ଦିନକ ପରେ ରଙ୍ଗର ପର୍ବ ହୋଲି। ଜଣେ ଜଣକୁ ରଙ୍ଗ ବୋଳି ଶୁଭ ମନାସନ୍ତି । ଅବିର ଓ ରଙ୍ଗର ତାଳେ ତାଳେ ସଭିଙ୍କ ମନରେ ଭରିଯାଏ ଉତ୍ସାହ । ଗାଁଠୁ ସହର ସବୁଠି ଚାଲେ ରଙ୍ଗର ଖେଳ । ପରସ୍ପର ମଧ୍ୟରେ ସ୍ନେହ ଓ ଆଦର ଦର୍ଶାଇବାର ଏହି ରଙ୍ଗ ଖେଳ ଏକ ମାଧ୍ୟମ । ଗୀତ ନାଚର ଆସର ବି ଜମେ । ଗାଁକୁ ଗାଁ ବୁଲି ପିଲାଠୁ ବୟସ୍କ ସମସ୍ତେ ହୋଲି ଖେଳରେ ମସଗୁଲ ହୁଅନ୍ତି । ରଙ୍ଗ ଓ ରଙ୍ଗ ପିଚକାରୀର ଆଜି ଦିନରେ ଦବଦବା ରହେ । ସାରା ଦେଶରେ ହୋଲି ପାଇଁ ଉତ୍ସବର ମାହୋଲ ରହିଛି । ଅନେକ ସ୍ଥାନରେ ବର୍ତ୍ତମାନ ଠାରୁ ହୋଲିର ପ୍ରସ୍ତୁତି ଆରମ୍ଭ ହୋଇସାରିଛି । ବିଭିନ୍ନ ସ୍ଥାନରେ ଏହାକୁ ଭିନ୍ନ ଭିନ୍ନ ଢଙ୍ଗରେ ମନାଯାଇଥାଏ । ଯଦି ଆମେ ହୋଲିର ଉତ୍ପତ୍ତି କିମ୍ବା ହୋଲିର ଇତିହାସ ବିଷୟରେ ଆଲୋଚନା କରିବା, ତେବେ ହୋଲିର ବର୍ଣ୍ଣନା ଅନେକ ପୌରାଣିକ କାହାଣୀରେ ମିଳିଥାଏ।ଆପଣ ଜାଣନ୍ତି କି ପ୍ରଥମେ କିଏ ହୋଲି ଖେଳିଥିଲେ। ଗପ ହେଲେ ବି ସତରେ ଆସନ୍ତୁ ଶୁଣିବା...

ପୃଥିବୀରେ ପୂର୍ବରୁ ଦେବଲୋକରେରେ ରଙ୍ଗର ପର୍ବ ହୋଲି ଖେଳାଯାଉଥିଲା। ହୋଲି ସହିତ ଜଡିତ ଅନେକ ପୌରାଣିକ କାହାଣୀ ମଧ୍ୟରୁ ଅନ୍ୟତମ କାହାଣୀ ଭଗବାନ ଶିବ ଏବଂ ବିଷ୍ଣୁ ଉଭୟଙ୍କ ସହ ଜଡିତ। ପୌରାଣିକ କାହାଣୀ ଅନୁସାରେ, ବିଶ୍ୱର ପ୍ରଥମ ହୋଲି ପ୍ରଭୁ ମହାଦେବ ଖୋଲିଥିଲେ। ଏହି କାହାଣୀଟି ପ୍ରେମର ଦେବତା କାମଦେବ ଏବଂ ତାଙ୍କ ପତ୍ନୀ ରତିଙ୍କ ସହ ଜଡିତ। ଏହି କାହାଣୀ ଅନୁସାରେ, ଯେତେବେଳେ ଭଗବାନ ଶିବ କୈଳାସ ଉପରେ ତାଙ୍କର ଧ୍ୟାନରେ ମଗ୍ନ ଥିଲେ। ତା'ପରେ ତାରକାସୁରକୁ ବଧ କରିବା ପାଇଁ, କାମଦେବ ଏବଂ ରତି ଶିବଙ୍କୁ ଧ୍ୟାନରୁ ଉଠାଇବା ପାଇଁ ନୃତ୍ୟ ଆରମ୍ଭ କଲେ। ରତି ଏବଂ କାମଦେବଙ୍କ ନୃତ୍ୟ ଦ୍ୱାରା ଭଗବାନ ଶିବଙ୍କ ଧ୍ୟାନ ବିଚଳିତ ହୋଇଗଲା, ଯାହା ଫଳରେ ଶିବ କ୍ରୋଧିତ ହୋଇ ସେ ଅଗ୍ନିରେ କାମଦେବଙ୍କୁ ଜାଳି ଦେଲେ।

ଯେତେବେଳେ ରତି ଅନୁତାପରେ କାନ୍ଦିଲେ, ଭଗବାନ ଶିବ ତାଙ୍କ ପ୍ରତି ଦୟା କଲେ ଏବଂ କାମଦେବଙ୍କୁ ପୁନର୍ବାର ଜୀବିତ କଲେ। ଏହି ଖୁସିରେ ରତି ଏବଂ କାମଦେବ ବ୍ରଜ ମଣ୍ଡଳରେ ବ୍ରହ୍ମଭୋଜନର ଆୟୋଜନ କରିଥିଲେ, ଯେଉଁଥିରେ ଦେବୀ ଏବଂ ଦେବୀତାମାନେ ମଧ୍ୟ ଅଂଶଗ୍ରହଣ କରିଥିଲେ। ଚନ୍ଦନ ତିଳକ ଲଗାଇ ରତି ଏହି ଆୟୋଜନ ପାଳନ କରିଥିଲେ। କୁହାଯାଏ ଯେ ଏହି ଦିନଟି ଫାଲଗୁଣ ପୂର୍ଣ୍ଣିମା ଥିଲା।

ସେବଠାରୁ ହିଁ ହୋଲି ପର୍ବକୁ ପାଳନ କରାଯାଉଅଛି। ହୋଲି ଖେଳର ଆଉ ଏକ ପୌରାଣିକ କାହାଣୀ ରହିଛି। ଅସୁର ରାଜା ହିରଣ୍ୟକଶ୍ୟପ ନିଜ ପୁଅ ପ୍ରହଲ୍ଲାଦଙ୍କୁ ମାରିବାକୁ ଷଡ଼ଯନ୍ତ୍ର ରଚିଥିଲେ । କାରଣ ପ୍ରହଲ୍ଲାଦ ଥିଲେ ବିଷ୍ଣୁଙ୍କ ପରମ ଭକ୍ତ । ଆଉ ହିରଣ୍ୟକଶ୍ୟପ ଏଥିରେ ଖୁବ୍ ରାଗିଯାଇ ନଜ ଭଉଣୀ ହୋଲିକା ମାଧ୍ୟମରେ ପ୍ରହଲ୍ଲାଦଙ୍କୁ ହତ୍ୟା କରିବାକୁ ଷଡ଼ଯନ୍ତ୍ର ରଚିଥିଲେ । ହୋଲିକାକୁ ବର ମିଳିଥିଲା ଯେ, ସେ ନିଆଁରେ ଜଳିବ ନାହିଁ । ହେଲେ ସେ ଯେତେବେଳେ ପ୍ରହଲ୍ଲାଦଙ୍କୁ ଧରି ନିଆ ଭିତରକୁ ଗଲେ, ପ୍ରହଲ୍ଲାଦ ବିଷ୍ଣୁଙ୍କୁ ପ୍ରାର୍ଥନା କଲେ । ଆଉ ହୋଲିକା ନିଆଁ ପୋଡ଼ି ହୋଇ ପ୍ରାଣତ୍ୟାଗ କଲେ ଓ ପ୍ରହଲ୍ଲାଦ ବଞ୍ଚିଗଲେ । ଅନ୍ୟ ଏକ ପୌରାଣିକ ତତ୍ୱ ଅନୁସାରେ ରାଧା-କୃଷ୍ଣଙ୍କ ସାତ୍ୱିକ ପ୍ରେମର ପ୍ରମାଣ ହେଉଛି ହୋଲି ଖେଳ ।

ଅଧିକ ପଢ଼ନ୍ତୁ ଜୀବନ ଶୈଳୀ ଖବର:

Argus News | argus news | Odisha Latest News, Breaking News, Trending News, Live TV