କୁରକୁରେ ସମସ୍ତଙ୍କର ବେଶ ପ୍ରିୟ । ଖାଲି ସମୟରେ ଯେତେବେଳେ କିଛି ଚଟପଟା ଖାଇବାକୁ ଇଚ୍ଛା ହୁଏ, ଆମେ କୁରକୁରେ ଖାଇବାକୁ ପସନ୍ଦ କରିଥାନ୍ତି । ସେଥିରେ ସାଧାରଣତଃ ଟିକେ ଟମାଟୋ, ପିଆଜ , ଲେମ୍ବୁ ପକାଇ ଚଟପଟା ଷ୍ଟାଇଲରେ ଖାଇଥାନ୍ତି । କିନ୍ତୁ କୁରୁକୁରେକୁ ଗରମ ପାଣିରେ ସିଝାଇ ଏହାର କିଛି ରେସିପି ହେଉଥିବା ଆପଣ କେବେ ଶୁଣିଛନ୍ତି କି? ସେମିତି ଏକ ରେସିପି ଯାହା ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏକ ଫୁଡ୍ କଣ୍ଟେଣ୍ଟ କ୍ରିଏଟର ଏହି 'ଟେଷ୍ଟ ଦ ବେଷ୍ଟ' ନାମକ ଇନଷ୍ଟାଗ୍ରାମ ଆକାଉଣ୍ଟ ଏହି ଭିଡିଓକୁ ସୋସିଆଲ ମିଡିଆରେ ଶେୟାର କରିଛନ୍ତି । ତେବେ ଏହି ରେସିପିକୁ ଆପଣ ମଧ୍ୟ ନିଜ ଘରେ ସ୍ନାକ୍ସ ଆଇଟମ୍ସ ଭାବେ ପ୍ରସ୍ତୁତ କରି ପରିବାରରେ ସମସ୍ତଙ୍କୁ ଖୁଆଇ ପାରିବେ ।

ଏହି ଭାଇରାଲ ରେସିପି ପାଇଁ ଆପଣଙ୍କୁ ଗୋଟେ ପ୍ୟାକେଟ କୁରକୁରୀ, ୩ଟି ବ୍ରେଡ, ଗୋଟେ ପିଆଜ, କଞ୍ଚା ଲଙ୍କା, ଗୋଟେ ଛୋଟ କପ୍ ମଇଦା, , ଧନିଆ ଗୁଣ୍ଡ , ଲଙ୍କା ଗୁଣ୍ଡ, ଗୋଲମରିଚ ଗୁଣ୍ଡ ନେବାକୁ ପଡିବ । ପ୍ରଥମେ ବ୍ରେଡ ଆଉ କୁରୁକୁରି ସହ କଟା ପିଆଜ ଆଉ କଞ୍ଚା ଲଙ୍କାକୁ କାଟି ଗରମ ପାଣିରେ ଫୁଟାଇବାକୁ ପଡିବ । ଏହା ଫୁଟି ଆସିବା ପରେ ଧିରେଧିରେ ଭାଙ୍ଗି ପରସ୍ପର ସହ ଲାଗିଯିବ । ଏଥିରେ କିଛି ମଇଦା , ଲଙ୍କା ଗୁଣ୍ଡ, ଧନିଆ ଗୁଣ୍ଡ ଆଉ ଗୋଲମରିଚ ଗୁଣ୍ଡ ଦେଇ ୨ ରୁ ୩ ମିନିଟ ଏପରି ଗୋଳାଇବେ । ପରେ ଏହା କାଢି ଗୋଲ ଗୋଲ ଆକାରର ଆକୃତି ଦେଇଦେବେ । ପରେ ସେହି କଡେଇରେ ତେଲ ଗରମ କରି ଏହାକୁ ସେହି ତେଲରେ ପକାଇ ଛାଣିଦେବେ । ପ୍ରସ୍ତୁତ ହୋଇଯିବ ବ୍ରେଡ କୁରୁକୁରେ ରେସିପି । ଗରମ ଗରମ ଟମାଟୋ ସସ୍ ସହ ଏହାକୁ ଖାଇ ପାରିବେ ।

View this post on Instagram

A post shared by taste the best (@taste.thee.best)

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV