ବର୍ତ୍ତମାନର ଖାରାପ ଜୀବନ ଶୈଳୀ ଯୋଗୁଁ ସ୍ଵାସ୍ଥ୍ୟ ସମ୍ବନ୍ଧୀୟ ଅନେକ ସମସ୍ୟା ଦେଖାଦେଉଛି । କିନ୍ତୁ ସାରା ବିଶ୍ୱରେ ଆଉ ଏକ ସମସ୍ୟା ଅଧିକ ସାଧାରଣ ହେବାରେ ଲାଗିଛି ଯାହା ହେଉଛି ଝିଅମାନଙ୍କର ହାଲୁକା ଦାଢ଼ି କିମ୍ବା ନିଶ ଉଠିବା । ଯାହାକୁ ମୁହଁର କେଶ ମଧ୍ୟ କୁହାଯାଏ । ଅନେକ ଝିଅ ଏହି କାରଣର ଚିକିତ୍ସା ଖୋଜୁଛନ୍ତି । କାରଣ ଏହା ପ୍ରାୟତଃ ହରମୋନ୍ ଅସନ୍ତୁଳନ ହେବା ଦ୍ଵାରା ହୋଇଥାଏ ବୋଲି କୁହାଯାଏ । ହରମୋନ୍ ଅସନ୍ତୁଳନ ଖାଲି ନୁହେଁ, ବରଂ ପରିବର୍ତ୍ତନଶୀଳ ଜୀବନଶୈଳୀ ଏବଂ ଅତ୍ୟଧିକ ଫାଷ୍ଟଫୁଡ୍ ଖାଇବା ଏହାର ମୁଖ୍ୟ କାରଣ ମଧ୍ୟ ।

ଫାଷ୍ଟଫୁଡ୍ ଏବଂ ହରମୋନ୍ ଅସନ୍ତୁଳନ ମଧ୍ୟରେ ସମ୍ପର୍କ
ରୁଷୀୟ ୱେବସାଇଟ୍ ଇଜଭେଷ୍ଟିଆ ଅନୁଯାୟୀ, ବର୍ଗର, ଫ୍ରେଞ୍ଚ ଫ୍ରାଏଜ୍ ଏବଂ ମିଠା ଭଳି ଫାଷ୍ଟଫୁଡ୍‌ରେ ଅଧିକ ପରିମାଣରେ ଚିନି, ଲୁଣ ଏବଂ ଟ୍ରାନ୍ସ ଫ୍ୟାଟ୍ ଥାଏ, ଯାହା ଇନସୁଲିନ୍ ପ୍ରତିରୋଧକୁ ବଢ଼ାଇ ଥାଏ । ଏହି ଇନସୁଲିନ୍ ଶରୀରର ହରମୋନ୍ ସନ୍ତୁଳନକୁ ଖରାପ କରିଥାଏ ଏବଂ ମହିଳାଙ୍କଠାରେ ପୁରୁଷ ହରମୋନ୍‌ର ସ୍ତରକୁ ବୃଦ୍ଧି କରେ ।

ଏପରି ହେବା ଦ୍ଵାରା ଝିଅମାନଙ୍କ ମୁହଁରେ କେଶ ବଢ଼ିଥାଏ । ତଥାପି, ଏହି ଫାଷ୍ଟଫୁଡ୍‌ଗୁଡ଼ିକ ସିଧାସଳଖ କେଶ ବୃଦ୍ଧିର କାରଣ ହୁଅନ୍ତି ନାହିଁ, ବରଂ ଓଜନ ବୃଦ୍ଧି ଏବଂ ହରମୋନ୍ ଅସନ୍ତୁଳନ କରାଇଥାନ୍ତି, ଯାହା କେଶ ବୃଦ୍ଧିର କାରଣ ହୁଏ । ଏହି କେଶ ବଢ଼ି ମୁହଁ, ନିଶ କିମ୍ବା ଅଖି ଚାରିପାଖରେ ହୁଏ, ଯାହାକୁ ଡାକ୍ତରୀ ଭାଷାରେ ହିର୍ସୁଟିଜିମ୍ କୁହାଯାଏ ।

ଏହି ସମସ୍ୟା କେତେବେଳେ ବଢ଼ିପାରେ ?
ରିପୋର୍ଟ ଅନୁଯାୟୀ, ଯେତେବେଳେ ଝିଅମାନଙ୍କର ଋତୁସ୍ରାବ ଆରମ୍ଭ ହୁଏ । ସେତେବେଳେ ସେମାନଙ୍କ ଶରୀରରେ ହରମୋନ ପରିବର୍ତ୍ତନ ଘଟେ । ଏହି ସମୟରେ ଫାଷ୍ଟଫୁଡ୍, ଜଙ୍କଫୁଡ୍ ଏବଂ ତେଲ ଜିନିଷ ଖାଇବା ଦ୍ୱାରା କେଶ ବୃଦ୍ଧି ହେବାର ଆଶଙ୍କା ବଢ଼ିପାରେ । ଏହା ସହିତ, ମେଦବହୁଳତା, ଇନସୁଲିନ୍ ପ୍ରତିରୋଧ ଏବଂ ଅନିୟମିତ ଖାଦ୍ୟ ଅଭ୍ୟାସ ମଧ୍ୟ ହିର୍ସୁଟିଜିମ୍ ପାଇଁ ବଡ଼ କାରଣ ।

ଯେତେବେଳେ ଝିଅମାନେ ଏହି ଅନାବଶ୍ୟକ କେଶ ବିଷୟରେ ଚିନ୍ତା କରନ୍ତି, ସେମାନେ ପ୍ରାୟତଃ ସେଗୁଡ଼ିକୁ ଦୂର କରିବା ଅନେକ ପ୍ରକାରର ଜିନିଷ ବ୍ୟବହାର କରିଥାନ୍ତି । ଯାହା ଦ୍ଵାରା ସମସ୍ୟାକୁ ଆହୁରି ଖରାପ କରିପାରେ । ଡାକ୍ତରମାନେ ମଧ୍ୟ ବିଶେଷଜ୍ଞଙ୍କ ସହ ପରାମର୍ଶ ନକରି ଘରୋଇ ଉପଚାର ବ୍ୟବହାର କରିବାକୁ ପରାମର୍ଶ ଦିଅନ୍ତି ନାହିଁ ।

ଚିକିତ୍ସା ଏବଂ ନିରାକରଣ: ଡାକ୍ତରଙ୍କ ସହ ପରାମର୍ଶ କରି ହରମୋନ ଅସନ୍ତୁଳନର ଉପଯୁକ୍ତ ଚିକିତ୍ସା କରନ୍ତୁ । ଯାହା ଦ୍ଵାରା ଏହି ସମସ୍ୟାର ସମାଧାନ କରାଯାଇପାରିବ । ଖାଦ୍ୟପେୟ ଏବଂ ଜୀବନଶୈଳୀରେ ପରିବର୍ତ୍ତନ ମଧ୍ୟ ପ୍ରାଥମିକ ଚିକିତ୍ସା ହୋଇଥାଏ । ଏହି ପ୍ରକ୍ରିୟାକୁ ଔଷଧ, ଓଜନ ନିୟନ୍ତ୍ରଣ ଏବଂ ଏକ ସୁସ୍ଥ ଜୀବନଶୈଳୀ ସାହାଯ୍ୟରେ ନିୟନ୍ତ୍ରଣ କରାଯାଇପାରିବ । ବିଶେଷଜ୍ଞଙ୍କ ପରାମର୍ଶ ସହିତ ଲେଜର ଚିକିତ୍ସା ମଧ୍ୟ ଏକ ଚିକିତ୍ସା ହୋଇପାରେ, କିନ୍ତୁ ଯେକୌଣସି ଘରୋଇ ଉପଚାରକୁ ଏଡାନ୍ତୁ ଏବଂ ସବୁବେଳେ ଡାକ୍ତରଙ୍କ ସହିତ ପରାମର୍ଶ କରନ୍ତୁ ।

ଅଧିକ ପଢ଼ନ୍ତୁ ଜୀବନ ଶୈଳୀ ଖବର...