ବର୍ତ୍ତମାନର ବ୍ୟସ୍ତବହୁଳ ଜୀବନରେ ସମସ୍ତେ ନିଜ ନିଜ କାମରେ ବ୍ୟସ୍ତ ରହିଥାନ୍ତି । ଅନେକ ସମୟରେ ଖାଇବାକୁ ସମୟ ହୋଇନଥାଏ । ତ ପୁଣି କେତେବେଳେ ୱାର୍କ ଲୋଡ୍ ପାଇଁ ଅନେକ ବାହାରୁ ଖାଇଥାନ୍ତି । ଅନେକ ସମୟରେ ଲଞ୍ଚ ବ୍ରେକ୍ ରେ କାମ ମଧ୍ୟ ପଡିଯାଇଥାଏ । ଯାହାଫଳରେ ସେମାନେ ଭାତ ଖାଇବାରୁ ବଞ୍ଚିତ ହୋଇଥାନ୍ତି । ବାହାରେ ସେତେବେଳେ ଖାଇବା ମିଳିନଥାଏ । ତେଣୁ ଅନେକ କର୍ମଚାରୀ ଟିଫିନ୍ ଖାଇଥାନ୍ତି । କିଏ ଟିଫିନ୍ ରେ ସକାଳର ପକୁଡି, ବରା, ପିଆଜି ଖାଇଥାଏ I ପୁଣି ଆଉ କିଏ ମିକ୍ସଚର ଏବଂ ଅନ୍ୟାନ୍ୟ ଛଣାଛଣି ଖାଦ୍ୟ ଖାଇଥାଏ । ଯେଉଁଥିପାଇଁ କି ଅନେକଙ୍କ ଗ୍ୟାସ୍ ସମସ୍ୟା ସହ ଅନ୍ୟାନ୍ୟ ସ୍ବାସ୍ଥ୍ୟ ଜନିତ ସମସ୍ୟା ଦେଖା ଦେଇଥାଏ । ତେବେ ଏମିତି ଏକ ଖାଦ୍ୟ ଅଛି ଯାହା ଶରୀର ପାଇଁ ବହୁତ ଭଲ । ଯାହାକୁ ଆପଣ ଥରେ ଆଣିଲେ ଅନେକଥର ବ୍ୟବହାର କରିପାରିବେ । ଏହାକୁ ଅତିସହଜରେ ସାଙ୍ଗରେ ଧରି ଅଫିସ୍ ଯାଇପାରିବେ । ସେହି ଖାଦ୍ୟଟିର ନାଁ ହେଉଛି ଛତୁଆ।

-ଛତୁଆକୁ ଅତି ସହଜରେ ପ୍ୟାକେଟରୁ କାଢି ଆବଶ୍ୟକ ମୁତାବକ ଟିଫିନରେ ନେଇପାରିବେ ।
-ଛତୁଆର ଓଜନ ଅନ୍ୟ ଖାଦ୍ୟ ତୁଳନାରେ କମ୍। କିନ୍ତୁ ଏହା ଅନ୍ୟ ଖାଦ୍ୟ ଅପେକ୍ଷା ସ୍ବାସ୍ଥ୍ୟ ପାଇଁ ଲାଭଦାୟକ।
-ଏହାକୁ ଯେତେବେଳେ ଚାହିଁବେ ପାଣି ମିଶାଇ କରିଖାଇପାରିବେ । ନହେଲେ ଡ୍ରିଙ୍କସ୍ ବନାଇ ପିଇ ପାରି
-ଏହାକୁ ରାନ୍ଧିବାକୁ ପଡିନଥାଏ । ଗରମ କିମ୍ବା ଥଣ୍ତାକରି ଖାଇବାର କୌଣସି ଆବଶ୍ୟକତା ନଥାଏ । ସାଧା ପାଣି ଏଥିରେ ମିଶାଇ ଆପଣ ଖାଇପାରିବେ।
-ଏଥିରେ ପ୍ରୋଟିନ୍ ପରିମାଣ ଅଧିକା ଥାଏ । ଯଦି ବୁଟ ଛତୁଆ ହୋଇଥିବ, ତେବେ ଆହୁରି ଭଲ । ଏଥିରେ ଥିବା ପ୍ରୋଟିନ୍ ଆପଣଙ୍କ ପ୍ରୋଟିନର ଆବଶ୍ୟକତାକୁ ପୂରଣ କରିବା ସହ ହଜମ ପକ୍ରିୟାକୁ ସୁସ୍ଥ ରଖିବ।
-ଏଥିରେ ଥିବା ଫାଇବର ପେଟ ସଫା କରିବାରେ ସାହାର୍ଯ୍ୟ କରେ ।
-ଏଥିରେ କୋଣସି ତେଲର ଆବଶ୍ୟକ‌ତା ନାହିଁ । ତେଣୁ ଏଥିରେ କୋଲେଷ୍ଟ୍ରଲ୍‌ ବଢିବାର ସମ୍ଭବାନା ନାହିଁ।
-ଛତୁଆ ସ୍ବାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ। ଏଥିରେ କ୍ୟାଲସିୟମ୍, ଫାଇବର ଓ ମ୍ୟାଗ୍ନେସିୟମ୍ ପୌଷକତତ୍ଵ ରହିଛି I ଛତୁଆ ଖାଇଲେ ଆମକୁ ଅନେକ ରୋଗରୁ ମୁକ୍ତି ମିଳିଥାଏ।
-ଛତୁଆ ଖାଇବା ଦ୍ବାରା ଗଳା ସମ୍ବନ୍ଧୀୟ ରୋଗ, ବାନ୍ତି, ଗରମ ଦିନରେ ଦେଖାଯାଉଥିବା ସମସ୍ୟା ହୋଇନଥାଏ
-ଚଣା ବା ବୁଟରେ ପ୍ରସ୍ତୁତ ଛତୁଆ ପେଟ ସମ୍ବନ୍ଧୀୟ ରୋଗରୁ ଦୂର କରି ପେଟକୁ ଥଣ୍ଡା ରଖିବାରେ ସାହାଯ୍ୟ କରିଥାଏ ।
-ଛତୁଆରେ ଥିବା ପୋଟାସିୟମ୍ ରକ୍ତଚାପକୁ ନିୟନ୍ତ୍ରଣରେ ରଖେ। ଏହାସହ ଏଥିରେ ଥିବା ପ୍ରୋଟିନ୍ ମାଂସପେଶୀକୁ ମଜଭୁତ ରଖେ ।
-ମଧୁମେହ ଓ ରକ୍ତଚାପ ରୋଗୀ ମାନଙ୍କ ପାଇଁ ଛତୁଆ ସେବନ କରିବା ଅତ୍ୟନ୍ତ ହିତକର । ଛତୁଆ ଶରୀର ବଢୁଥିବା ରକ୍ତ ଶର୍କରା ସ୍ତରକୁ ନିୟନ୍ତ୍ରିତ କରିଥାଏ।

Argus News | argus news | Odisha Latest News, Breaking News, Trending News, Live TV