ଆମେ ପ୍ରତିଦିନ ଯାହା ସବୁ ଖାଇଥାନ୍ତି, ତାହାର ସିଧା ପ୍ରଭାବ ଆମ ଶରୀର ଉପରେ ପକାଇଥାଏ । ତଥାପି ଆମମାନଙ୍କ ଅଜାଣତରେ ଆମର ଏମିତି କିଛି ଖାଦ୍ୟାଭ୍ୟାସ ଥାଏ, ଯାହା କାରଣରୁ ହୃଦରୋଗ ହେବାର ବିଶେଷ ସମ୍ଭାବନା ଥାଏ । ଏହା ଆମେ ନୁହେଁ ହୃଦରୋଗ ବିଶେଷଜ୍ଞ କିଛି ଏପରି ଗବେଷଣା କରି କହିଛନ୍ତି । କେତେବେଳେ ଆମେ ସ୍ଵାଦ ମୁତାବକ ଅଧିକ ଲୁଣ ଖାଇଥାନ୍ତି , ତ କେତେବେଳେ ଅଧିକ ଫ୍ରାଏଡ ଫୁଡ ଖାଇଥାନ୍ତି । କିନ୍ତୁ ଏହିଭଳି ଖାଦ୍ୟାଭ୍ୟାସ କେମିତି ଧିରେଧିରେ ଆମ ହାର୍ଟ ଉପରେ ସିଧାସଳଖ ପ୍ରଭାବ ପକାଏ ତାହା ସୋସିଆଲ ମିଡିଆରେ ଶେୟାର କରିଛନ୍ତି ଜଣେ ହୃଦରୋଗ ବିଶେଷଜ୍ଞ ।

ସେ କହିଛନ୍ତି, ଆମ ଅନ୍ତନଳୀରେ ଥିବା ବ୍ୟାକ୍ଟେରିଆ ଖାଦ୍ୟକୁ ଏମିତି ଏକ ଯୌଗିକରେ ପରିଣତ କରେ, ଯାହା ସିଧାସଳଖ ହୃଦରୋଗ କରିବାରେ ସହାୟକ ହୁଏ । ଏଥିସହ ଏହି ଅସ୍ଵାସ୍ଥ୍ୟକର ବ୍ୟାକ୍ଟେରିଆ କୋଲେଷ୍ଟେରଲର ପରିମାଣ ବଢାଇଥାଏ, ତା ସହ ରକ୍ତଚାପ ମଧ୍ୟ ବୃଦ୍ଧି କରିଥାଏ । ତେବେ ଏଥିପାଇଁ କେଉଁକେଉଁ ଦିଗପ୍ରତି ଧ୍ୟାନ ଦେବାର ଅଛି ଆସନ୍ତୁ ଜାଣିବା ।

୧- ଫାଇବର ଯୁକ୍ତ ଖାଦ୍ୟ
ଫଳି, ସବୁଜ ପନିପରିବା, ଶସ୍ୟଜାତୀୟ ଖାଦ୍ୟ ଅନ୍ତନଳୀକୁ ସୁସ୍ଥରଖିବା ସହ ଶରୀର ପ୍ରଦାହ କମ କରିଥାଏ ।

୨- ଅତ୍ୟଧିକ ସଂସୋଧିତ ଖାଦ୍ୟ
ଅତ୍ୟଧିକ ସଂସୋଧିତ ଖାଦ୍ୟ ପଦାର୍ଥ ଯେମିତି ଚିପ୍ସ, ବିସ୍କୁଟ, ଚକୋଲେଟ, ସଫ୍ଟ ଡ୍ରିଙ୍କ୍ସରେ ଅଧିକ ମାତ୍ରାରେ ଲୁଣ, ଚିନି ରହିଥାଏ । ଏହା ହୃଦରୋଗ ଜନିତ ସମସ୍ୟା ସୃଷ୍ଟି କରିଥାଏ ।

୩- ଫରମେଣ୍ଟେଡ ଖାଦ୍ୟ
ଫରେମେଣ୍ଟେଡ ଖାଦ୍ୟ ଯେମିତିକି ଦହି, କିମଚି ଆଦି ଶରୀର ପାଇଁ ବେଶ ଉପକାରୀ ।

୪ -ମାଂସ ଏବଂ ଅଣ୍ଡା
ଶରୀର ପାଇଁ ଖୁବ କ୍ଷତିକାରକ ମାଂସ ଏବଂ ଅଣ୍ଡା । ଏହା ଶରୀରରେ ରକ୍ତ ଜମାଟ ବାନ୍ଧିବା ସହ ହୃଦରୋଗ କରିବାରେ ସହାୟକ ହୋଇଥାଏ ।

୫- ହାଇଡ୍ରେଟେଡ ରହିବା
ଶରୀରକୁ ସୁସ୍ଥ ରଖିବାକୁ ହେଲେ ଶରୀରରେ ସଠିକ ଜଳୀୟ ଅଂଶ ବଜାୟ ରଖିବା ଆବଶ୍ୟକ । ଏହା ଖାଦ୍ୟ ସଠିକ ହଜମ କରିବା ସହ ଅନ୍ତନଳୀକୁ ସୁସ୍ଥ ରଖିଥାଏ ।
ଏହି ସବୁ ଖାଦ୍ୟ ଅଭ୍ୟାସକୁ ପ୍ରତିଦିନ ଜଗିଲେ ଆମର ଶରୀର ସୁସ୍ଥ ରହିବା ସହ ହୃଦୟ ମଧ୍ୟ ସୁସ୍ଥ ରହିଥାଏ ।

View this post on Instagram

A post shared by Dmitry Yaranov, MD | Cardiologist 🫀 (@heart_transplant_doc)

Argus News | argus news | -Argusnews Home: Odisha Latest News, Breaking News, Trending News, Live TV and more