ସବୁବେଳେ ଆମ ମନରେ ଏକ ପ୍ରଶ୍ନ ଥାଏ, କାହିଁକି ସ୍ୱାମୀ-ସ୍ତ୍ରୀଙ୍କ ମଧ୍ୟରେ ସ୍ୱାମୀ ବଡ଼ ଆଉ ସ୍ତ୍ରୀ ସାନ । ପତ୍ନୀଙ୍କ ବୟସ ସ୍ୱାମୀଙ୍କଠାରୁ ଢ଼େର କମ୍‌ ଥାଏ । ଏମିତିକି ଦେଖିବାକୁ ମିଳେ ଯେ ସ୍ୱାମୀ-ସ୍ତ୍ରୀଙ୍କ ବୟସ ମଧ୍ୟରେ ପ୍ରାୟ ୫ ରୁ ୧୦ ବର୍ଷ ଅନ୍ତର ଥାଏ । କିଛି ସ୍ଥାନରେ ଏହା ୧୦ରୁ ଅଧିକ ମଧ୍ୟ ଦେଖାଯାଏ । ଏହି ସବୁ ପରମ୍ପରା ବା ପ୍ରଥା ବହୁ ପୂର୍ବରୁ ଚାଲି ଆସୁଛି । କିନ୍ତୁ ଏବେ ଧିରେ ଧିରେ ଏହି ଅନ୍ତର କମି କମି ଆସିଲାଣି । ଏବେ ପୁଅ-ଝିଅ ସମାନ ବୟସରେ ବିବାହ ମଧ୍ୟ ବିବାହ କରୁଛନ୍ତି ।

ହିନ୍ଦୁ ଧର୍ମ ଅନୁଯାୟୀ ବିବାହ ପାଇଁ ବରର ବୟସ ସର୍ବଦା କନ୍ୟାର ବୟସ ଠାରୁ ଅଧିକ ହେବା ଉଚିତ୍। ଏକ ସୁସ୍ଥ ପରିବାର ଗଠନ କରିବା ପାଇଁ ସବୁବେଳେ ପୁଅ ଝିଅ ଠାରୁ ବଡ ହେବା ଆବଶ୍ୟକ। ମାତ୍ର ଏହା କେତେ ଦୂର ଠିକ ଆଉ କେତେ ଦୂର ଭୁଲ। କଣ ଝିଅ ବଡ ହେଲେ ବୈବାହିକ ଜୀବନ ସୁଖମୟ ହୋଇ ପାରିବ ନାହିଁ। ଆସନ୍ତୁ ଜାଣିବା...

ଭାରତୀୟ ଦଣ୍ଡ ସଂହିତାରେ କୌଣସି ଆଇନଗତ ଅଧିକ ବୟସ ପାର୍ଥକ୍ୟ ନାହିଁ। ତଥାପି ବିବାହ ଅଧିନିୟମ ୧୯୫୫ ଅନୁଯାୟୀ, ପୁରୁଷ ୨୧ ଏବଂ ମହିଳା ୧୮ ବର୍ଷ ହେବା ଉଚିତ୍। ୨୧ ବର୍ଷରୁ କମ୍ ବୟସର ପୁରୁଷଙ୍କ ବିବାହ ବେଆଇନ୍। ବିବାହ ସମୟରେ, ସ୍ୱାମୀ-ସ୍ତ୍ରୀ ମଧ୍ୟରେ ୧୦-୧୫ ବର୍ଷର ପାର୍ଥକ୍ୟ ସାଧାରଣ ଭାବରେ ବିବେଚନା କରାଯାଏ ଏବଂ ସ୍ତ୍ରୀଙ୍କଠୁ ସ୍ବାମୀ ବଡ ହେବା ଜରୁରୀ। କିନ୍ତୁ ଯଦି ଆମେ ବାସ୍ତବରେ ଦେଖିବା ଆମ ସମାଜରେ ଅନେକ ସଫଳ ଦମ୍ପତି ଅଛନ୍ତି ଯେଉଁଠି ପତ୍ନୀଙ୍କ ବୟସ ସ୍ବାମୀଙ୍କଠୁ ଅଧିକ। ତେଣୁ ଏଥିରେ ପ୍ରଶ୍ନ ଆସିବ ସ୍ବାମୀ-ସ୍ତ୍ରୀଙ୍କ ମଧ୍ୟରେ ଉଚିତ୍ ବୟସ ଅନ୍ତର କେତେ ହେବା ଆବଶ୍ୟକ।

ସାଧାରଣତଃ ପ୍ରେମ ଅନ୍ଧ ବୋଲି କୁହାଯାଏ। ଏପରିକି ମହିଳାଙ୍କ ହୃଦୟରେ କେଉଁ ପୁରୁଷ ରହିବେ ଏବଂ କେଉଁ ପୁରୁଷଙ୍କ ହୃଦୟରେ କେଉଁ ମହିଳା ରହିବେ ଏହା କେହି କହି ପାରିବେ ନାହିଁ। କିନ୍ତୁ ଆଜି ଆମେ ଆଲୋଚନା କରିବା, ବିଜ୍ଞାନ ଅନୁଯାୟୀ ସ୍ବାମୀ-ସ୍ତ୍ରୀଙ୍କ ମଧ୍ୟରେ ବୟସ ବ୍ୟବଧାନ କେତେ ହେବା ଜରୁରୀ।

ବିଜ୍ଞାନରେ ପୁରୁଷ ଏବଂ ମହିଳାଙ୍କୁ ଶାରୀରିକ ସମ୍ପର୍କ ରଖିବା ପାଇଁ ଉଭୟଙ୍କ ବୟସ କେତେ ହେବା ଆବଶ୍ୟକ ତାହା ଆମେ ଆଲୋଚନା କରିବା। ପୁରୁଷ ଏବଂ ମହିଳାମାନେ କେବଳ ନିଜ ଶରୀରରେ ହରମୋନ ପରିବର୍ତ୍ତନ ହେଲେ ହିଁ ଯୌନ ସମ୍ପର୍କ ରଖିବାକୁ ସକ୍ଷମ ହୋଇଥାନ୍ତି।

ମହିଳାଙ୍କ ଶରୀରରେ ହରମୋନର ପରିବର୍ତ୍ତନ ୭ ରୁ ୧୩ ବର୍ଷ ବୟସରେ ହୁଏ। ସେହିପରି ପୁରୁଷଙ୍କ ଏହି ପରିବର୍ତ୍ତନ ୯ ରୁ ୧୪ ବର୍ଷ ବୟସରେ ହୋଇଥାଏ। ଅର୍ଥାତ ଏହି ହରମୋନ ମହିଳାଙ୍କ ଶରୀରରେ ପୁରୁଷଙ୍କ ତୁଳନାରେ ଶୀଘ୍ର ହୋଇଥାଏ। ଏହି କାରଣରୁ ସେମାନେ ପୁରୁଷଙ୍କ ଅପେକ୍ଷା ଶୀଘ୍ର ଯୌନ ସମ୍ପର୍କ ରଖିବାକୁ ସକ୍ଷମ ହୋଇଥାନ୍ତି।

ହେଲେ ଏହି ହରମୋନାଲ ପରିବର୍ତ୍ତନର ମାନେ ନୁହେଁ ଯେ ଝିଅ କିମ୍ବା ପୁଅକୁ ଜଲଦି ବିବାହ କରିବାକୁ ହେବ। ବିଶ୍ବର ଅନେକ ଦେଶରେ ଶାରୀରିକ ସମ୍ପର୍କ ପାଇଁ ସର୍ବନିମ୍ନ ବୟସ ସ୍ଥିର କରାଯାଇଛି । ଏହି ବୟସ ୧୬ ରୁ ୧୮ ବର୍ଷ ମଧ୍ୟରେ। ଆମ ଦେଶରେ ମଧ୍ୟ ଯୌନ ସମ୍ପର୍କ ରଖିବା ପାଇଁ ବୟସ ୧୮ ରହିଛି । ଅନେକ ଥର ମହିଳାମାନେ ଅନ୍ୟ ପୁଅମାନଙ୍କ ସହିତ ସମ୍ପର୍କ ରଖନ୍ତି କାରଣ ସେମାନଙ୍କର ସାଥୀ ସେମାନଙ୍କର ମାନସିକ, ଭାବପ୍ରବଣ ତଥା ଶାରୀରିକ ଆବଶ୍ୟକତାର ସଠିକ୍ ଯତ୍ନ ନେବାକୁ ସକ୍ଷମ ନୁହଁନ୍ତି । ସ୍ବାମୀ ସ୍ତ୍ରୀ ସମ୍ପର୍କରେ ଶାରୀରିକ ସନ୍ତୁଷ୍ଟି ମିଳିବା ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରେ । ଏହାର ଅଭାବ ଉଭୟଙ୍କ ମଧ୍ୟରେ ଦୂରତାକୁ ବଢାଏ । ଏଭଳି ପରିସ୍ଥିତିରେ ଅନ୍ୟତ୍ର ସମ୍ପର୍କ ରଖିବାର ସ୍ଥିତି ଅଧିକ ରହିଥାଏ ।

ଆମ ଦେଶରେ ବିବାହ ପାଇଁ ସର୍ବନିମ୍ନ ବୟସ ଆଇନଗତ ଭାବରେ ସ୍ଥିର ହୋଇଛି। ଝିଅମାନଙ୍କର ବୟସ ୧୮ ବର୍ଷ ଏବଂ ପୁଅମାନଙ୍କର ବୟସ ୨୧ ବର୍ଷରେ ରଖାଯାଇଛି। ସେହି ଅନୁଯାୟୀ, ସ୍ୱାମୀ-ସ୍ତ୍ରୀଙ୍କ ବୟସରେ ତିନି ବର୍ଷର ବ୍ୟବଧାନ ଏଠାରେ ଆଇନଗତ ଭାବରେ ଗ୍ରହଣୀୟ।

ତେବେ କିଛି ବର୍ଷ ପୂର୍ବରୁ ଝିଅମାନଙ୍କ ବିବାହର ସର୍ବନିମ୍ନ ବୟସକୁ ୨୧ ବର୍ଷକୁ ବୃଦ୍ଧି କରିବା ନେଇ ବେଶ୍ ଚର୍ଚ୍ଚା ହୋଇଥିଲା। ଏ ସମ୍ପର୍କରେ ସୁପ୍ରିମକୋର୍ଟରେ ଏକ ପିଟିସନ ମଧ୍ୟ ଦାଖଲ କରାଯାଇଥିଲା। ତେବେ ସୁପ୍ରିମକୋର୍ଟ ଏହାକୁ ପ୍ରତ୍ୟାଖ୍ୟାନ କରିଛନ୍ତି। ମୋଟ ଉପରେ, ପାରମ୍ପାରିକ ଭାବରେ ଭାରତୀୟ ସମାଜରେ ସ୍ୱାମୀ-ସ୍ତ୍ରୀଙ୍କ ବୟସରେ ୩ରୁ ୫ ବର୍ଷର ବ୍ୟବଧାନ ଗ୍ରହଣୀୟ। ସମାଜ ଏହା ମଧ୍ୟ କହିଛି ଯେ ଝିଅର ବୟସ ପୁଅଠାରୁ କମ୍ ହେବା ଉଚିତ୍। କିନ୍ତୁ, ବେଳେବେଳେ ଏହି ବ୍ୟବଧାନ ୧୦ ରୁ ୧୫ ବର୍ଷ ମଧ୍ୟ ହୋଇଥାଏ। ପ୍ରସିଦ୍ଧ ଅଭିନେତା ଶାହିଦ କପୁର ଏବଂ ତାଙ୍କ ପତ୍ନୀ ମୀରା ରାଜପୁତଙ୍କ ମଧ୍ୟରେ ପ୍ରାୟ ୧୫ ବର୍ଷର ବୟସ ବ୍ୟବଧାନ ଅଛି।