ବର୍ତ୍ତମାନ ସମୟରେ ରକ୍ତହୀନତା ଏକ ପ୍ରମୁଖ ସମସ୍ୟା ହୋଇଗଲାଣି । ସେ ମହିଳା ହୁଅନ୍ତୁ କି ପିଲା କିମ୍ବା ପୁରୁଷ, ରକ୍ତହୀନତା ସାଧାରଣ ସମସ୍ୟା ହୋଇଛି । ଏହାର ପ୍ରମୁଖ କାରଣ ହେଉଛି କୁପୋଷଣ ଏବଂ ଅସ୍ୱାସ୍ଥ୍ୟକର ଖାଦ୍ୟପେୟ । ଯଦି ଆପଣ ଆପଣଙ୍କର ରକ୍ତହୀନତାକୁ ଉନ୍ନତ କରିବାକୁ ଚାହାଁନ୍ତି, ତେବେ ଆପଣ କେତେକେ ଖାଦ୍ୟ ପ୍ରତି ବିଶେଷ ଯତ୍ନବାନ ହେବା ଉଚିତ ।

ଯଦି ଆପଣ ସବୁବେଳେ ଦୁର୍ବଳ ଅନୁଭବ କରୁଛନ୍ତି, କ୍ଳାନ୍ତ ହୋଇପଡୁଛନ୍ତି, କେଶ ଝଡୁଛି, ମନ ସ୍ଥିର ହେଉନାହିଁ କିମ୍ବା ଆପଣଙ୍କ ନଖ ଭଙ୍ଗି ଯାଉଛି, ତେବେ ଜାଣନ୍ତୁ ଯେ ଆପଣ ରକ୍ତହୀନତାରେ ରୋଗରେ ପୀଡିତ ହୋଇଛନ୍ତି । ଏଭଳି ହେଲେ ଆପଣଙ୍କ ଖାଦ୍ୟରେ କିଛି ସରଳ ଜିନିଷ ସାମିଲ କରି ଆପଣ ରକ୍ତହୀନତାକୁ ଦୂର କରିପାରିବେ । ତେଣୁ, ଆସନ୍ତୁ ଜାଣିବା କେଉଁ ଖାଦ୍ୟ ରକ୍ତ ବୃଦ୍ଧି କରିବାରେ ସାହାଯ୍ୟ କରିପାରିବ ।

ବିଟ୍:- ବିଟ୍ ହେଉଛି ଏପରି ଏକ ଜିନିଷ ଯାହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ । ହିମୋଗ୍ଲୋବିନ୍ ବଢ଼ାଇବା ପାଇଁ ବିଟ୍ ହେଉଛି ସବୁଠାରୁ ପ୍ରଭାବଶାଳୀ ଏବଂ ଭଲ ଘରୋଇ ଉପଚାର । ଏଥିରେ ଆଇରନ, ଫୋଲେଟ୍ ଏବଂ ଭିଟାମିନ୍ C ଭରପୂର ମାତ୍ରାରେ ରହିଛି । ଏହା ଲାଲ ରକ୍ତ କଣିକା ଗଠନରେ ସାହାଯ୍ୟ କରେ । ତେଣୁ, ଯଦି ଆପଣ ରକ୍ତହୀନତାରେ ପୀଡିତ, ତେବେ ଏହାକୁ ନିଶ୍ଚିତ ଭାବରେ ଆପଣଙ୍କ ଖାଦ୍ୟରେ ସାମିଲ କରନ୍ତୁ ।

କିପରି କରିବେ ବ୍ୟବହାର: ବିଟ୍‌କୁ ଆପଣଙ୍କ ଖାଦ୍ୟରେ ଅନେକ ଉପାୟରେ ସାମିଲ କରାଯାଇପାରିବ । ବିଟ୍‌ର ରସ ପିଇବା ହେଉଛି ସର୍ବୋତ୍ତମ ଉପାୟ । ଆପଣ ଏହାକୁ ସାଲାଡ୍ କିମ୍ବା ପନିପରିବା ଭାବରେ ମଧ୍ୟ ଖାଇପାରିବେ । ତେବେ ଅଧିକ ଲାଭ ପାଇବା ପାଇଁ, ସକାଳେ ଖାଲି ପେଟରେ ଜୁସ୍ ଭାବେ ପିଇପାରିବେ ।

ଗୁଡ଼ ଏବଂ କଳା ରାଶି :- ଗୁଡ଼ରେ ଆଇରନ ଥାଏ, ଯାହା ଲାଲ ରକ୍ତ କଣିକା ଗଠନରେ ସାହାଯ୍ୟ କରେ । ଯେତେବେଳେ ଏହାକୁ କଳା ରାଶି ସହିତ ଖିଆଯାଏ, ତେବେ ଏହାର ଲାଭ ଆହୁରି ବଢ଼ିଯାଏ ।
କିପରି କରିବେ ବ୍ୟବହାର:- ଆପଣ ପ୍ରତିଦିନ ମଧ୍ୟାହ୍ନ ଭୋଜନ ପରେ ଗୋଟିଏ ଛୋଟ ଗୁଡ଼ ଖଣ୍ଡ ଏବଂ ୧ ଚାମଚ ଭଜା କଳା ରାଶି ଖାଇପାରିବେ।

ଖଜୁରୀ:- ଖଜୁରୀ କେବଳ ପ୍ରାକୃତିକ ଭାବରେ ଆଇରନରେ ଭରପୂର ନୁହେଁ, ବରଂ ଏହାର ପ୍ରାକୃତିକ ଶୁଗାର, ଫାଇବର ଏବଂ ଆଣ୍ଟିଅକ୍ସିଡାଣ୍ଟ ତୁରନ୍ତ ଶକ୍ତି ପ୍ରଦାନ କରେ । ଯଦି ଆପଣ ପ୍ରାକୃତିକ ଭାବରେ ହିମୋଗ୍ଲୋବିନ୍ ବୃଦ୍ଧି କରିବାକୁ ଚାହାଁନ୍ତି, ତେବେ ଆପଣଙ୍କ ଖାଦ୍ୟରେ ଖଜୁରୀକୁ ସାମିଲ କରିବାକୁ ଭୁଲନ୍ତୁ ନାହିଁ ।
କିପରି କରିବେ ବ୍ୟବହାର:-ପ୍ରତିଦିନ ସକାଳେ କିମ୍ବା ସନ୍ଧ୍ୟାରେ ୨-୩ ଟି ଖଜୁରୀ ଖାଆନ୍ତୁ ।

ଡାଳିମ୍ବ:- ଡାଳିମ୍ବରେ ପ୍ରଚୁର ପରିମାଣରେ ଆଇରନ, ଭିଟାମିନ୍ C ଏବଂ ଶକ୍ତିଶାଳୀ ଆଣ୍ଟିଅକ୍ସିଡାଣ୍ଟ ଭରପୂର । କିପରି କରିବେ ବ୍ୟବହାର:-ଆପଣ ଡାଳିମ୍ବକୁ ଛଡାଇ ଏହାର ମଞ୍ଜି ଖାଇପାରିବେ, କିମ୍ବା ଏହାର ରସ ମଧ୍ୟ ପିଇପାରିବେ ।