ଶ୍ରାବଣ ମାସ ଆସିବା ମାତ୍ରେ ସାରା ଦେଶରେ ଭଗବାନ ଶିବଙ୍କ ପାଇଁ ବିଶେଷ ପୂଜାର୍ଚନା କରାଯାଏ । ଏହି ସମୟରେ ଏକ ଧାର୍ମକ ପରିବେଶ ସୃଷ୍ଟି ହୋଇଥାଏ। ଏହି ବର୍ଷ ଶ୍ରାବଣ ମାସ ୧୧ ଜୁଲାଇ ୨୦୨୫ ରୁ ଆରମ୍ଭ ହୋଉଛି। ପୁରା ମାସ ସାରା ଶିବ ମନ୍ଦିରଗୁଡ଼ିକରେ ଭକ୍ତଙ୍କ ଭିଡ଼ ଜମିବ, ଏବଂ ପ୍ରତ୍ୟେକ ସୋମବାରରେ ବିଶେଷ ପୂଜା ଅନୁଷ୍ଠିତ ହେବ। ମହାଦେବଙ୍କୁ ପ୍ରସନ୍ନ କରିବା ପାଇଁ ଲୋକମାନେ ବ୍ରତ, ଜଳାଭିଷେକ, ରୁଦ୍ରାଭିଷେକ ଏବଂ ଅନେକ ପ୍ରକାରର ବିଧିବିଧାନ କରନ୍ତି।
କିନ୍ତୁ ଆପଣ ଜାଣନ୍ତି କି ଭଗବାନ ଶିବଙ୍କର କିଛି ଜିନିଷ ଅତ୍ୟଧିକ ପ୍ରିୟ ଅଟେ ତା'ସହ କିଛି ଜିନିଷ ଅର୍ପଣ କରିବାକୁ ବାରଣ କରାଯାଇଥାଏ । ଶ୍ରାବଣରେ ଶିବଙ୍କ ପୂଜା କରିବା ପୂର୍ବରୁ ଏହି କଥାଗୁଡ଼ିକୁ ମନେରଖିବା ଜରୁରୀ, କାରଣ ଏକ ଛୋଟ ଭୁଲ ମଧ୍ୟ ପୂଜାର ସମସ୍ତ ସୁଫଳକୁ ବିଫଳ କରିପାରେ । ତେବେ କେଉଁ ଜିନିଷଗୁଡ଼ିକ ଭଗବାନ ଶିବଙ୍କର ଅତ୍ୟଧିକ ପ୍ରିୟ ଜାଣନ୍ତୁ।

ଶିବଲିଙ୍ଗ ଉପରେ ଜଳ ଅର୍ପଣ କରିବା
ସମୁଦ୍ର ମନ୍ଥନ ସମୟରେ ବିଷ ବାହାରିବା ପରେ ଭଗବାନ ଶିବ ସମଗ୍ର ସୃଷ୍ଟିର ରକ୍ଷା ପାଇଁ ସେହି ବିଷକୁ ପାନ କରିଥିଲେ। ବିଷର ପ୍ରଭାବରେ ତାଙ୍କ ଶରୀରରେ ଜ୍ୱଳନ ହେବାକୁ ଲାଗିଲା, ଯାହାକୁ ଶାନ୍ତ କରିବା ପାଇଁ ତାଙ୍କୁ ଲଗାତାର ଜଳ ଅର୍ପଣ କରାଯାଇଥିଲା। ଏହି କାରଣରୁ ଶିବଲିଙ୍ଗ ଉପରେ ଜଳ ଅର୍ପଣ କରିବାକୁ ସର୍ବୋତ୍ତମ ପୂଜା ଭାବରେ ବିବେଚନା କରାଯାଏ।

ବେଲପତ୍ର ଅର୍ପଣ କରିବା ଶୁଭ ଫଳ ପ୍ରଦାନ କରେ
ଶିବଙ୍କୁ ବେଲପତ୍ର ଅର୍ପଣ କରିବା ଅତ୍ୟନ୍ତ ଫଳଦାୟକ ବୋଲି ବିବେଚନା କରାଯାଏ। ଏହାର ତିନୋଟି ପତ୍ର ଶିବଙ୍କ ତ୍ରିନେତ୍ରର ପ୍ରତୀକ ଅଟେ। ଧାର୍ମିକ ବିଶ୍ୱାସ ଅନୁଯାୟୀ, ଗୋଟିଏ ବେଲପତ୍ର ଅର୍ପଣ କରିବା ଗୋଟିଏ କୋଟି କନ୍ୟାଦାନ ସହିତ ସମାନ ପୁଣ୍ୟ ପ୍ରଦାନ କରେ।

ଚନ୍ଦନ, କ୍ଷୀର, ଭାଙ୍ଗ ଏବଂ ଭସ୍ମ
ଶିବଙ୍କ ପୂଜାରେ ଚନ୍ଦନ, କ୍ଷୀର, ଭାଙ୍ଗ ଏବଂ ଭସ୍ମ ଦେଇ ମଧ୍ୟ ପୂଜା କରାଯାଏ । ଚନ୍ଦନ ସାମାଜିକ ପ୍ରତିଷ୍ଠା ଏବଂ ସମ୍ମାନ ବୃଦ୍ଧି କରିଥାଏ। ଏହା ବ୍ୟତୀତ ଭାଙ୍ଗ, ଭସ୍ମ, ଚାଉଳ, ରୁଦ୍ରାକ୍ଷ ଇତ୍ୟାଦି ଶିବଙ୍କର ପ୍ରିୟ ବୋଲି ବିବେଚନା କରାଯାଏ।

କେଉଁ ଜିନିଷ ଶିବଙ୍କୁ ଅର୍ପଣ କରିବା ଉଚିତ୍ ନୁହେଁ?
ଶୃଙ୍ଗାରର ସାମଗ୍ରୀ ଶିବଙ୍କୁ ପସନ୍ଦ ନୁହେଁ
ଭଗବାନ ଶିବଙ୍କୁ ବୈରାଗ୍ୟ ଦେବତା ଭାବରେ ବିବେଚନା କରାଯାଏ। ସେ ସାଂସାରିକ ମୋହ ଏବଂ ସୌନ୍ଦର୍ଯ୍ୟଠାରୁ ଦୂରରେ ରହିଥାନ୍ତି। ତେଣୁ ତାଙ୍କ ପୂଜାରେ ହଳଦୀ, ମେହେନ୍ଦୀ, କୁଙ୍କୁମ, ବିନ୍ଦି ଭଳି ସୌନ୍ଦର୍ଯ୍ୟ ସହିତ ଜଡିତ ଜିନିଷ ଅର୍ପଣ କରିବାକୁ ବାରଣ କରାଯାଇଛି।

ଶଙ୍ଖ ଦ୍ୱାରା ଜଳ ଅର୍ପଣ କରିବା ଉଚିତ୍ ନୁହେଁ
ଶଙ୍ଖ ଜଳରେ ଅଭିଷେକ କରିବା ଏକ ସାଧାରଣ କଥା କିନ୍ତୁ ଶିବଲିଙ୍ଗ ଉପରେ ଶଙ୍ଖ ଦ୍ୱାରା ଜଳ ଅର୍ପଣ କରିବା ମନା ଅଟେ। ଶାସ୍ତ୍ର ଅନୁଯାୟୀ, ଶିବ ଥରେ ଶଙ୍ଖଚୂଡ଼ ନାମକ ଅସୁରକୁ ବଧ କରିଥିଲେ, ତେଣୁ ସେ ଶଙ୍ଖ ସହିତ ଜଡିତ ଜିନିଷଗୁଡ଼ିକୁ ଗ୍ରହଣ କରନ୍ତି ନାହିଁ।

ତୁଳସୀ ପତ୍ର ଶିବଙ୍କୁ ଅର୍ପଣ କରାଯାଏ ନାହିଁ
ଏକ ପ୍ରାଚୀନ କାହାଣୀ ଅନୁଯାୟୀ, ବ୍ରହ୍ମା ଏବଂ ବିଷ୍ଣୁଙ୍କ ବିବାଦରେ ତୁଳସୀ ମିଛ ସାକ୍ଷ୍ୟ ଦେଇଥିଲା। ଏହି ମିଛର ଦଣ୍ଡ ସ୍ୱରୂପ ଭଗବାନ ଶିବ ତାଙ୍କୁ ଅଭିଶାପ ଦେଇଥିଲେ ଯେ ସେ ତାଙ୍କ ପୂଜାରେ ଗ୍ରହଣୀୟ ହେବେ ନାହିଁ।