟା କେତେ ଲାଭଦାୟକ?

ଯଅରେ ବିଟା-ଗ୍ଲୁକାନ ନାମକ ଏକ ଫାଇବର ଥାଏ, ଯାହା ରକ୍ତ ଶର୍କରା ନିୟନ୍ତ୍ରଣ କରିବାରେ ସାହାଯ୍ୟ କରେ। ଏହି ଅଟାରେ କମ୍ ଗ୍ଲାଇସେମିକ୍ ଇଣ୍ଡେକ୍ସ ଅଛି, ଅର୍ଥାତ୍ ଏହା ଧୀରେ ଧୀରେ ସୁଗାର ରିଲିଜ କରିଥାଏ ଏବଂ ମଧୁମେହ ବା ଡାଇବେଟିସ ରୋଗୀଙ୍କ ପାଇଁ ଲାଭଦାୟକ। ଏହା ମୋଟାପା କମ କରିବାରେ ମଧ୍ୟ ସହାୟକ ହୁଏ । କାରଣ ଏହା ଅଧିକ ସମୟ ପାଇଁ ପେଟ ପୂର୍ଣ୍ଣ ରଖେ।

କିପରି ସଠିକ୍ ଅଟା ବାଛିବେ? କମ୍ ଗ୍ଲାଇସେମିକ୍ ଇଣ୍ଡେକ୍ସ ଥିବା ଅଟା ମଧୁମେହ ପାଇଁ ବହୁତ ଭଲ। ଫାଇବର ଏବଂ ପ୍ରୋଟିନ୍ ଅଧିକ ଥିଲେ ଓଜନ ହ୍ରାସ କରିବାରେ ସାହାଯ୍ୟ କରେ । ଗ୍ଲୁଟେନ୍-ଫ୍ରୀ କିମ୍ବା କମ୍ ଗ୍ଲୁଟେନ୍ ବିକଳ୍ପ ଫୁଲିବା ଏବଂ ପେଟ ସମସ୍ୟାକୁ ରୋକି ଥାଏ । ଗହମ, ବାଜରା, ଚଣା ଏବଂ ରାଗି ପରି ମିଶ୍ରିତ ଅଟା ବ୍ୟବହାର କରନ୍ତୁ । ତେବେ ସତର୍କ ରୁହନ୍ତୁ ଏବଂ ସଠିକ ଅଟା ଖାଆନ୍ତୁ। ଯାହାର ଫଳସ୍ୱରୂପ ଆପଣ ସୁସ୍ଥ ରହିବେ।

ଅଧିକ ପଢ଼ନ୍ତୁ ଜୀବନ ଶୈଳୀ ଖବର: